Ap Deepam 2 Scheme Third Cylinder Booking: ఏపీలో మహిళలకు ప్రభుత్వం తీపికబురు చెప్పింది. మూడో విడత ఉచిత గ్యాస్ సిలిండర్ బుక్ చేసుకోవాలని సూచించింది. నేటి నుంచి మూడో విడత గ్యాస్ సిలిండర్ల బుక్ ప్రారంభమవుతుంది. రెండో విడత గ్యాస్ సిలిండర్ బుకింగ్ ప్రక్రియ జులై 31తో ముగిసింది. ఇప్పుడు మూడో సిలిండర్ బుకింగ్ మొదలైంది. అలాగే సిలిండర్ కోసం డబ్బుల్ని ముందే కట్టాల్సిన అవసరం లేకుండా మరో నిర్ణయం తీసుకుంది.
గ్యాస్ సిలిండర్ రాయితీ డబ్బులు జమ కాకపోతే వినియోగదారులు ఆందోళన చెందాల్సిన అవసరం లేదు. గ్యాస్ సిలిండర్ తీసుకున్న వినియోగదారులకు రాయితీ డబ్బులు ఖాతాలో జమ కాకపోతే ఫిర్యాదు చేయొచ్చు. సచివాలయం, ఎంపీడీవో కార్యాలయం, జిల్లా అధికారులకు ఫిర్యాదు చేయొచ్చు. 1967 నంబర్‌కు ఫోన్ చేసి కూడా చెప్పవచ్చు. ఈకేవైసీ సమస్య ఉంటే గ్యాస్ ఏజెన్సీని కలవాలి. .సాంకేతిక సమస్య ఉంటే అధికారులు పరిష్కరిస్తారు.
ఒకే సీన్‌లో ఏడిపించగలరు, భయపెట్టగలరు.. నేను సీఎంగా ఉన్నప్పుడే ఎమ్మెల్యే అయ్యారు: చంద్రబాబు
ఏపీ ప్రభుత్వం దీపం-2 పథకం లబ్ధిదారులకు ప్రభుత్వం ఒక కొత్త విధానాన్ని తీసుకురానుంది. గతంలో సిలిండర్ బుక్ చేసిన తర్వాత కొనుగోలు చేసిన తర్వాత రాయితీ డబ్బులు ఖాతాలో జమ అవుతున్నాయి. దీని వల్ల లబ్ధిదారులు ముందు డబ్బులు చెల్లించాల్సి వస్తోంది. ఈ ఇబ్బందిని తొలగించడానికి ప్రభుత్వం నేరుగా చెల్లింపులు చేసేలా చూస్తోంది. లబ్ధిదారులు ముందుగా సిలిండర్ కోసం డబ్బులు చెల్లించాల్సిన అవసరం లేదు. సిలిండర్ ఇంటికి చేరినప్పుడే డబ్బులు చెల్లించేలా డిజిటల్ వ్యాలెట్ యాప్ ద్వారా ఏర్పాట్లు చేస్తున్నారు. వ్యాలెట్‌లో జమ చేసిన డబ్బును సిలిండర్ కొనుగోలుకు మాత్రమే ఉపయోగించాలి. ఇతర అవసరాలకు వాడుకోకుండా ప్రభుత్వం చర్యలు తీసుకుంటోంది. ప్రస్తుతం కృష్ణా, ఎన్టీఆర్ జిల్లాల్లో దీన్ని ప్రయోగాత్మకంగా అమలు చేస్తున్నారు. ఇది విజయవంతమైతే రాష్ట్రమంతటా అమలు చేస్తారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఆయన ఆంధ్రప్రదేశ్‌కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్‌తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
