AP Government Plans to Life Tax Exemption for Caravan Vehicles: ఏపీలో పర్యాటక రంగాన్ని ప్రోత్సహించే దిశలో ప్రభుత్వం మరో కీలక నిర్ణయం తీసుకున్నట్లు తెలిసింది. రాష్ట్రంలో రిజిస్ట్రేషన్ చేసుకునే టూరిజం కారవాన్ వాహనాలకు లైఫ్ ట్యాక్ మినహాయించే ఆలోచన చేస్తున్నట్లు సమాచారం. రాష్ట్ర ప్రభుత్వం త్వరలోనే నూతన టూరిజం కారవాన్ పాలసీ తీసుకురానుంది. ఈ నేపథ్యంలోనే కారవాన్ వెహికల్స్‌కు లైఫ్ ట్యాక్స్ మినహాయించాలని నిర్ణయించినట్లు సమాచారం. అయితే దీనిపై అధికారిక ప్రకటన రావాల్సి ఉంది.
ఏపీ పర్యాటక శాఖ అధికారులు చెప్తున్న వివరాల ప్రకారం.. బేసిక్ కారవాన్ వాహనం ధర కోటి రూపాయలుగా ఉంటుంది. ఇక అందులో ఉండే సౌకర్యాలు, సదుపాయాలను అనుసరించి కోట్లల్లో ఉంటుంది. ప్రస్తుతం ఏపీలో 5 శాతం లైఫ్ ట్యాక్స్ విధిస్తున్నారు. ఈ లైఫ్ ట్యాక్స్ రేట్ల ప్రకారం కారవాన్ ధర కనీసం కోటి రూపాయలుగా అనుకున్న కూడా వాహనం రిజిస్ట్రేషన్ సమయంలో రవాణా శాఖ అధికారులకు లైఫ్ ట్యాక్స్ కింద రూ.5 లక్షలు చెల్లించాల్సి ఉంటుంది. ఈ నేపథ్యంలో లైఫ్ ట్యాక్స్ మినహాయింపు ఇస్తే టూరిజం కారవాన్ యజమానులకు కనీసం పది లక్షల వరకూ ఆదా అవుతుందని అధికారులు చెప్తున్నారు. రాష్ట్రంలో మరిన్ని టూరిజం కారవాన్ వాహనాలను ఏర్పాటు చేసేలా ప్రోత్సహించేందుకు ఈ నిర్ణయం తీసుకోవాలని భావిస్తున్నట్లు అధికారులు చెప్తున్నారు.
APTDC Employee: ప్రభుత్వ ఉద్యోగి.. రాత్రి వేళ మహిళతో ఆఫీసులోకి.. ఏంటిది సారూ!
మరోవైపు రాష్ట్ర ప్రభుత్వం కారవాన్ పార్కులు ఏర్పాటు చేయాలనే ఆలోచనలోనూ ఉంది. భీమిలి, అరకు సహా మరికొన్ని పర్యాటక ప్రాంతాలలో ఈ కారవాన్ పార్కులు ఏర్పాటు చేసే ఆలోచన చేస్తోంది. అల్లూరి జిల్లాలోని ఐదు చోట్ల ఈ కారవాన్ పార్కులు అభివృద్ధి చేసేందుకు ప్రణాళికలు రచిస్తున్నారు. సందర్శకులు కావాలనుకున్నప్పుడు రెస్ట్ తీసుకునేలా నిరంతరం అందుబాటులో ఉండే కారవాన్ వాహనాలు, వసతి సౌకర్యాలు, పార్కింగ్ కారవాన్ పార్కులలో ఏర్పాటు చేయనున్నారు. వాకింగ్ ట్రాక్‌లు, సిట్-అవుట్ ఏరియాలు,బ్యాడ్మింటన్ కోర్టులు, తాగునీరు, విద్యుత్ వంటి సౌకర్యాలను ఈ కారవాన్ పార్కులలో అభివృద్ధి చేయాలని ప్రభుత్వం భావిస్తోంది.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఆయన ఆంధ్రప్రదేశ్‌కు సంబంధించిన తాజా వార్తలు, ప్రభుత్వ పథకాల సమాచారం, మౌలిక సదుపాయాల కల్పనకు సంబంధించిన కథనాలు, రాజకీయ వార్తలతోపాటు ప్రత్యేక కథనాలు అందిస్తుంటారు. ఏపీ అసెంబ్లీ ఎన్నికలకు సంబంధించి ఆయన ఆసక్తికర కథనాలు, స్పెషల్ ఆర్టికల్స్ రాశారు. గతంలో వీడియో టీమ్‌లో పని చేసిన వెంకటరమణకు స్పోర్ట్స్ న్యూస్ రాసిన అనుభవం కూడా ఉంది. జర్నలిజంలో 8 ఏళ్ల అనుభవం ఉన్న వెంకటరమణ గతంలో ప్రముఖ మీడియా సంస్థల్లో నేషనల్. ఇంటర్నేషనల్, స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు. ఉత్తమ పనితీరు కనబర్చినందుకు గానూ 2025, ఫిబ్రవరిలో వెంకటరమణ టైమ్స్ ఇంటర్నెట్ నుంచి వావ్ అవార్డును అందుకున్నారు.… ఇంకా చదవండి
