Close Menu
ఆంధ్రప్రదేశ్

Pawan Birth Day Wishes To Vihaan,విహాన్‌కు పుట్టిన రోజు శుభాకాంక్షలు తెలిపిన డిప్యూటీ సీఎం పవన్ కళ్యాణ్.. ఎవరీ కుర్రాడు – ap deputy cm pawan kalyan praises young vihaans charity on his birthday

.By .No Comments0 Views
Pawan Birth Day Wishes To Vihaan,విహాన్‌కు పుట్టిన రోజు శుభాకాంక్షలు తెలిపిన డిప్యూటీ సీఎం పవన్ కళ్యాణ్.. ఎవరీ కుర్రాడు – ap deputy cm pawan kalyan praises young vihaans charity on his birthday


సిస్టిక్ ఫైబ్రోసిస్‌తో బాధపడుతున్న విహాన్ అనే చిన్నారి తన పుట్టినరోజునాడు తోటివారికి సహాయం చేయాలనే గొప్ప మనసును చాటుకున్నాడు. తల్లిదండ్రులు, బంధువులు ఇచ్చిన డబ్బును దాచుకుని, దానిలో కొంత భాగాన్ని జనసేన పార్టీకి, మరికొంత తనలాంటి అనారోగ్యంతో బాధపడుతున్న పిల్లలకు విరాళంగా ఇవ్వడానికి సిద్ధమయ్యాడు. ఈ విషయం తెలుసుకున్న డిప్యూటీ సీఎం పవన్ కళ్యాణ్ విహాన్‌ను ప్రత్యేకంగా అభినందిస్తూ, అతని ఉదారతను కొనియాడారు. పూర్తి వివరాలు తెలియాలంటే ఇది చదవండి.

హైలైట్:

  • చిన్నారి విహాన్‌కు పవన్ బర్త్‌డే విషేస్
  • ఎక్స్ వేదికగా పోస్ట్
  • వైరల్ అవుతోన్న చిన్నారి పేరు
విహాన్‌కు పవన్ బర్త్‌డే విషేస్
విహాన్‌కు పవన్ బర్త్‌డే విషేస్ (ఫోటోలు– Samayam Telugu)

తమ దగ్గర ఎంతున్నా సరిపోదు.. వేరే వారి దగ్గర ఉన్నదాంతో పోల్చుకుని.. జీవితంలో అసంతృప్తితో రగిలిపోయేవారే మన సమాజంలో చాలా మంది ఉంటారు. కానీ కొందరు తమకున్న దానతో తృప్తి పడటమే కాక.. వీలైతే దానిలోనుంచే తోటి వారికి సాయం చేస్తుంటారు. ఇప్పుడు మనం చెప్పుకోబోయే విహాన్ అనే చిన్నారి కూడా ఈ కోవకు చెందినవాడే. తల్లిదండ్రులు, బంధువులు ఇచ్చిన డబ్బులను దాచుకుని అవసరం ఉన్న వారికి సాయం చేస్తుంటాడు. మంచి విషయమే కానీ.. కొత్తేం కాదు కదా అంటే ఆ చిన్నారి సిస్టిక్ ఫైబ్రోసిస్ అనే సమస్యతో బాధపడుతూ కూడా తోటి వారి గురించి ఆలోచించడమే గొప్ప విషయం. ఇది కాస్త ఏపీ డిప్యూటీ సీఎం పవన్ కళ్యాణ్‌కి తెలియడంతో ఆయన ప్రత్యేకంగా అభినందించారు. ఆ వివరాలు.. ఏపీ డిప్యూటీ సీఎం పవన్ కళ్యాణ్ ఎక్స్‌ ఖాతాలో చిన్నారి విహాన్‌కు పుట్టిన రోజు శుభాకాంక్షలు తెలిపారు. దీంతో ఒక్కసారిగా ఈ చిన్నారి పేరు తెలుగు రాష్ట్రాల్లో వైరల్ అయ్యింది. సాధారణంగా విహాన్ వయసున్న పిల్లలు తమ పుట్టినరోజు నాడు వారికే రకరకాల బహుమతులు కావాలని కోరతారు. కానీ విహాన్ మాత్రం తాను దాచుకున్న డబ్బుతో.. బర్త్ డే నాడు సేవా మార్గాన్ని ఎంచుకోవడంతో పవన్ కళ్యాణ్ ఆ చిన్నారికి హృదయపూర్వక అభినందనలు తెలిపారు. తీసుకునే లోకంలో.. తోటి వారికి ఇవ్వాలనుకున్న విహాన్ గొప్పవాడు అంటూ పవన్ కళ్యాణ్ ప్రశంసించారు.

విహాన్ ఉదారత చూసి ప్రేరణ పొందినట్టు తెలిపిన పవన్ కళ్యాణ్, అనారోగ్య పరిస్థితిలోనూ.. ఆ చిన్నారి పరుల గురించి ఆలోచిస్తూ సేవా మార్గాన్ని ఎంచుకోవడం గర్వకారణం అన్నారు. చిన్న వయసులోనే గొప్ప ఉదారత ప్రదర్శించి అందరి మనసులను గెలుచుకున్న విహాన్‌కు పవన్ కళ్యాణ్ జన్మదిన శుభాకాంక్షలు తెలిపారు. ఆ చిన్నారికి ఆరోగ్యం, ఆనందం కలగాలని ఆశీర్వాదించారు. విహాన్‌ను చూసి ఎంతో నేర్చుకోవాల్సిన అవసరం ఉందంటూ ఎక్స్ వేదికగా పవన్ కళ్యాణ్ ప్రశంసలు కురిపించారు.

ఎవరీ విహాన్..

చిన్నారి విహాన్‌ సిస్టిక్ ఫైబ్రోసిస్ (సీఎఫ్) అనే జన్యుపరమైన అనారోగ్య సమస్యతో బాధ పడుతున్నారు. ఇది శరీరం మీద మందపాటి శ్లేష్మాన్ని ఉత్పత్తి చేస్తుంది. ప్రధానంగా శ్వాసకోశ వ్యవస్థ, జీర్ణవ్యవస్థను ప్రభావితం చేస్తుంది. అలానే ఊపిరితిత్తులు, ప్యాంక్రియాస్, కాలేయం, ప్రేగులపై కూడా ప్రభావం చూపవచ్చు. ఇలాంటి అనారోగ్య సమస్యతో బాధ పడుతూ కూడా విహాన్ తాను దాచుకున్న డబ్బులను తనలాంటి సమస్యతో బాధపడుతున్న మరో చిన్నారికి విరాళం ఇవ్వడం ప్రతి ఒక్కరిని కదిలిస్తోంది.
పవన్ కళ్యాణ్ షేర్ చేసిన వీడియో చిన్నారి విహాన్ తన పుట్టని రోజని చెప్పి.. తన కిడ్డీ బ్యాంక్ పగులగొట్టాడు. ఆమొత్తాన్ని లెక్కించి దానిలో ఒక భాగాన్ని జనసేన పార్టీకి విరాళంగా ఇచ్చాడు. పవన్ కళ్యాణ్ అంటే తనకు ఇష్టం కనుక జనసేన పార్టీకి తన విరాళం అందించాడు. మరో భాగాన్ని తనలాంటి అనారోగ్య సమస్యతో బాధడపుతున్న చిన్నారికి విరాళంగా ఇవ్వనున్నట్లు చెప్పుకొచ్చాడు. ఈ విషయాన్ని చిన్నారి తండ్రి సోషల్ మీడియాలో షేర్ చేయగా దాన్ని చూసి పవన్ కళ్యాణ్ విహాన్ మంచి మనసుపై ప్రశంసలు కురిపించారు.

పిల్లి ధ‌ర‌ణి

రచయిత గురించిపిల్లి ధ‌ర‌ణిపిల్లి.ధ‌ర‌ణి సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణ, జాతీయ, అంత‌ర్జాతీయానికి సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. తనకు జర్నలిజంలో 7 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్, సినిమా, ఇతర రంగాలకు సంబంధించి వార్తలు రాశారు.… ఇంకా చదవండి