అన్నమయ్య జిల్లా మదనపల్లె బాలిక హత్య కేసులో డీఐజీ కోయ ప్రవీణ్ కీలక వివరాలు వెల్లడించారు. బాలిక మృతదేహానికి పోస్టుమార్టం పూర్తైంది. అనంతరం విలేకర్లతో మాట్లాడిన కోయ ప్రవీణ్.. బాలికపై అత్యాచారం జరిగినట్లు పోస్టుమార్టం ప్రాథమిక నివేదికలో తేలిందన్నారు. నీటిలో ముంచడం వల్లనే చనిపోయినట్లు తెలిసిందని వివరించారు. నిందితుడు పరారీలో ఉన్నాడని.. వీలైనంత త్వరగా పట్టుకుంటామన్నారు. కోర్టు ద్వారా కఠిన శిక్ష పడేలా చర్యలు తీసుకుంటామని వెల్లడించారు.
మరోవైపు మదనపల్లె బాలిక కేసుపై సీఎం చంద్రబాబు కూడా స్పందించిన సంగతి తెలిసిందే. బాలిక తల్లిదండ్రులతో ఫోన్లో మాట్లాడిన చంద్రబాబు.. వారికి ధైర్యం చెప్పారు. కారకులను కఠినంగా శిక్షిస్తామని హామీ ఇచ్చారు. హోం మంత్రి వంగలపూడి అనిత కూడా చిన్నారి తల్లిదండ్రులను ఫోన్లో పరామర్శించారు. వారికి ధైర్యం చెప్పారు. ఈ ఘటనను ప్రభుత్వం సీరియస్గా తీసుకుందని.. కారణమైన వారికి కఠిన శిక్ష పడేలా చూస్తామని హామీ ఇచ్చారు. న్యాయం చేస్తామని బాలిక కుటుంబానికి తెలిపారు.
కనిపించకుండాపోయిన బాలిక పొరుగింటి డ్రమ్ములో.. సైకో యువకుడు అలా ఎందుకు చేశాడు?
మహిళా మంత్రులు తీవ్ర ఆగ్రహం
మరోవైపు ఈ ఘటనపై మంత్రి సంధ్యారాణి కూడా స్పందించారు. ఇది సాధారణ నేరం కాదన్న మంత్రి సంధ్యారాణి.. చిన్నారిపై జరిగిన దాడి, సమాజ గౌరవంపై జరిగిన దాడి అని అన్నారు దోషులు ఎవరైనా, ఎంతటి వారైనా కఠిన శిక్ష అనుభవించక తప్పదని.. మహిళలు, బాలికల భద్రతపై రాజీ పడబోమని అన్నారు. మదనపల్లె బాలిక హత్య కేసులో సమాజానికి గట్టి సందేశం ఇచ్చేలా ప్రభుత్వం చర్యలు ఉంటాయని మంత్రి సంధ్యారాణి స్పష్టం చేశారు. మరోవైపు ఏడేళ్ల బాలిక సోమవారం అదృశ్యం కాగా.. ఎదురుగా ఉండే కులవర్ధన్ అనే వ్యక్తి ఇంట్లో మృతదేహం గుర్తించారు. బాలికపై అత్యాచారం జరిగిందని.. ఆపై హత్య చేసినట్లు పోలీసులు తాజాగా వెల్లడించారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్గా పని చేస్తున్నారు. ఆయన ఆంధ్రప్రదేశ్కు సంబంధించిన తాజా వార్తలు, ప్రభుత్వ పథకాల సమాచారం, మౌలిక సదుపాయాల కల్పనకు సంబంధించిన కథనాలు, రాజకీయ వార్తలతోపాటు ప్రత్యేక కథనాలు అందిస్తుంటారు. ఏపీ అసెంబ్లీ ఎన్నికలకు సంబంధించి ఆయన ఆసక్తికర కథనాలు, స్పెషల్ ఆర్టికల్స్ రాశారు. గతంలో వీడియో టీమ్లో పని చేసిన వెంకటరమణకు స్పోర్ట్స్ న్యూస్ రాసిన అనుభవం కూడా ఉంది. జర్నలిజంలో 8 ఏళ్ల అనుభవం ఉన్న వెంకటరమణ గతంలో ప్రముఖ మీడియా సంస్థల్లో నేషనల్. ఇంటర్నేషనల్, స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు. ఉత్తమ పనితీరు కనబర్చినందుకు గానూ 2025, ఫిబ్రవరిలో వెంకటరమణ టైమ్స్ ఇంటర్నెట్ నుంచి వావ్ అవార్డును అందుకున్నారు.… ఇంకా చదవండి
