ఏనుగుల స్నేహం గురించి తెలుసుకున్న యానిమల్ లవర్స్ ఆశ్చర్యపోతున్నారు. ఏనుగుల సగటు జీవితకాలం 70 సంవత్సరాలు. కొన్ని వందేళ్ల వరకు జీవిస్తాయి. ఇప్పుడు భామకు 75 , కామాక్షికి 65 అంటే సగానికి పైగా జీవితకాలంలో మంచి ఫ్రెండ్స్‌గా ఉన్నాయి. ఏనుగులు హృదయాలను ద్రవింపజేసే స్నేహ బంధాన్ని పంచుకుంటాయని ఎవరూ అనుకోరని సుప్రియా సాహు రాసుకొచ్చారు. ఒకసారి భామను అడవిలోకి మేతకు తీసుకెళ్లిన మావటిపై చిరుతపులి దాడి చేసిందట. భామ ఆ చిరుతపులిని తరిమికొట్టి మావటి ప్రాణాన్ని కాపాడిందట. అలాగే కామాక్షిపై ఒకసారి ఓ మగ ఏనుగు దాడి చేసిందట. దాని గాయాలు నయమవ్వడానికి సంవత్సరాలు పట్టింది కానీ అది ధైర్యంగానే ఉందనీ సుప్రియా సాహు రాసుకొచ్చారు. క్యాంప్‌ మీల్ టైమ్‌లో కూడా భామ, కామాక్షి కలిసే ఉంటాయి. వాటికి చెరకు చాలా ఇష్టం, ఒక దానికి మాత్రమే చెరకు ఇవ్వడానికి ఎవరూ ధైర్యం చేయరు. ఎప్పుడూ రెండిటికీ కలిపి ఇస్తారని సుప్రియ తెలిపారు. వీటి సంరక్షణ బాధ్యత వహిస్తున్న క్యాంపు అధికారుల కృషిని కూడా ఆమె ప్రశంసించారు.
మరిన్ని వీడియోల కోసం :
