ఆంధ్రప్రదేశ్ డిప్యూటీ సీఎం పవన్ కళ్యాణ్ చొరవతో కార్మికుల సమస్యకు చెక్ పడింది.. వాళ్లందరి అకౌంట్లలోకి డబ్బులు జమ చేశారు. ఉమ్మడి అనంతపురం జిల్లాలో శ్రీ సత్యసాయి వాటర్ సప్లై ప్రాజెక్టు బోర్డు ఏర్పాటు చేశారు. ఈ పథకం ద్వారా గ్రామీణ ప్రాంతాలకు తాగునీరు అందిస్తున్నారు. ఈ తాగునీటి సరఫరా పథకంలో పని చేసే 536 మంది కార్మికులకు 7 నెలలుగా జీతాలు అందటం లేదు.. దీంతో వారు రెండు రోజులుగా సమ్మె చేస్తున్నారు. కార్మికుల సమస్య డిప్యూటీ సీఎం పవన్ కళ్యాణ్ దృష్టికి వెళ్లింది.. వెంటనే పరిష్కారం కూడా లభించింది.536 మంది కార్మికుల ఏడు నెలల జీతాలు బకాయిలు చెల్లింపుపై డిప్యూటీ సీఎం పవన్ కళ్యాణ్ ఆర్థిక శాఖ అధికారులతో మాట్లాడారు. వెంటనే కార్మికుల జీతాలకు సంబంధించి రూ.30 కోట్లు బడ్జెట్ విడుదల చేయాలని ఆదేశించారు. ఈ మేరకు ఆర్థిక శాఖ కార్యదర్శి బిఆర్వో ఇచ్చారు.. అనంతరం పంచాయతీరాజ్ శాఖ ముఖ్య కార్యదర్శి జీవో కూడా విడుదల చేశారు. కార్మికుల వేతన బకాయిల సమస్యపై సత్వరమే స్పందించిన ఆర్థిక, పంచాయతీరాజ్, ఆర్.డబ్ల్యూ.ఎస్. అధికారులకు పవన్ కళ్యాణ్ అభినందనలు తెలిపారు. ప్రభుత్వ విభాగాలు సానుకూల దృక్పథంతో పని చేసేలా దిశానిర్దేశం చేస్తున్న ముఖ్యమంత్రి చంద్రబాబుకుధన్యవాదాలు తెలిపారు.
ఉమ్మడి అనంతపురం జిల్లాలో ఈ స్కీం ద్వారా 1341 గ్రామాల్లో, సుమారు 20 లక్షల జనాభాకు తాగు నీరు అందుతోంది. ఈ స్కీం నిర్వహణకు ఉమ్మడి అనంతపురం జిల్లాలో పనిచేసే 536 మంది కార్మికులకు ఈ ఏడాది ఫిబ్రవరి నుంచి వేతనాలు చెల్లించడం లేదు. రూ.30 కోట్ల మేర పెండింగ్ వేతనాలు నిలిచిపోయాయి. దీంతో కార్మికులు ధర్నాకు దిగారు.. విధులకి దూరంగా ఉన్నారు. పవన్ కళ్యాణ్ దృష్టికి రాగానే గ్రామీణ తాగునీటి సరఫరా శాఖ అధికారులను ఆరా తీశారు.. ఆర్థికశాఖ అధికారులతో మాట్లాడి జీతాలను క్లియర్ చేయించారు.
ఉమ్మడి అనంతపురం జిల్లాలో ఈ స్కీం ద్వారా 1341 గ్రామాల్లో, సుమారు 20 లక్షల జనాభాకు తాగు నీరు అందుతోంది. ఈ స్కీం నిర్వహణకు ఉమ్మడి అనంతపురం జిల్లాలో పనిచేసే 536 మంది కార్మికులకు ఈ ఏడాది ఫిబ్రవరి నుంచి వేతనాలు చెల్లించడం లేదు. రూ.30 కోట్ల మేర పెండింగ్ వేతనాలు నిలిచిపోయాయి. దీంతో కార్మికులు ధర్నాకు దిగారు.. విధులకి దూరంగా ఉన్నారు. పవన్ కళ్యాణ్ దృష్టికి రాగానే గ్రామీణ తాగునీటి సరఫరా శాఖ అధికారులను ఆరా తీశారు.. ఆర్థికశాఖ అధికారులతో మాట్లాడి జీతాలను క్లియర్ చేయించారు.
కొంతకాలంగా జీతం, పీఎఫ్, ఈఎస్ఐ బకాయిల కోసం శ్రీసత్యసాయి తాగునీటి సరఫరా కార్మికులు ధర్నాకు దిగారు. వీరంతా నిరసన కార్యక్రమాలు చేపట్టారు.. ప్లేట్లు, గరిట, వంట సామగ్రితో చప్పుడు చేసుకుంటూ ప్రదర్శన చేశారు. తమ వేతన బకాయిల్ని చెల్లించాలని వారు కోరారు.. ముఖ్యమంత్రి చంద్రబాబు, డిప్యూటీ సీఎం పవన్ కళ్యాణ్కు విన్నవించారు. ఈ విషయం పవన్ కళ్యాణ్కు తెలియడంతో వెంటనే సమస్య పరిష్కారం అయ్యింది. కార్మికులు ముఖ్యమంత్రి చంద్రబాబు, డిప్యూటీ సీఎం పవన్ కళ్యాణ్కు ధన్యవాదాలు తెలిపారు. మొత్తం మీద పవన్ కళ్యాణ్ కార్మికుల సమస్య తెలిసిన వెంటనే స్పందించి.. ఒక్కమాటతో పరిష్కరించారు.
