Tirumala Leopard Spotted Cctv Footage,తిరుమలలో చిరుత కలకలం.. అదే ప్లేస్‌లో మనిషి ఉంటే.. సీసీ ఫుటేజ్ వైరల్ – leopard spotted near a temple in balaji nagar tirumala

ఇటీవల కాలంలో తిరుమలలో చిరుతల సంచారం పెరిగింది. గత నెలలో అన్నమయ్య భవనం సమీపంలో చిరుత కనిపించింది. చిరుత ఇంను కంచెను దాటుకుని వచ్చింది.. అయితే అటవీశాఖ సిబ్బందికి సమాచారం రావడంతో సైరన్లు మోగించారు.. ఆ వెంటనే చిరుత మళ్లీ అడవిలోకి వెళ్లిపోయింది. అన్నమయ్య భవనం దగ్గరకు చిరుత రావడం సీసీ కెమెరాలో రికార్డయ్యాయి. తిరుపతిలో కూడా ఇటీవల కాలంలో చిరుతల సంచారం కనిపించింది.

గత నెలలో అలిపిరి చెక్ పాయింట్ దగ్గర జింకను చిరుత చంపినట్లు చెబుతున్నారు. జూపార్క్ సమీపంలో ఓ చిరుత దర్జాగా పిట్టగోడపై కూర్చుని ఉంది. రెండు వారాల క్రితం తిరుపతి జూపార్క్ రోడ్డులో ఓ చిరుత రోడ్డుపై బైక్‌పై వెళుతున్న వ్యక్తిపై ఒక్కసారి దూకేసింది. అయితే అతడు చాకచక్యంగా వ్యవహరించి తప్పించుకున్నాడు. చిరుత అతడిపైకి దూకడాన్ని వెనుక వస్తున్న కారు కెమెరాలో రికార్డైంది. ఇలా వరుసగా చిరుతల సంచారంతో భక్తులు, స్థానికులు ఆందోళనలో ఉన్నారు. అటవీశాఖ అధికారులు చిరుతల సంచారాన్ని గమనిస్తున్నారు.