కలెక్టర్ల సమావేశంలో సీఎం చంద్రబాబు నాయుడు ఆసక్తికర వ్యాఖ్యలు చేశారు. ఏపీ డిప్యూటీ సీఎం పవన్ కళ్యాణ్ను ఉద్దేశించి ఇంట్రస్టింగ్ కామెంట్స్ చేశారు. పవన్ కళ్యాణ్ వేరే ఫీల్డ్ నుంచి వచ్చి స్ట్రగుల్ అవుతున్నాడని అన్నారు. కానిస్టేబుళ్ల నియామక పత్రాల అందజేత కార్యక్రమంలో జరిగిన ఘటనను ప్రస్తావించిన చంద్రబాబు.. పవన్ కళ్యాణ్ వేగంగా స్పందించిన తీరును అభినందించారు. ప్రొయాక్టివ్ గవర్నెన్స్ అంటే ఇదేనంటూ కితాబిచ్చారు. మరోవైపు 31 కేసులు వేసి కానిస్టేబుల్ ఉద్యోగాల భర్తీని అడ్డుకోవాలని చూసినా.. తాము అన్నింటిని పరిష్కరించి.. వారికి ఉద్యోగాలు వచ్చేలా చూశామని చంద్రబాబు అన్నారు.
” మిత్రుడు పవన్ కళ్యాణ్ డిఫరెంట్ ఫీల్డ్ నుంచి వచ్చి స్ట్రగుల్ అవుతున్నాడు. అయినా బ్రహ్మాండంగా పనిచేస్తున్నారు. నిన్ననే చూశారు. అదో ఉదాహరణ. ఎన్నో సంవత్సరాలుగా ఉన్న కోరికను నెరవేర్చాం. ఎన్నో పిటిషన్లు, రిట్లు. హైకోర్టు నుంచి సుప్రీంకోర్టు వరకూ.. 31 కేసులు పరిష్కరించి నిన్న (మంగళవారం) వారికి ( కానిస్టేబుల్ నియామక పత్రాలు) ఉద్యోగాలు ఇచ్చాం. డీఎస్సీ విషయంలోనూ ఇదే గందరగోళం చేశారు. నిన్న మీటింగ్లో బాబూరావు అనే కానిస్టేబుల్ ఓ రిక్వెస్ట్ చేశాడు. నాకు ఉద్యోగం వచ్చింది.. మా ఊరికి రోడ్డు వేయించండి సార్.. అని కోరాడు. పంచాయతీరాజ్ శాఖ పవన్ కళ్యాణ్ పరిధిలో ఉండటంతో నేను ఆయనను కోరా. ఆయన వెంటనే అధికారులను ఆదేశించి అంచనా వ్యయం రూపొందించి మీటింగ్లోనే ప్రకటించాం. అది బాధ్యతగల ప్రభుత్వం పనిచేసే తీరు. అదీ ప్రొయాక్టివ్ గవర్నెన్స్..” అంటూ చంద్రబాబు ఆసక్తికర వ్యాఖ్యలు చేశారు.
కొత్తగా నియమితులైన కానిస్టేబుల్.. సీఎం చంద్రబాబు చెవిలో ఏం చెప్పాడో తెలుసా?
మరోవైపు చిరంజీవి ప్రజారాజ్యం పార్టీ ద్వారా రాజకీయాల్లోకి ప్రవేశించిన పవన్ కళ్యాణ్.. 2014లో జనసేన పార్టీని స్థాపించారు. అయితే నాటి ఎన్నికల సమయంలో టీడీపీ, బీజేపీ కూటమికి మద్దతుగా నిలిచిన పవన్ కళ్యాణ్.. ఆ ఎన్నికల్లో పోటీ చేయలేదు. ఆ తర్వాత వివిధ కారణాలతో 2019 ఎన్నికల్లో ఈ రెండూ పార్టీలకూ దూరం జరిగిన పవన్ కళ్యాణ్.. జనసేన పార్టీని ప్రత్యక్ష ఎన్నికల బరిలో నిలిపారు. అయితే పవన్ కళ్యాణ్ పోటీ చేసిన రెండు చోట్ల ఓడిపోవటంతో పాటుగా.. జనసేన పార్టీ కేవలం ఒక్క సీటుకే పరిమితమైంది. ఇక 2024 ఎన్నికల్లో టీడీపీ, బీజేపీ, జనసేన కలిసి బరిలోకి దిగగా.. ఎన్డీఏ కూటమి ఏకంగా 164 చోట్ల గెలుపొందింది. జనసేన పార్టీ పోటీ చేసిన 21 అసెంబ్లీ, 2 లోక్ సభ స్థానాల్లోనూ గెలిచి వందశాతం స్ట్రైక్ రేట్ సాధించింది. ఆ తర్వాత చంద్రబాబు మంత్రివర్గంలో పవన్ కళ్యాణ్ డిప్యూటీ సీఎంగా బాధ్యతలు స్వీకరించారు. ఈ నేపథ్యంలో సినీ నేపథ్యం నుంచి వచ్చిన పవన్ కళ్యాణ్ ఎన్నో ఒడిదుడుకులు ఎదుర్కొని నిలబడ్డారనే ఉద్దేశంతో చంద్రబాబు వ్యాఖ్యలు చేశారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్గా పని చేస్తున్నారు. ఆయన ఆంధ్రప్రదేశ్కు సంబంధించిన తాజా వార్తలు, ప్రభుత్వ పథకాల సమాచారం, మౌలిక సదుపాయాల కల్పనకు సంబంధించిన కథనాలు, రాజకీయ వార్తలతోపాటు ప్రత్యేక కథనాలు అందిస్తుంటారు. ఏపీ అసెంబ్లీ ఎన్నికలకు సంబంధించి ఆయన ఆసక్తికర కథనాలు, స్పెషల్ ఆర్టికల్స్ రాశారు. గతంలో వీడియో టీమ్లో పని చేసిన వెంకటరమణకు స్పోర్ట్స్ న్యూస్ రాసిన అనుభవం కూడా ఉంది. జర్నలిజంలో 8 ఏళ్ల అనుభవం ఉన్న వెంకటరమణ గతంలో ప్రముఖ మీడియా సంస్థల్లో నేషనల్. ఇంటర్నేషనల్, స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు. ఉత్తమ పనితీరు కనబర్చినందుకు గానూ 2025, ఫిబ్రవరిలో వెంకటరమణ టైమ్స్ ఇంటర్నెట్ నుంచి వావ్ అవార్డును అందుకున్నారు.… ఇంకా చదవండి
