Andhra Pradesh Women Free Bus Travel Ticket: ఆంధ్రప్రదేశ్ ప్రభుత్వం మహిళల కోసం ఆర్టీసీ బస్సుల్లో ఉచిత ప్రయాణ పథకాన్ని ఆగస్టు 15 నుండి ప్రారంభించనుంది. ‘స్త్రీ శక్తి’ పేరుతో ఈ పథకం అమలు కానుంది. ఉచిత ప్రయాణానికి సంబంధించిన జీరో టికెట్ ఫోటో వైరల్ అవుతోంది. ఆధార్, ఓటరు కార్డు చూపి ఎక్కడికైనా ఉచితంగా ప్రయాణించవచ్చు. మరిన్ని వివరాలు త్వరలో తెలుస్తాయి. ఈ పథకం మహిళా సాధికారతకు ఒక గొప్ప ముందడుగు కానుంది.
హైలైట్:
- ఏపీలో మహిళలకు ఉచిత బస్సు ప్రయాణం
- ఈ పథకానికి ఆ పేరు దాదాపుగా ఫైనల్ చేశారు
- సోషల్ మీడియాలో టికెట్ వైరల్ అవుతోంది
ఏపీకి కొత్తగా 1,050 బస్సులు రానున్నాయి.. ప్రతి ఏటా కొత్త ఎలక్ట్రికల్ బస్సులు తీసుకురావాలని ప్లాన్ చేస్తున్నారు. మహిళల ఉచిత ప్రయాణ పథకం కోసం అన్ని బస్‌స్టేషన్లలో ఏర్పాట్లు చేశారు. బస్‌స్టేషన్లలో మరుగుదొడ్లు, తాగునీటి వసతులు ఏర్పాటు చేశారు. త్వరలో జరిగే కేబినెట్ సమావేశం తర్వాత ఈ పథకం యొక్క విధివిధానాలపై పూర్తి స్పష్టత వస్తుంది. కొద్దిరోజులుగా రవాణాశాఖ మంత్రి, ఆర్టీసీ ఛైర్మన్, ఆర్టీసీ ఎండీలు రాష్ట్రవ్యాప్తంగా పర్యటిస్తున్నారు. ఉచిత బస్సు పథకంపై సమీక్షలు నిర్వహిస్తూ.. అవసరమైన ఏర్పాట్లపై ఆరా తీస్తున్నారు. ఆగస్టు 15 నుంచి ఈ పథకం ప్రారంభంకానుండటంతో ఏర్పాట్లను ముమ్మరం చేస్తున్నారు.. ఎలాంటి ఇబ్బందులు లేకుండా చర్యలు తీసుకుంటున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఆయన ఆంధ్రప్రదేశ్‌కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్‌తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
