పంజాబ్‌లోని ఓ గ్రామ సర్పంచ్ పారాగ్లైడింగ్ మరియు పారామోటార్ స్టంట్ వీడియోలు సోషల్ మీడియాలో వైరల్ అవుతున్నాయి. సుఖచరణ్ నిక్కా బ్రార్ అనే వృద్ధుడు భారతదేశపు మొట్టమొదటి సర్పంచ్ పారాగ్లైడింగ్, పారామోటార్ పైలట్ అని చెప్పుకుంటున్నారు. సుఖచరణ్ నిక్కా బ్రార్ పంజాబ్‌లోని ముక్త్‌సర్ జిల్లాలోని ఉడే కరణ్ గ్రామానికి సర్పంచ్‌గా పనిచేస్తున్నట్లు సమాచారం. పంజాబ్ ప్రకృతి దృశ్యాలపై తన పారాగ్లైడర్‌లో ఎగురుతున్న అద్భుతమైన వీడియోలను చూసి నెటిజన్లు ఆశ్చర్యపోతున్నారు.
అక్టోబర్ 10న పోస్ట్ చేసిన తన ఇటీవలి వీడియోతో సుఖచరణ్ నిక్కా బ్రార్ నెట్టింట సంచలనంగా మారారు. బిజీగా ఉన్న పంజాబ్ హైవే వెంట ఆకాశం నుంచి నగరం గంభీరమైన దృశ్యాన్ని ఈ వీడియో చూపిస్తుంది. కెమెరా కదులుతున్నప్పుడు, బ్రార్ తన పారాగ్లైడింగ్ విమానంలో ఏమాత్రం భయం లేకుండా హాయిగా కూర్చుని ఉండటం చూడవచ్చు.
వీడియో చూడండి:
View this post on Instagram
సుఖచరణ్ నిక్కా బ్రార్ మోటార్ పారాగ్లైడింగ్ శిక్షణ పాఠశాలను నడుపుతున్నారు. తన పాఠశాలలో విద్యార్థులకు, ఔత్సాహికులకు పారాగ్లైడింగ్, పారామోటార్ పైలటింగ్ నేర్పుతాడు. మరోవైపు, పారాగ్లైడింగ్‌ను ఎంజాయ్‌ చేయడానికి తనతో పాటు జాయ్‌రైడ్‌లకు తీసుకువెళతాడు.
బ్రార్ తనను తాను ‘అఖిల భారతదేశపు మొదటి సర్పంచ్ పారాగ్లైడింగ్, పారామోటార్ పైలట్’ అని పేర్కొన్నాడు. నివేదిక ప్రకారం అతను పంజాబ్‌లోని ముక్త్‌సర్‌లోని ఉడే కరణ్ గ్రామానికి సర్పంచ్. ఇన్‌స్టాగ్రామ్‌లో పోస్ట్ చేసిన తన పారాగ్లైడింగ్ స్టంట్ వీడియోలలో ఒకదానిలో “ఆకాశం నా ఆట స్థలం” అంటూ రాసుకున్నాడు.
View this post on Instagram
