Simhachalam Temple Special Darshan,తిరుమల తరహాలో ఆ ఆలయంలో భక్తులకు అద్భుత అవకాశం.. ఏడాదికి ఒకసారి ప్రత్యేక దర్శనం ఉచితం – simhachalam temple devotees can get special darshan with donation to anna prasadam

సింహాచలం దేవస్థానం రూ.10 వేలు పైబడి విరాళాలు ఇచ్చిన దాతలకు ప్రత్యేక దర్శనం ఉంటుంది.. ధ్రువపత్రంతో పాటు విరాళం కార్డు అందజేస్తారు. విరాళం ఇచ్చిన రోజున అంతరాలయంలో దర్శనం కల్పిస్తారు.. ఆ తర్వాత ఏడాదికి ఒకసారి స్వామిని దర్శించుకోవచ్చు. వేద పండితులు ఆశీర్వదిస్తారు. స్వామివారి ప్రసాదం, శేషవస్త్రాలతో సత్కరిస్తారు. అలాగే ఏడాదిలో ఒకసారి కుటుంబ సమేతంగా స్వామి దర్శనం చేసుకోవచ్చు. ఏడాదిలో ఒకరోజు (భక్తులు కోరిన రోజున) వారి గోత్రనామాలతో అన్నదానం చేస్తారు.. ఆ రోజు దాతల వివరాలను అన్నదాన సత్రంలో బోర్డుపై ప్రదర్శిస్తారు. సింహాచలం ఆలయంలో భక్తులు విరాళాలు సమర్పించడానికి సింహగిరిపై మూడు కౌంటర్లు ఉన్నాయి.. ఆలయం వెలుపల, P.R.O కార్యాలయం, అన్నప్రసాద భవనం దగ్గర ఈ కౌంటర్లు ఏర్పాటు చేశారు. భక్తులు విరాళాలకు సంబంధించిన సమాచారం కావాలంటే 93987 34612 నంబర్‌ను సంప్రదించవచ్చని అధికారులు తెలిపారు.

సింహాద్రి అప్పన్న స్వామికి భక్తులు విరాళాలను సమర్పిస్తుంటారు.. ఇలా దాదాపు రూ.36.45 కోట్లు బ్యాంకులో డిపాజిట్ చేశారు. ఈ డబ్బులపై వచ్చే వడ్డీ రూ.2 కోట్లతో ఏడాది పొడవునా భక్తులకు అన్నప్రసాదం పెడతారు. సింహాచలం ఆలయానికి భక్తులు ఇచ్చిన విరాళాలను వేరే అవసరాలకు ఉపయోగించరు. రూ.10 వేలు పైబడిన విరాళాలను శాశ్వత పథకం కింద బ్యాంకుల్లో డిపాజిట్ చేస్తారు. ప్రతి నెలలో లక్షమంది వరకు ఉదయం, సాయంత్రం కలిపి అన్నప్రసాదం అందిస్తున్నారు. ఎవరైనా భక్తులు అన్నప్రసాదం కోసం విరాళాలను అందజేయొచ్చు.