తెలుగు సినీ చిత్రపరిశ్రమలో విషాదం చోటు చేసుకుంది. సీనియర్ నటుడు కోటా శ్రీనివాసరావు 83 ఏళ్ల వయసులో కన్నుమూశారు. విలన్, కమెడియన్, క్యారెక్టర్ ఆర్టిస్ట్ వంటి విభిన్న పాత్రలతో మెప్పించిన కోటా.. రాజకీయాల్లోనూ తనదైన ముద్ర వేశారు. 1999-2004 వరకు విజయవాడ తూర్పు నియోజకవర్గం నుంచి బీజేపీ ఎమ్మెల్యేగా సేవలందించారు. సహచర నటుడు బాబు మోహన్ గతంలో ఓ ఇంటర్వ్యూలో కోటా రాజకీయ ప్రవేశంపై ఆసక్తికర విషయాలు వెల్లడించారు. తాను గన్‌మెన్లతో షూటింగ్‌కు వెళ్లడం చూసి.. కోటా కూడా ఎమ్మెల్యే కావాలని నిర్ణయించుకున్నారని ఇంట్రెస్టింగ్ విషయాలు పంచుకున్నారు.
హైలైట్:
- కోటన్నతో గమ్మతి ఉండేది
- గన్‌మెన్ల కోసమే ఎమ్మెల్యే అయ్యిండు
- నేను మంత్రయితే తట్టుకోలేకపోయాడు
నేను మంత్రి అయిన తర్వాత నా సీటు మారింది. ఆ తర్వాత కోటన్న మరింత తట్టుకోలేకపోయాడు. ‘ఏరా నువ్వు మంత్రయితే.. పోయి అక్కడ కూర్చుంటవా.. ముందు వరుసలో నీకెం పనోయ్. వచ్చి నా పక్కన కూర్చో..’ అని అనేవాడు. అందుకు నేను ‘రూల్స్ రూల్సూ.. నేను కేబినెట్ మంత్రి.. నువ్వు జస్ట్ ఎమ్మెల్యే.. నువ్వు అక్కడ.. నేను ఇక్కడ..’ అని ఏడిపించేవాడిని. అయినా కోటన్న వినిపించుకోకపోయేది. ‘నీకు మంత్రి పదవి ఎందుకురా..? మనం ఎమ్మెల్యేలుగా ఉంటేనే బాగుంటది.. పక్క పక్కనే కూర్చోవచ్చు’ అని సతాయించేది. ఆ తర్వాత తాను ఎలాగూ మంత్రి కాలేనని తెలిసి కోటన్న అసెంబ్లీకి రావటం మానేశాడు. తర్వాతి ఎన్నికల్లో పోటీ కూడా చేయలేదు. అలా 2004 తర్వాత రాజకీయాలకు దూరమయ్యారు.” అని కోటా శ్రీనివాస్ రావు పొలిటికల్ జర్నీపై బాబు మోహన్ ఇంట్రెస్టింగ్ విషయాలు పంచుకున్నారు.
రచయిత గురించిసందీప్ పూల సందీప్ పూల సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 5 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
