తిరుపతి జిల్లాలో ఓ బ్యాంక్ చోరీకి విఫలయత్నం జరిగింది. నాగలాపురం రోడ్డులోని బ్యాంకులో చోరీకి దుండగులు ప్రయత్నించారు. అయితే లాకర్ రూమ్ తెరుచుకోకపోవటంతో వారి ప్రయత్నాలు ఫలించలేదు. దీంతో బ్యాంక్ నుంచి తిరిగి వెళ్తూ సీసీటీవీ డీవీఆర్ బాక్సులు, హార్డ్ డిస్కులు ఎత్తుకెళ్లారు. బ్యాంక్ సిబ్బంది ఫిర్యాదు మేరకు అక్కడకు చేరుకున్న పోలీసులు ఘటనాస్థలిని పరిశీలించారు. సిబ్బంది ఫిర్యాదు మేరకు కేసు నమోదు చేసుకుని దర్యాప్తు ప్రారంభించారు.
ఈ ఘటనకు సంబంధించిన పూర్తి వివరాల్లోకి వెళ్తే.. తిరుపతి జిల్లా నాగలాపురంలో ఉన్న ఓ బ్యాంకులో చోరీకి ప్రయత్నం జరిగింది. నాగలాపురం రోడ్డులో ఉన్న బ్యాంక్‌లో దొంగలు పడ్డారు. గుర్తు తెలియని వ్యక్తులు బ్యాంకులో దొంగతనానికి ప్రయత్నించారు. బ్యాంక్ వెనుక ఉన్న సిమెంట్ గోడౌన్ షట్టర్ తాళాలు పగులగొట్టిన దుండగులు.. గోడౌన్‌లోకి ప్రవేశించారు. గోడౌన్‌లో నుంచి బ్యాంక్ గోడకు కన్నం వేసి.. లోపలికి ప్రవేశించారు. బ్యాంక్ మేనేజర్ రూమ్‌లోకి దూరిన దొంగలు.. అక్కడ ఉన్న అలారం స్విచ్‌లను పగులగొట్టారు. ఆ తర్వాత లాకర్ రూమ్ తెరిచే ప్రయత్నం చేశారు. బద్ధలుకొట్టేందుకు ప్రయత్నించగా.. వారి ప్రయత్నం ఫలించలేదు. దీంతో ఏమీ చేయలేక అక్కడి నుంచి వెనుదిరగాల్సి వచ్చింది.
అయితే బ్యాంక్ చోరీకి వచ్చిన దుంగడులు.. సీసీటీవీ కెమెరాలలో తాము లోనికి ప్రవేశించిన దృశ్యాలు రికార్డై ఉంటాయని భావించారు. దీంతో పోలీసులకు దొరకకూడదనే ఉద్దేశంతో బ్యాంకు సీసీటీవీ డీవీఆర్ బాక్స్‌లను, హార్డ్‌డిస్క్‌లు కూడా తమతో తీసుకుని అక్కడి నుంచి ఉడాయించారు. ఉదయాన్నే బ్యాంకుకు వచ్చిన సిబ్బందికి విషయం అర్థమైంది. దీంతో వెంటనే పోలీసులకు సమాచారం అందించారు. పోలీసులు వెంటనే అక్కడికి చేరుకుని ఘటనాస్థలిని పరిశీలించారు. గోడౌన్‌లో నుంచి కన్నం వేసి బ్యాంక్‌లోకి ప్రవేశించినట్లు గుర్తించారు. అయితే తాము దొరకకూడదనే ఉద్దేశంతో దుండగులు సీసీటీవీ డీవీఆర్ బాక్సులను, హార్డ్ డిస్కులను తమతో తీసుకెళ్లినప్పటికీ.. మరో సీసీటీవీలో ఇద్దరి వ్యక్తులను పోలీసులు గుర్తించారు. వారి కోసం ఆరా తీస్తున్నారు.
అయితే బ్యాంక్ చోరీకి వచ్చి హార్డ్ డిస్కులు. డీవీఆర్ బాక్సులు ఎత్తుకెళ్లిన వ్యవహారం స్థానికంగా చర్చనీయాంశంగా మారింది. ఎంత ప్రయత్నించినప్పటికీ దొంగలు దొరికిపోక తప్పదని స్థానికులు అభిప్రాయపడుతున్నారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఆయన ఆంధ్రప్రదేశ్‌కు సంబంధించిన తాజా వార్తలు, ప్రభుత్వ పథకాల సమాచారం, మౌలిక సదుపాయాల కల్పనకు సంబంధించిన కథనాలు, రాజకీయ వార్తలతోపాటు ప్రత్యేక కథనాలు అందిస్తుంటారు. ఏపీ అసెంబ్లీ ఎన్నికలకు సంబంధించి ఆయన ఆసక్తికర కథనాలు, స్పెషల్ ఆర్టికల్స్ రాశారు. గతంలో వీడియో టీమ్‌లో పని చేసిన వెంకటరమణకు స్పోర్ట్స్ న్యూస్ రాసిన అనుభవం కూడా ఉంది. జర్నలిజంలో 8 ఏళ్ల అనుభవం ఉన్న వెంకటరమణ గతంలో ప్రముఖ మీడియా సంస్థల్లో నేషనల్. ఇంటర్నేషనల్, స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు. ఉత్తమ పనితీరు కనబర్చినందుకు గానూ 2025, ఫిబ్రవరిలో వెంకటరమణ టైమ్స్ ఇంటర్నెట్ నుంచి వావ్ అవార్డును అందుకున్నారు.… ఇంకా చదవండి
