Andhra Pradesh Rains,ఏపీలో విభిన్న వాతావరణం.. ఈ జిల్లాల్లో వర్షాలు, అక్కడ మాత్రం ఎండలు – rains and high temperatures in these districts in andhra pradesh

ఇదిలా ఉంటే సోమవారం అక్కడక్కడా చిరుజల్లులు కురిశాయి. అల్లూరి సీతారామరాజు జిల్లా సాలూరులో సోమవారం సాయంత్రం ఒక్కసారిగా వర్షం పడింది.. అలాగే ఈదురుగాలులు కూడా వీచాయి. ఒక్కసారిగా వాతావరణం మారిపోవడంతో జనాలు ఆశ్చర్చపోయారు. సాలూరులో సోమవారం ఉదయం నుంచి మధ్యాహ్నం వరకు ఎండ తీవ్రత ఉంది. అయితే ఉన్నట్టుండి వాతావరణం పూర్తిగా మారిపోయింది. ఒక్కసారిగా ఆకాశం మేఘావృతమై.. బలైనమ ఈదురుగాలులు, ఉరుములు, మెరుపులతో వాన కురిసింది. వర్షం దెబ్బకు జనాలు ఇబ్బందిపడ్డారు. మరికొన్ని చోట్ల కూడా చిరు జల్లులు కురిశాయి. అలాగే తెలంగాణలో కూడా వర్షాలు పడుతున్నాయి. హైదరాబాద్‌లో సోమవారం సాయంత్రం నుంచి వర్షం మొదలైంది. మొత్తం మీద ఏపీలో విభిన్నమైన వాతావరణం కనిపించింది. ఓవైపు ఎండ దంచి కొడితే.. మధ్యాహ్నం తర్వాత వాతావరణం మారిపోయింది.. సాయంత్రానికి వర్షం పడింది. అయితే ఇక ఎండలు పెరిగిపోతాయని.. ఉష్ణోగ్రతలు రికార్డు స్థాయిలో నమోదవుతాయని అంచనా వేస్తున్నారు.