Tirumala Darshan 7 Dwarams Srivari Temple,తిరుమల గర్భగుడికి 7 ద్వారాలు.. వారికి మాత్రమే శ్రీవారిని చాలా దగ్గరగా దర్శించుకునే అవకాశం! – significance of tirumala srivari temple seven dwarams for devotees darshan tweet goes viral

అయితే తిరుమల శ్రీవారి ఏడు ద్వారాలు, ఏడు మండపాలు అని పిలిస్తారనే మరో వాదన కూడా ఉంది. ఈ ఏడు ద్వారాకలు ఆధ్యాత్మికంగా విశిష్టత ఉందని చెబుతుంటారు. ‘ఈ ఏడు ద్వారాలను.. భక్తులు ఆత్మను పరమాత్మను చేరడానికి ఏడు దశలు, మానవ శరీరంలోనే ఏడు చక్రాలను సూచిస్తాయనే నమ్మకం. తిరుమల శ్రీవారి దర్శనానికి ఈ ఏడు ద్వారాలు దాటడం మోక్ష మార్గంలో అడుగులు వేయడంతో సమానం’ అని చెబుతుంటారు.

1. మహాద్వారం (పడికావలి/సింహద్వారం):

ఈ మహాద్వారాన్ని ఆలయానికి ప్రధాన ద్వారంగా చెబుతుంటారు. ఆలయంలోకి ప్రవేశించడానికి.. భక్తులు బయట విషయాలను వదిలేసి ఆ స్వామివారిని దర్శించుకోవడానికి మొదలు పెట్టే ఆధ్యాత్మిక ప్రయాణం కోసం సిద్ధపడటాన్ని ఈ ద్వారం సూచిస్తుంది. ఈ ద్వారానికి ఇరువైపులా స్వామివారి సంపదలకు సంరక్షకులుగా శంఖనిధి, పద్మనిధిల రక్షఖ దేవతల పంచలోహ విగ్రహాలు ఉంటాయి.

2. నాడిమి పడికావలి (వెండి వాకిలి/ లోపలి గోపురం):

మహాద్వారం అనంతరం ధ్వజస్తంభ మండపం నుంచి చేరుకునే లోపలి ద్వారం.. ఈ ద్వారం తలుపులు వెండి తాపడంతో అలంకరించారు. అందుకే ఈ ద్వారాన్ని వెండి వాకిలి అని కూడా అంటారు. భక్తులు మనస్సును శుద్ధి చేసుకుని అంతర్గతంగా ప్రశాంతతను పొందడానికి ప్రయత్నించడం.

3. బంగారు వాకిలి (బంగారు గడప/బంగారు ద్వారం):

ఈ ద్వారం గర్భగుడికి అత్యంత సమీపంలో పవిత్రమైన ద్వారం అని చెబుతారు.. బంగారంతో మెరిసిపోతూ ఉంటుంది. ఈ ద్వారానికి ఇరువైపులా జయ, విజయుల విగ్రహాలు ఉంటాయి. ఈ ద్వారం నుంచి భక్తులు స్వామివారి మూలవిరాట్‌ను దర్శించుకుంటారు. ఈ ద్వారం ఆ పరమాత్మకు దగ్గరయ్యే స్థితిని సూచిస్తుందని చెబుతారు. భక్తులు భక్తివావంతో అహంకారాన్ని విడిచిపెడతారు.

4. కులశేఖరపడి:

ఈ కులశేఖరపడి బంగారు వాకిలి లోపల, గర్భగుడికి సరిగ్గా ముందు ఉంటుంది. కులశేఖర ఆళ్వార్ తాను స్వామి పాదల చెంత ఉండాలని ఆకాంక్షించాడని.. అందుకే ఇది పవిత్రమైనదిగా భావిస్తారట. ఈ కులశేఖరపడి ఆ శ్రీవారి పట్ల పరిపూర్ణ శరణాగతిని, నిస్వార్థ భక్తి, వినయాన్ని సూచిస్తుందని చెబుతుంటారు.

5. రాములవారి మేడ (ఘంటా మండపం, స్నపన మండపం కలిపి):

ఈ ద్వారం ఉన్న చోట రాములవారు, సీత, లక్ష్మణుల విగ్రహాలు ఉంటాయని చెబుతారు. ఆలయంలో కైంకర్యాలు జరిగే మండపాలకు దగ్గరగా ఉంటుంది.. ఘంటా మండపంలో స్వామివారి విశేషాలను.. స్నపన మండపంలో స్వామివారి అభిషేక కార్యక్రమాలు నిర్వహిస్తారు. సత్యాన్ని గ్రహించి, జ్ఞానాన్ని పొందే దశ.. ఆ స్వామివారి లీలలు, మహిమల్ని తెలుసుకోవడం ద్వారా భక్తిని పెంపొందించుకోవాడాన్ని తెలియజేస్తుంది.

6. గరుడ మండపం:

ఈ గరుడ మండపం బంగారువాకిలికి ఎదురుగా ఉంటుంది.. ఈ గరుడుడు శ్రీమహావిష్ణువుకు వాహనం, నిత్య సేవకుడు కూడా.. ఇది భగవంతుని సేవకునిగా మారి సేవ చేస్తారు. భక్తులు తనను స్వామివారికి సేవకుడిగా భావించి అంకిత భావంతో ఉంటారు.

7. గర్భగుడి (ఆనంద నిలయం):

ఈ గర్భ గుడి (ఆనంద నిలయం)లో ఆ తిరుమల శ్రీవారి మూలవిరాట్ కొలువై ఉంటారు. ఇక్కడే భక్తులకు స్వామివారి ప్రత్యక్ష దర్శనం లభిస్తుంది. భక్తులు భగవంతుడితో ఏకం కావడం, మోక్సాన్ని పొందడం, పరిపూర్ణ ఆనందాన్ని అనుభవిస్తారు.