Statewide Raids After Rajahmundry Milk Tragedy,రాజమండ్రి కల్తీపాల ఘటన.. అధికారుల తనిఖీలు ముమ్మరం – statewide food safety raids after rajahmundry milk tragedy

రాజమండ్రిలో కల్తీ పాల ఘటన తీవ్ర విషాదం నింపిన వేళ.. రాష్ట్రవ్యాప్తంగా ఫుడ్‌ సేఫ్టీ అధికారులు అప్రమత్తమయ్యారు. పాల సరఫరా కేంద్రాలు, డెయిరీలలో తనిఖీలు ముమ్మరం చేశారు. అనంతపురం, కృష్ణా సహా పలు జిల్లాల్లో ఆహార భద్రత అధికారులతో పాటు విజిలెన్స్, వ్యవసాయ శాఖ అధికారులు సంయుక్తంగా తనిఖీలు చేపట్టారు. కల్యాణదుర్గం రోడ్డు సమీపంలో పాలలో ఉప్పు కలిసినట్లు నిర్ధారించామని ఫుడ్ సేఫ్టీ అధికారిణి తస్లీమా తెలిపారు. రాజమండ్రి కల్తీ పాల ఘటనలో మొత్తం ఆరుగురు మృతి చెందారు. వెంటిలేటర్‌పై చికిత్స పొందిన బాలుడు సైతం మరణించడంతో మరణాల సంఖ్య ఆరుకు చేరింది. మరో ఇద్దరి పరిస్థితి విషమంగా ఉంది. వ్యాపారి తన డెయిరీలో పాలను నిల్వ చేసేందుకు ఉపయోగిస్తున్న కూలింగ్ యంత్రంలో కూలాంట్ లీకై.. పాలలో కలవడం వల్లే ఈ విషాదం చోటుచేసుకున్నట్లు అధికారులు ప్రాథమికంగా నిర్ధారించారు. ఈ కల్తీ పాల ఘటనను రాష్ట్ర ప్రభుత్వం సీరియస్‌గా తీసుకుంది. రాష్ట్రవ్యాప్తంగా అన్ని పాల విక్రయ కేంద్రాల్లో అధికారులు విస్తృతంగా తనిఖీలు చేపట్టారు.