Konaseema 30 Feet Digging,కోనసీమ: ఓ ఇంట్లో 30 అడుగుల గొయ్యి తవ్వారు.. కారణం తెలిసి వణికిపోయిన జనాలు – 30 feet digging in a house near kothapeta konaseema district

ఆ ఇంట్లో క్షుద్రపూజలు చేస్తు్న్న ఆరుగురు అనుమానితులను పట్టుకుని ప్రశ్నించారు.. అనంతరం పోలీసులకు అప్పగించారు. వీరందరిపై పోలీసులు కేసు నమోదు చేశారు. ఆ ఇంట్లో క్షుద్ర పూజలు చేస్తున్న వ్యక్తులు ఎవరు.. ఈ పూజల వెనక ఉద్దేశం ఏంటి అనే కోణంలో దర్యాప్తు చేస్తున్నారు. వానపల్లిలో ఈ క్షుద్రపూజల వ్యవహారం సంచలనంగా మారింది.. గ్రామంలో ఆందోళన నెలకొంది. అమలాపురానికి చెందిన ఓ వ్యక్తి పూజలు చేసినట్లు తెలుస్తోంది. అయితే ఆ ఇంటి యజమాని పొంతన లేకుండా మాట్లాడటంతో పోలీసులు అనుమానం వ్యక్తం చేస్తున్నారు. ఇదిలా ఉంటే గుప్త నిధుల కోసమే ఇలా గొయ్యిని తవ్వి ఉంటారని అనుమానిస్తున్నారు.

మన దేశంలో టెక్నాలజీ ఎంతో అభివృద్ధి చెందినా సరే ఇలా క్షుద్రపూజలు, గుప్తనిధుల తవ్వకాల పేరుతో మూఢ నమ్మకాలను నమ్మేస్తున్నారు. ఇటీవల కాలంలో గుప్తనిధులపై కొంతమందికి ఆశ కలిగి ఇలా ఎక్కడపడితే అక్కడ తవ్వేస్తున్నారు. కొందరైతే ఏకంగా ఆలయాలను కూడా ధ్వంసం చేసిన సందర్భాలు ఉన్నాయి. ఇటీవల కాలంలో గుప్త నిధుల తవ్వకాలు జరిపే ముఠాలు పోలీసులకు దొరికిపోయాయి.. అయినా సరే ఇప్పటికే కొందరు పద్దతి మార్చుకోవడం లేదు గుప్తు నిధుల పేరుతో జనాలను నమ్మిస్తున్నారు. ఈ క్రమంలోనే ఈ ఘటన కూడా జరిగిందని చెప్పాలి.