వాస్తు ప్రకారం హోలీ పండుగ ఒక పరివర్తన కాలం. ఈ సమయంలో ఇంటిని శుభ్రంగా ఉంచుకోవడం వల్ల మానసిక ప్రశాంతత కలగడమే కాకుండా, ఏకాగ్రత పెరుగుతుంది. అదృష్టం ఐశ్వర్యాన్ని ఆహ్వానించడానికి మన ఇంట్లో పేరుకుపోయిన నెగటివ్ ఎనర్జీని బయటకు పంపాలి. ముఖ్యంగా నిరుపయోగంగా పడి ఉన్న కొన్ని వస్తువులు మన ప్రగతిని అడ్డుకుంటాయని వాస్తు నిపుణులు హెచ్చరిస్తున్నారు. మరి హోలీ పండుగ కంటే ముందే ఇంటి నుంచి వదిలించుకోవాల్సిన ఆ 5 ముఖ్యమైన వస్తువులేంటో ఇప్పుడు సవివరంగా తెలుసుకుందాం.
1. ఎండిపోయిన మొక్కలు
ఇంట్లో ఎండిపోయిన లేదా చనిపోయిన మొక్కలు ఉండటం వాస్తు ప్రకారం అస్సలు మంచిది కాదు. ఇవి ప్రతికూలతకు మరియు అభివృద్ధి కుంటుపడటానికి సంకేతంగా భావిస్తారు. ఇవి ఇంటి వాతావరణాన్ని బరువుగా, విచారంగా మారుస్తాయి. కాబట్టి వీటిని వెంటనే తొలగించి, వాటి స్థానంలో తులసి, మనీ ప్లాంట్ లేదా జేడ్ ప్లాంట్ వంటి పచ్చని మొక్కలను పెంచండి.
2. పాత మరియు చిరిగిన చెప్పులు
చాలామంది పాత చెప్పులను ఎప్పుడో ఒకప్పుడు పనికొస్తాయని లేదా ఎవరికైనా ఇవ్వొచ్చని మూలన పడేస్తారు. కానీ, చిరిగిన చెప్పులు కష్టాలకు పోరాటాలకు నిదర్శనం. ఇవి ఇంట్లో ఉండటం వల్ల ప్రతికూల శక్తి వ్యాపిస్తుంది. కాబట్టి హోలీకి ముందే ఇలాంటి పాత పాదరక్షలను తొలగించండి.
3. విరిగిన గాజు అద్దాలు
విరిగిన గాజు ముక్కలు లేదా పగిలిన అద్దాలు అశుభానికి చిహ్నాలు. ఇవి ఇంట్లో ఉంటే శక్తి ప్రవాహానికి ఆటంకం కలుగుతుంది నెగటివ్ ఎనర్జీ పెరుగుతుంది. కాబట్టి పగిలిన అద్దాలను ఏమాత్రం ఆలోచించకుండా ఇంటి నుంచి పారేయండి.
4. విరిగిన విగ్రహాలు
హోలీ పండుగ రోజున పూజా కార్యక్రమాలు నిర్వహిస్తాం. ఆ సమయంలో పూజ గదిలో లేదా ఇంట్లో ఎక్కడైనా విరిగిన దేవుడి విగ్రహాలు ఉంటే వాటిని వెంటనే తొలగించాలి. అయితే వీటిని చెత్తలో వేయకుండా.. గౌరవప్రదంగా ప్రవహించే నీటిలో నిమజ్జనం చేయడం లేదా పీపల్ (రావి) చెట్టు దగ్గర పెట్టడం ఉత్తమం.
5. పాడైపోయిన ఎలక్ట్రానిక్ వస్తువులు
మీ ఇంట్లో పని చేయకుండా పడి ఉన్న మొబైల్ ఫోన్లు, టీవీలు లేదా కిచెన్ అప్లయన్సెస్ ఉన్నాయా? అయితే జాగ్రత్త! పాడైపోయిన ఎలక్ట్రానిక్ వస్తువులు ‘రాహు’ గ్రహ ప్రభావానికి గురి చేస్తాయని, దీనివల్ల ఆర్థిక ఇబ్బందులు తలెత్తుతాయని వాస్తు చెబుతోంది. అందుకే హోలీకి ముందే వాటిని రిపేర్ చేయించండి లేదా పారేయండి.
గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. ఇంట్లో ఏదైనా మార్పులు చేసేముందు నిపుణులు, పండితుల సలహా తీసుకోవడం తప్పనిసరి.
