Close Menu
ఆంధ్రప్రదేశ్

Ntr Vaidya Seva Trust Aarogyasri Without Card,ఏపీ ప్రజలకు గుడ్‌న్యూస్.. ఆ కార్డు లేకపోయినా ఆరోగ్యశ్రీ కింద వైద్యం.. సింపుల్‌గా ఇలా చేయండి – people who dont have ntr vaidya seva trust aarogyasri card will receive treatment with the permission of chief ministers office in andhra pradesh

.By .No Comments0 Views
Ntr Vaidya Seva Trust Aarogyasri Without Card,ఏపీ ప్రజలకు గుడ్‌న్యూస్.. ఆ కార్డు లేకపోయినా ఆరోగ్యశ్రీ కింద వైద్యం.. సింపుల్‌గా ఇలా చేయండి – people who dont have ntr vaidya seva trust aarogyasri card will receive treatment with the permission of chief ministers office in andhra pradesh


NTR Vaidya Seva Trust Aarogyasri Process: ఏపీ ప్రభుత్వం ఎన్టీఆర్ వైద్య సేవ ట్రస్ట్ (ఆరోగ్య శ్రీ)ని అమలు చేస్తున్న సంగతి తెలిసిందే. అయితే కొందరికి కార్డు లేకపోవడం వల్ల వైద్యం విషయంలో ఇబ్బందిపడుతుంటారు. అలాంటి వారికి కూడా ప్రభుత్వం అవకాశం కల్పిస్తోంది. ముఖ్యమంత్రి కార్యాలయం అనుమతితో వైద్యం అందిస్తారు. ఏపీ ప్రజలు ఈ విషయాన్ని గమనించాలి. అర్హత ఉంటే చాలు.. ఆరోగ్య శ్రీ కార్డు లేదనే టెన్షన్ అవసరం లేదు.

హైలైట్:

  • ఏపీ ప్రజలకు ముఖ్య గమనిక
  • ఆ కార్డు లేకపోయినా ఆరోగ్యశ్రీ
  • CMO అనుమతితో వైద్యం
ఏపీలో ఆ కార్డు లేకున్నా ఆరోగ్య శ్రీ
ఏపీలో ఆ కార్డు లేకున్నా ఆరోగ్య శ్రీ (ఫోటోలు– Samayam Telugu)

ఆంధ్రప్రదేశ్ ప్రభుత్వం ఎన్టీఆర్ వైద్య సేవ ట్రస్ట్ (ఆరోగ్యశ్రీ)కు సంబంధించి కీలక నిర్ణయం తీసుకుంది. ఈ మేరకు ఆసుపత్రుల ద్వారా 3,257 రకాల వ్యాధులకు ఉచితంగా వైద్య సేవలు అందిస్తున్నారు. పేదలు, మధ్య తరగతివారు, ఇలా కార్డులున్న ప్రతి ఒక్కరు సేవలు పొందుతున్నారు. అయితే ఒకవేళ కార్డు లేకపోతే.. వాళ్లకు ముఖ్యమంత్రి కార్యాలయం (CMO) అనుమతితో వైద్యం అందుతుంది. ఒకవేళ ఆరోగ్యశ్రీ కార్డు లేని వాళ్లు ఎవరైనా జబ్బు పడితే ఆరోగ్యశ్రీ నెట్‌వర్క్ ఆసుపత్రికి వెళ్లాలి. అక్కడ ఆరోగ్యమిత్ర అనే వ్యక్తిని కలవాలి.. వారు జిల్లా సమన్వయకర్త కార్యాలయానికి సమాచారం ఇస్తారు. అర్హతలను చూసి, CMO నుంచి అనుమతి తీసుకుంటారు. ఆ తర్వాత వైద్య సేవలు అందుతాయి.. ప్రతిరోజు జిల్లాలో 20 నుంచి 30 మందికి ఇలా అనుమతులు ఇస్తున్నారు. ఎన్టీఆర్ వైద్యసేవ కార్డు ఉన్న కుటుంబాలకు రూ. 5 లక్షల వరకు ఉచిత వైద్యం అందుతుంది. వినికిడి, మాటలు రాని సమస్యలతో పుట్టిన పిల్లలకు రూ. 12 లక్షల వరకు ఖర్చు చేయొచ్చు. క్యాన్సర్ రోగులకు ఎంత ఖర్చయినా ఉచితంగా వైద్యం అందిస్తారు. EHS లో రూ. 1000 దాటితే 836 రకాల జబ్బులకు, ఆరోగ్యశ్రీలో 3,257 రోగాలకు ఉచితంగా వైద్యం లభిస్తుంది. సంవత్సరానికి రూ. 5 లక్షలు లేదా అంతకంటే తక్కువ ఆదాయం ఉన్నవారు ఈ పథకాలకు అర్హులు.

ఎన్టీఆర్ వైద్యసేవ కార్డు ఉన్నవారికి ఇది చాలా ఉపయోగకరమైన పథకం. దీని ద్వారా పేద ప్రజలకు మంచి వైద్యం అందుతుంది. పుట్టుకతో వచ్చే చెవుడు, మూగ సమస్యలకు కూడా ప్రభుత్వం సహాయం చేస్తుంది. క్యాన్సర్ వ్యాధికి కూడా ఉచితంగా అది కూడా అపరిమితంగా వైద్యం అందిస్తున్నారు. ఈ కార్డు ఉంటే చాలా వరకు వైద్య ఖర్చుల గురించి భయపడాల్సిన అవసరం లేదు. ‘రూ.వెయ్యి దాటితే ఈహెచ్‌ఎస్‌లో 836, ఆరోగ్యశ్రీలో 3,257 రోగాలకు ఉచిత వైద్యం వర్తిస్తుంది.12 ఎకరాల లోపు మాగాణి భూమి, 35 ఎకరాల లోపు మెట్ట భూమి ఉన్న రైతులు ఈ పథకానికి అర్హులు. మాగాణి, మెట్ట కలిపి 35 ఎకరాల లోపు ఉన్నా కూడా అర్హులే. శాశ్వత ఉద్యోగులు, పెన్షనర్లు కాకుండా రూ.5 లక్షల లోపు వార్షిక ఆదాయం ఉన్న ఇతర ఉద్యోగులు కూడా ఈ పథకంలో చేరవచ్చు. కుటుంబానికి ఒక కారు ఉన్నా సమస్య లేదు. మున్సిపాలిటీలు, కార్పొరేన్ల పరిధిలో 3వేల చదరపు అడుగుల కంటే తక్కువ ఆస్తి పన్ను చెల్లించే వారు కూడా పేర్లు నమోదు చేసుకోవచ్చు’ అని అధికారులు తెలిపారు.

ఆటోలో సీఎం చంద్రబాబు ప్రయాణం..

ట్రస్ట్ పరిధిలోని ఆసుపత్రుల్లో ఆరోగ్యమిత్రల వ్యవస్థ రోగులకు ఉచిత సేవలు అందిస్తుంది. ఆరోగ్యమిత్రలు ఉచితంగా సేవలు అందిస్తారు. డిశ్చార్జ్ అయ్యాక రవాణా ఛార్జీలు కూడా ఇస్తారు. రోగుల నుంచి ఫీడ్‌బ్యాక్ తీసుకోవడానికి ఐవీఆర్‌ఎస్ విధానాన్ని ఉపయోగిస్తున్నారు. ప్రైవేట్ ఆసుపత్రుల్లో ఎక్కువ డబ్బులు వసూలు చేస్తే ఫిర్యాదు చేయొచ్చు. డబ్బులు ఎక్కువగా తీసుకుంటే ఫిర్యాదు చేయడానికి 104, 14400 టోల్ ఫ్రీ నంబర్లు ఉన్నాయి. అలాగే ప్రధాన మంత్రి జన ఆరోగ్య యోజన (PMJAY) కార్డులు ఉన్నవాళ్లకి దేశంలో ఎక్కడైనా.. PMJAY ఒప్పందం ఉన్న ఆసుపత్రిలో వైద్యం చేయించుకోవచ్చు.

తిరుమల బాబు

రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఆయన ఆంధ్రప్రదేశ్‌కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్‌తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి