తిరుమలలో ఏఐ ఆధారిత దర్శనాలపై మాజీ సీఎస్ ఎల్వీ సుబ్రహ్మణ్యం సంచలన వ్యాఖ్యలు చేశారు. ఏఐ వినియోగించి.. సామాన్య భక్తులకు గంటలో శ్రీవారి దర్శనం అసంభవమని ఆయన తేల్చి చెప్పారు. ఏఐ టెక్నాలజీ వాడినా శ్రీవారి శీఘ్ర దర్శనం కష్టమేనని, ప్రస్తుతం వాడుతున్న విధానానికి మించి మార్పులు చేయడం సాధ్యం కాదని ఆయన తేల్చి చెప్పారు.ఏ ఐ వినియోగం కోసం టీటీడీ ధనాన్ని వృథా చేయొద్దని, భక్తులకు సౌకర్యాలు కల్పించడంపై దృష్టి సారించాలని ఆయన సూచించారు.
దీని ద్వారా అన్ని రకాల దర్శనాలు చేసుకునే భక్తుల సంఖ్యను లెక్కిస్తారు. ఈ విధానం వల్ల.. దర్శనానికి కచ్చితంగా ఎంత సమయం పడుతుందో గుర్తించే అవకాశం ఉందని తెలిపారు. ఈక్రమంలో తిరుమలలో పూర్తి స్థాయిలో ఏఐ సేవలను అందుబాటులోకి తీసుకురావడానికి టెండర్లను కూడా పిలిచారు. అయితే ఏఐ వినియోగం కేవలం దర్శనాల కోసం మాత్రమే కాక గదులకు సంబంధించి కూడా ఉపయోగించుకోవాలని టీటీడీ భావిస్తోంది. తిరుమలలో ఏఐ వినియోగంపై టీటీడీ కసరత్తు చేస్తుండగా.. ఏఐ ఆధారిత దర్శనాల మీద మాజీ సీఎస్ ఎల్వీ సుబ్రహ్మణ్యం సంచలన వ్యాఖ్యలు చేశారు. గంటలో శ్రీవారి దర్శనం అసంభవం అన్నారు.
మాజీ సీఎస్, టీటీడీ మాజీ ఈవో ఎల్వీ సుబ్రహ్మణ్యం నేడు అనగా ఆదివారం నాడు.. బ్రేక్ దర్శన సమయంలో శ్రీవారిని దర్శనం చేసుకున్నారు. ఈ సందర్భంగా టీటీడీలో తీసుకొస్తున్న మార్పుల గురించి ఆయన తన అభిప్రాయం వ్యక్తం చేశారు. అలానే భక్తులకు శ్రీవారి దర్శనం కల్పించే అంశంలో ఏఐ వినియోగంపైన ఎల్వీ స్పందించారు. సామాన్య భక్తులకు గంట లేదా మూడు గంటల్లో శ్రీవారి దర్శనం అసంభవమని ఆయన స్పష్టం చేశారు. ఇందుకోసం ఏఐ టెక్నాలజీ వాడినా.. శీఘ్రదర్శనం కష్టమేనని ఆయన స్పష్టం చేశారు. శ్రీవారి దర్శనం కోసం ప్రస్తుతం వాడుతున్న విధానానికి మించి మరే రకమైన మార్పు చేసే అవకాశం లేదన్నారు. తిరుమలలో ఏఐ వినియోగం కోసం టీటీడీ ధనాన్ని వృథా చేయడం మంచిది కాదని ఎల్వీ ప్రసాద్ సూచించారు.
ఆచరణ అమలు సాధ్యం కాని ఆలోచనలకు స్వస్తి పలకాలని ఎల్వీ సుబ్రహ్మణ్యం.. టీటీడీకి సూచించారు. దీనికి బదులు భక్తులకు మెరుగైన సౌకర్యాలు కల్పించడంపై దృష్టి సారిస్తే మంచిదన్నారు. ఆయన చేసిన వ్యాఖ్యలు సంచలనంగా మారాయి. మరి దీనిపై టీటీడీ ప్రముఖులు ఎలా స్పందిస్తారో చూడాలి.
రచయిత గురించిపిల్లి ధ‌ర‌ణిధరణి పిల్లి సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఆమె తెలంగాణ, ఆంధ్రప్రదేశ్, జాతీయ వ్యవహారాలకు సంబంధించిన తాజా వార్తలు, ప్రభుత్వ పథకాలకు సంబంధించిన సమాచారం అందిస్తుంటారు. ఆమెకు జర్నలిజంలో 7 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో స్థానిక వార్తలు, తెలంగాణ ఎన్నికల అప్డేట్స్, ప్రత్యేక కథనాలు రాశారు. ధరణి ఎస్ఎస్‌జే నుంచి మల్టీ మీడియా జర్నలిజం కోర్స్ పూర్తి చేశారు.… ఇంకా చదవండి
