Anakapalle Land Registrations Income: ఆంధ్రప్రదేశ్‌కు పెట్టుబడులు, కంపెనీలు క్యూ కట్టాయి. ప్రధానంగా విశాఖపట్నం, అనకాపల్లి జిల్లాలకు కూడా పెట్టుబడులు వచ్చేశాయి. రియల్ ఎస్టేట్ రంగం పుంజుకుంది. అనకాపల్లి జిల్లాలో మిత్తల్ స్టీల్ ప్లాంట్, డ్రగ్ పార్కుల రాకతో భూముల ధరలు పెరిగి, రిజిస్ట్రేషన్ల ఆదాయం లక్ష్యాలను అధిగమించింది. ఈ ఆర్థిక సంవత్సరం సగం పూర్తయ్యేలోపే జిల్లాలో నిర్దేశించిన లక్ష్యం కంటే ఎక్కువ ఆదాయం సమకూరింది.
హైలైట్:
- అనకాపల్లి జిల్లాలో రిజిస్ట్రేషన్లు ఊపందుకున్నాయి
- ఈ ఆర్థిక సంవత్సరం సగం పూర్తయ్యేలోపే టార్గెట్
- నిర్దేశించిన లక్ష్యం కంటే ఎక్కువ ఆదాయం వచ్చింది
అనకాపల్లి జిల్లాలోని నక్కపల్లి, ఎలమంచిలి, నర్సీపట్నం, సబ్బవరం కార్యాలయాలు ఈ ఆర్థిక సంవత్సరంలో పురోగతి సాధించాయి. నిర్దేశించిన లక్ష్యాలను అధిగమించి, గతంలో ఎన్నడూ లేని విధంగా ఆదాయాన్ని ఆర్జించాయి. ఆర్థిక సంవత్సరం రిజిస్ట్రేషన్ కార్యాలయాలు క్రయ, విక్రయదారులతో సందడిగా మారాయి. ఈ ఏడాది రూ. 319 కోట్ల లక్ష్యానికి గాను, తొలి ఆరు నెలల్లోనే రూ. 161.88 కోట్ల ఆదాయం సమకూరింది. గతేడాదితో పోల్చితే వృద్ధి రేటు గణనీయంగా పెరిగింది. ఈ ఏడాది ఫిబ్రవరి నుంచి రిజిస్ట్రేషన్ల విషయంలో తీసుకొచ్చిన సంస్కరణలతో పాటూ ధరల్లో మార్పులతో ఆదాయం పెరిగిందని చెబుతున్నారు అధికారులు. అంతేకాదు ఎలమంచిలి, నక్కపల్లి కార్యాలయాల్లో పారిశ్రామీకరణ ప్రభావంతో ఆదాయం భారీగా పెరిగిదంటున్నారు. రిజిస్ట్రేషన్లలో వేగం, వెంటనే డాక్యుమెంట్లు అందజేస్తుండటంతో సేవలు బాగా మెరుగుపడ్డాయంటున్నారు. ఈ ఆర్థిక సంవత్సరంలో అనుకున్నా లక్ష్యాన్నీ చేరుకుంటామని నమ్మకంతో ఉన్నారు.
చంద్రబాబు సీఈవో ఆఫ్ ఆంధ్ర.. మంచి అడ్మినిస్ట్రేటర్
ఓవరాల్‌గా ఆంధ్రప్రదేశ్‌లో రియల్ ఎస్టేట్ రంగం పుంజుకుంది. 2024-25 ఆర్థిక సంవత్సరం మొదటి త్రైమాసికంతో పోలిస్తే, 2025-26 ఆర్థిక సంవత్సరం మొదటి త్రైమాసికంలో స్టాంపులు, రిజిస్ట్రేషన్ల శాఖ ఆదాయం 46 శాతం పెరిగింది. ఈ వృద్ధి రేటు 39 శాతంగా నమోదైంది. రాష్ట్ర రాజధాని అమరావతితో పాటు, గుంటూరు, విశాఖపట్నం, నెల్లూరు, తిరుపతి, కర్నూలు, రాజమహేంద్రవరం వంటి ప్రధాన నగరాల్లో భూముల అమ్మకాలు, కొనుగోళ్లు గణనీయంగా పెరిగాయి. అనకాపల్లి జిల్లాల్లో కూడా ఆదాయం పెరగడం విశేషం.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఆయన ఆంధ్రప్రదేశ్‌కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్‌తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
