చాలా మందికి శరీరంలో వచ్చే పెద్ద ఆరోగ్య సమస్యలు మొదటగా నోటిలో చిన్న గుర్తుల రూపంలో కనిపిస్తాయని తెలియదు. ఉదాహరణకు.. నోటిలో పుండ్లు, చిగుళ్ల నుండి రక్తం రావడం, చిన్న పుండ్లు లేదా వాపు కనిపించడాన్ని మనం పట్టించుకోకపోతే.. అవి పెద్ద ఆరోగ్య సమస్యలకు గుర్తు కావచ్చు. మీ చిగుళ్ల ఆరోగ్యం బాగాలేకపోతే.. నోటిలో చెడు బ్యాక్టీరియా విపరీతంగా పెరిగే అవకాశం ఉంటుంది. ఇవి నోటిలోనే ఉండకుండా రక్తంలోకి వెళ్లి శరీరంలోని ఇతర భాగాలపై ప్రభావం చూపుతాయి. ఇది ముఖ్యంగా గుండె సంబంధిత సమస్యలకు కారణం అవుతుంది.
గుండె జబ్బులకు దారి తీస్తాయా..?
పళ్లు నలిగే భాగంలో పళ్ల వాపు, చిగుళ్ల నుండి రక్తం రావడం, ఎముకలు బలహీనపడటం లాంటి సమస్యలు ఉన్నప్పుడు.. ఇవన్నీ కూడా గుండె జబ్బులకు గుర్తులుగా చూడవచ్చు. కొత్త పరిశోధనల ప్రకారం చిగుళ్ల జబ్బు ఉన్నవారికి గుండెపోటు వచ్చే ప్రమాదం సుమారు 28 శాతం ఎక్కువ ఉంటుందట. నోటిలోని బ్యాక్టీరియాల వల్ల గుండెను కప్పే పొరకు ఇన్ఫెక్షన్ వస్తుంది. దీనినే ఎండోకార్డిటిస్ అంటారు. ఇది వృద్ధులలో పక్షవాతం వచ్చే అవకాశాలను కూడా పెంచుతుంది.
అంతేకాకుండా చిన్నపిల్లల్లోనే నోటి సమస్యలు కనిపిస్తే.. తీరా పెద్దయ్యాక వారి రక్తనాళాలు గట్టిపడి.. మూసుకుపోయే ప్రమాదం ఎక్కువగా ఉంటుందని కూడా నిపుణులు హెచ్చరిస్తున్నారు. అంటే నోటి ఆరోగ్యం చిన్న విషయం కాదు.. చాలా ముఖ్యం.
పళ్ల ఆరోగ్యం కోసం చేయాల్సినవి..
సాధారణంగా మనం ఆహారం తినడం ఎంత ముఖ్యమో.. రోజుకు కనీసం రెండు సార్లు పళ్లు తోముకోవడం కూడా అంతే అవసరం. ముఖ్యంగా నిద్రపోయే ముందు బ్రష్ చేయడం వల్ల నోటిలో బ్యాక్టీరియా పెరగకుండా ఉంటుంది. దీని వల్ల గుండెపై వచ్చే చెడు ప్రభావాన్ని తగ్గించవచ్చు.
పాలు, జీడిపప్పు, పెరుగు లాంటి కాల్షియం, విటమిన్ డి ఎక్కువ ఉన్న ఆహార పదార్థాలను రోజూ తినాలి. దీని వల్ల పళ్లు బలంగా ఉంటాయి. మూడు నెలలకోసారి దంత వైద్యుడిని కలిసి పళ్లు చూపించుకోవడం వల్ల పళ్లకు దెబ్బ తగిలే అవకాశం తగ్గుతుంది. దీని వల్ల పళ్లు పుచ్చిపోవడం, నోటి ఇన్ఫెక్షన్లు లాంటి సమస్యల్ని ముందుగానే గుర్తించి ఆపవచ్చు.
నోటి శుభ్రతను పట్టించుకోకపోతే.. అది గుండెపోటు వరకు తీసుకువెళ్లే ప్రమాదం ఉంది. కాబట్టి రోజూ సరైన పళ్ల సంరక్షణతో పాటు.. సమయానికి డాక్టర్ సలహా తీసుకోవడం కూడా మన ఆరోగ్యాన్ని కాపాడే ముఖ్యమైన మార్గం.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
