Pithapuram Lorry Theft,ఏకంగా లారీనే ఎత్తుకెళ్లిన దొంగలు.. కొద్ది దూరంలో లారీ దొరికింది కానీ.. ఊహించని ట్విస్ట్ – sunflower oil packets load lorry theft near tuni national highway pithapuram

లారీ కనిపించకపోవడంతో షాకైన రమణ.. వెంటనే యజమాని అప్పారావుకు, పోలీసులకు సమాచారం ఇచ్చారు. వెంటనే అక్కడికి చేరుకున్న పోలీసులు ఏం జరిగిందో ఆరా తీశారు.. లారీ యజమాని అప్పారావు జరిగిందంతా చెప్పారు. వెంటనే పోలీసులు సీసీ కెమెరాల ఫుటేజ్‌ను పరిశీలించగా.. గొల్లప్రోలు టోల్‌ప్లాజాను ఆ లారీ దాటుకుని వెళ్లినట్లు తేల్చారు. మంగళవారం అర్ధరాత్రి 1.27 గంటల సమయంలో టోల్‌ప్లాజాను దాటి వెళ్లడం కనిపించింది. కాకినాడ పోలీసులు వెంటనే విశాఖపట్నం వైపు పోలీస్ స్టేషన్లకు సమాచారం ఇచ్చారు.

ఇంతలో తుని నేషనల్ హైవేపై లారీ ఉన్నట్లు పిఠాపురం పోలీసులకు సమాచారం వచ్చింది. పోలీసులు లారీ దగ్గరకు వెళ్లి చూస్తే.. ఆయిల్‌ ప్యాకెట్లు దోచేసినట్లు గుర్తించారు. రోడ్డు పక్కన ఖాళీ లారీని వదిలేసి వెళ్లిపోయారు. లారీ యజమాని అప్పారావు ఇచ్చిన ఫిర్యాదుతో పోలీసులు కేసు నమోదు చేసి దర్యాప్తు చేస్తన్నారు. లారీలో ఏకంగా రూ.28 లక్షల విలువైన నూనె ప్యాకెట్లు ఉన్నాయని చెబుతున్నారు. పోలీసులు లారీని వదిలేసి వెళ్లిపోయిన ప్రాంతం నుంచి సీసీ ఫుటేజ్ పరిశీలించే పనిలో ఉన్నారు. ఈ ఘటనకు సంబంధించిన పూర్తి వివరాలు తెలియాల్సి ఉంది. ఏపీలో గతంలో కొన్ని ముఠాలు హైవేలపై చోరీలు చేసిన ఘటనలు ఉన్నాయి. దోపిడీ ముఠానే ఇలా లారీని ఎత్తుకెళ్లి ఆయిల్ ప్యాకెట్లను ఎత్తుకెళ్లిందనే అనుమానాలు మొదలయ్యాయి. ఇటీవల నెల్లూరు జిల్లాలో కూడా ఓ వ్యక్తి ఆర్టీసీ బస్సును ఎత్తుకెళ్లడం కలకలం రేపింది.