Actor Suman Political Entry: ఆంధ్రప్రదేశ్ రాజకీయాల్లోకి ఎంట్రీపై సీనియర్ నటుడు సుమన్ ఆసక్తికర వ్యాఖ్యలు చేశారు. ఓ కార్యక్రమంలో పొలిటికల్ ఎంట్రీపై మీడియా ప్రతినిధులకు క్లారిటీ ఇచ్చారు. పొరుగు రాష్ట్రం నుంచి తనకు టికెట్ ఆఫర్ వచ్చిందని.. కానీ తాను అంత ఇంట్రెస్ట్‌గా లేనని చెప్పారు. అయితే వచ్చే ఎన్నికల నాటికి ఏపీ రాజకీయాల్లోకి ఎంట్రీ ఇస్తానని సంకేతాలు పంపారు. అలాగే ఏపీలో కూటమి ప్రభుత్వ పాలనపైనా స్పందించారు సుమన్.
హైలైట్:
- ఏపీ రాజకీయాలపై సీనియర్ నటుడు ఆసక్తికర వ్యాఖ్యలు
- వచ్చే ఎన్నికల నాటికి పొలిటికల్ ఎంట్రీపై సంకేతాలు
- పొరుగు రాష్ట్రం నుంచి టికెట్ ఇస్తామంటూ ఆఫర్లు కూడా
గతంలో కూడా నటుడు సుమన్ ముఖ్యమంత్రి చంద్రబాబుపై ప్రశంసలు కురిపించారు. ప్రస్తుత పరిస్థితుల్లో చంద్రబాబు వంటి అనుభవజ్ఞుడైన నాయకుడు ముఖ్యమంత్రిగా ఉండటం ప్రజల అదృష్టమని వ్యాఖ్యానించారు. తన పొలిటికల్ రీ-ఎంట్రీ గురించి కూడా స్పష్టత ఇచ్చారు. వాజ్‌పేయి, చంద్రబాబు ఉన్న సమయంలోనే తాను రాజకీయాల్లోకి వచ్చానని.. చంద్రబాబు పిలిస్తే రాజకీయాల్లోకి వస్తానన్నారు. ఆయన పరిపాలనా దక్షత, విజన్ ఉన్న నేత అన్నారు.
అల్లు అర్జున్ అరెస్ట్‌పై సుమన్ ఆసక్తికర వ్యాఖ్యలు
తన రాజకీయ గురువు చంద్రబాబు నాయుడు అని చెప్పుకొచ్చారు సుమన్. చంద్రబాబును చూసే సభల్లో ఎలా మాట్లాడాలో నేర్చుకున్నానని.. ఆయన ఆధ్వర్యంలో అమరావతి త్వరగా అభివృద్ధి చెందాలని ఆకాంక్షించారు. ఇప్పుడు మరోసారి రాజకీయాల్లోకి రావడంపై స్పందించారు. నటుడు సుమన్ గతంలో రాజకీయాల్లో కూడా పనిచేశారు. 1999లో తెలుగు దేశం పార్టీలో చేరి ఎన్నికల్లో ప్రచారం చేశారు.. 2004లో బీజేపీలో చేరారు.. అయితే ఆ తర్వాత రాజకీయాలకు దూరంగా ఉంటున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఆయన ఆంధ్రప్రదేశ్‌కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్‌తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
