దిన ఫలాలు (ఆగస్టు 1, 2025): మేష రాశి వారికి ఆర్థిక వ్యవహారాల్లో సరికొత్త నిర్ణయాలు సత్ఫలితాలను ఇచ్చే అవకాశముంది. వృషభ రాశి వారికి వ్యాపారంలో లాభాలకు లోటుండకపోవచ్చు. మిథున రాశి వారు ఉద్యోగ ప్రయత్నాల్లో శుభవార్తలు వినే అవకాశముంది. మేష రాశి మొదలు మీన రాశి వరకు 12 రాశుల వారికి శుక్రవారంనాటి రాశిఫలాలు ఎలా ఉన్నాయంటే..?
మేషం (అశ్విని, భరణి, కృత్తిక 1)
వృత్తి, ఉద్యోగాలు సాఫీగా, సంతృప్తికరంగా సాగిపోతాయి. అధికారుల నమ్మకాన్ని చూరగొంటారు. వ్యాపారాల్లో కొద్ది మార్పులు చేపట్టి లబ్ధి పొందుతారు. ఆర్థిక వ్యవహారాల్లో మీ సరికొత్త నిర్ణయాలు సత్ఫలితాలను ఇస్తాయి. ఎటువంటి ప్రయత్నం తలపెట్టినా కలిసి వస్తుంది. కుటుంబ జీవితంలో శుభ పరిణామాలు చోటు చేసుకుంటాయి. ఆదాయం బాగానే వృద్ధి చెందుతుంది. వ్యక్తిగత సమస్యల పరిష్కారంలో ఆలోచించి నిర్ణయాలు తీసుకోవడం మంచిది. పెళ్లి ప్రయత్నాల్లో శుభవార్తలు వింటారు.
వృషభం (కృత్తిక 2,3,4, రోహిణి, మృగశిర 1,2)
వృత్తి, ఉద్యోగాల్లో మీ మాటకు విలువ పెరుగుతుంది. అధికారులకు మీ సలహాలు, సూచనలు బాగా ఉపయోగపడతాయి. వ్యాపారంలో లాభాలకు లోటుండకపోవచ్చు. వ్యక్తిగత సమస్య ఒకటి పరిష్కారం అవుతుంది. ఆదాయం బాగానే వృద్ధి చెందుతుంది. ఆర్థికంగా అనుకూల పరిస్థితులు ఉంటాయి. ప్రముఖులతో పరిచయాలు ఏర్పడతాయి. పెళ్లి, ఉద్యోగ ప్రయత్నాలు సఫలం అవుతాయి. సోదరులతో ఆస్తి వివాదం సమసిపోతుంది. కుటుంబ జీవితం సాఫీగా, హ్యాపీగా సాగిపోతుంది.
మిథునం (మృగశిర 3,4, ఆర్ద్ర, పునర్వసు 1,2,3)
ఉద్యోగంలో ఒత్తిడి చాలావరకు తగ్గిపోతుంది. వృత్తి, వ్యాపారాలు లాభాల బాటపడతాయి. చేపట్టిన పనులన్నీ సవ్యంగా పూర్తవుతాయి. ఉద్యోగ ప్రయత్నాల్లో శుభవార్తలు వింటారు. ప్రయాణాలలో ఆశించిన ప్రయోజనాలు లభిస్తాయి. కొత్త వ్యక్తులు పరిచయం అవుతారు. అనేక విధాలుగా ఆదాయం పెరిగే అవకాశం ఉంది. ఉద్యోగం మారడానికి చేస్తున్న ప్రయత్నాలు ఫలిస్తాయి. నిరుద్యోగులకు సొంత ఊర్లో ఉద్యోగం లభించే అవకాశం ఉంది. ఆహార, విహారాల్లో జాగ్రత్తగా ఉండడం మంచిది.
కర్కాటకం (పునర్వసు 4, పుష్యమి, ఆశ్లేష)
ఉద్యోగంలో ఒకటి రెండు శుభవార్తలు వినే అవకాశం ఉంది. వృత్తి, వ్యాపారాల్లో అంచనాలకు మించి రాబడి పెరుగుతుంది. ఆదాయం, ఆరోగ్యం నిలకడగా సాగిపోతాయి. అనుకోని ఖర్చులు మీద పడే అవకాశం ఉంది. ముఖ్యమైన పనులు సకాలంలో పూర్తవుతాయి. జీవిత భాగస్వామితో కలిసి ఆలయాలు సందర్శిస్తారు. ఉద్యోగ, పెళ్లి ప్రయత్నాల్లో ఆశించిన సమాచారం అందుతుంది. కుటుంబ సభ్యుల నుంచి కొద్దిగా ఒత్తిడి ఉండవచ్చు. పిల్లల నుంచి శుభవార్తలు వింటారు.
సింహం (మఖ, పుబ్బ, ఉత్తర 1)
ఉద్యోగ జీవితం సాఫీగా, సంతృప్తికరంగా సాగిపోతుంది. వృత్తి జీవితంలో డిమాండ్ పెరుగుతుంది. చనలున్నాయి. కొత్త అవకాశాలు అంది వస్తాయి. ఆదాయం నిలకడగా ఉంటుంది. ఆర్థికంగా ఎవరికీ వాగ్దానాలు చేయకపోవడం ఉత్తమం. సొంత పనుల మీద శ్రద్ధ పెట్టడం మంచిది. దాన ధర్మాలు, ఉచిత సహాయాలకు దూరంగా ఉండాల్సిన అవసరం ఉంది. మిత్రుల వల్ల కొద్దిగా నష్ట పోయే సూచనలున్నాయి. వ్యాపారాలు కొద్దిగా పురోగతి చెందుతాయి. ఆరోగ్యం బాగానే ఉంటుంది.
కన్య (ఉత్తర 2,3,4, హస్త, చిత్త 1,2)
ఉద్యోగంలో పదోన్నతికి అవకాశం ఉంది. సహచరుల నుంచి సహాయ సహకారాలు అందుతాయి. వృత్తి, వ్యాపారాలు లాభసాటిగా పురోగమిస్తాయి. సోదర వర్గంతో ఆస్తి వివాదం ఒకటి పరిష్కారం అయ్యే అవకాశం ఉంది. ఉద్యోగం మారే ప్రయత్నాలు ఫలిస్తాయి. అనుకున్న పనులు అనుకున్నట్టు పూర్తవుతాయి. ఆర్థిక పరిస్థితి చాలావరకు అనుకూలంగా ఉంటుంది. కొత్త నిర్ణయాలకు, కొత్త ప్రయత్నాలకు సమయం అనుకూలంగా ఉంది. పిల్లల నుంచి ఆశించిన శుభవార్తలు వింటారు.
తుల (చిత్త 3,4, స్వాతి, విశాఖ 1,2,3)
ఉద్యోగంలో మీ పని తీరుతో అధికారులు బాగా సంతృప్తి చెందుతారు. పదోన్నతికి, జీతభత్యాల పెరుగుదలకు మార్గం సుగమం అవుతుంది. వృత్తి, వ్యాపారాలు బాగా లాభసాటిగా సాగిపోతాయి. ఉద్యోగం మారడానికి అవకాశం ఉంది. ప్రభుత్వ ఉద్యోగులకు జీతభత్యాలు బాగా పెరుగుతాయి. నిరుద్యోగులు ఒకటి రెండు శుభవార్తలు వింటారు. పెళ్లి ప్రయత్నాలకు సానుకూల స్పందన లభిస్తుంది. బంధు వర్గంలో మీ మాటకు విలువ పెరుగుతుంది. ముఖ్యమైన వ్యవహారాలు పూర్తవుతాయి.
వృశ్చికం (విశాఖ 4, అనూరాధ, జ్యేష్ట)
ఉద్యోగంలో అధికారులకు, సహచరులకు ఆశించిన సహాయ సహకారాలు అందిస్తారు. ఆర్థిక, ఆస్తి వ్యవహారాలు సానుకూలంగా సాగిపోతాయి. ఆదాయ వృద్ధి ప్రయత్నాలు సత్ఫలితాలనిస్తాయి. ప్రయాణాల వల్ల లాభాలు కలుగుతాయి. కుటుంబ సభ్యులతో తొందరపడి మాట్లాడడం మంచిది కాదు. స్వల్ప అనారోగ్య సమస్యలు బాధిస్తాయి. వృత్తి, వ్యాపారాలు నిదానంగా ముందుకు సాగుతాయి. కుటుంబ జీవితం సాఫీగా, హ్యాపీగా సాగిపోతుంది. ఎదురు చూస్తున్న శుభవార్తలు వింటారు.
ధనుస్సు (మూల, పూర్వాషాఢ, ఉత్తరాషాఢ 1)
వృత్తి, ఉద్యోగాల్లో మీ సామర్థ్యాన్ని నిరూపించుకుంటారు. వ్యాపారాలు బాగా లాభసాటిగా పురోగమిస్తాయి. చేపట్టిన పనులన్నీ నిర్విఘ్నంగా పూర్తవుతాయి. ఇంటా బయటా ఒత్తిడి ఉంటుంది. ఆదాయం బాగా వృద్ధి చెందుతుంది. ఆర్థిక, వ్యక్తిగత సమస్యలు చాలావరకు పరిష్కారం అవుతాయి. ఆధ్యాత్మిక విషయాల మీద శ్రద్ధ పెరుగుతుంది. ప్రయాణాల్ని వాయిదా వేయడంమంచిది. నిరుద్యోగులకు కాలం కలిసి వస్తుంది. అదనపు ఆర్థిక ప్రయత్నాలు ఆశించిన ఫలితాలనిస్తాయి.
మకరం (ఉత్తరాషాఢ 2,3,4, శ్రవణం, ధనిష్ట 1,2)
ఉద్యోగంలో మీ పనితీరుకు, శ్రద్ధాసక్తులకు అధికారుల నుంచి ప్రోత్సాహం లభిస్తుంది. వృత్తి, వ్యాపారాల్లో యాక్టివిటీ కొద్దిగా పెరుగుతుంది. ఆస్తి, ఆర్థిక వ్యవహారాల్ని పూర్తి చేయడంలో కుటుంబ సభ్యుల సహాయం లభిస్తుంది. ఆదాయం కొద్దిగా వృద్ధి చెందుతుంది. ఆర్థిక పరిస్థితి ఆశాజనకంగా సాగిపోతుంది. కుటుంబంతో కలిసి విహార యాత్రకు ప్లాన్ చేస్తారు. రావాల్సిన డబ్బు చేతికి అందుతుంది. ఆహార, విహారాల్లోనే కాక, ప్రయాణాల్లోనూ జాగ్రత్తలు పాటించడం మంచిది.
కుంభం (ధనిష్ట 3,4, శతభిషం, పూర్వాభాద్ర 1,2,3)
ఉద్యోగంలో ప్రాధాన్యం పెరుగుతుంది. అధికారుల నమ్మకాన్ని చూరగొంటారు. ఉద్యోగ ప్రయ త్నాల్లో శుభవార్త అందుతుంది. పెళ్లి ప్రయత్నాలు సానుకూలపడతాయి. అనవసర పరిచయాలకు దూరంగా ఉండడం మంచిది. ఆదాయ ప్రయత్నాలు ఫలించి అవసరాలు తీరుతాయి. వృత్తి, వ్యాపారాలపై శ్రద్ధ పెంచాల్సిన అవసరం ఉంది. ముఖ్యమైన పనులు, వ్యవహారాలు సవ్యంగా పూర్తవుతాయి. ఇతరులకు మేలు జరిగే పనులు చేస్తారు. ఆరోగ్యం బాగా అనుకూలంగా ఉంటుంది.
మీనం (పూర్వాభాద్ర 4, ఉత్తరాభాద్ర, రేవతి)
ఉద్యోగంలో బరువు బాధ్యతలు పెరుగుతాయి. అధికారులు మీ సమర్థతను గుర్తిస్తారు. వృత్తి, వ్యాపారాల్లో లాభసాటి వాతావరణం ఉంటుంది. ఆస్తి వ్యవహారాల్లో లాభాలు పొందడానికి అవకాశం ఉంది. కుటుంబ సభ్యుల మీద ఖర్చు పెరుగుతుంది. ఆకస్మిక ధన ప్రాప్తి సూచనలున్నాయి. ప్రముఖులతో పరిచయాలు ఏర్పడతాయి. ఆదాయం వృద్ధి చెందుతుంది. నిరుద్యోగులకు ఆఫర్లు అందుతాయి. వ్యక్తిగత సమస్య పరిష్కారం అవుతుంది. ఆరోగ్యం పరవాలేదు. ప్రయాణాలు లాభిస్తాయి.
