Kurnool Boy Aswarth Gurudatta Rs 26 Crores Fund: #SavePunarvika పేరుతో తెలుగు ప్రజలు చిన్నారి ప్రాణాన్ని నిలబెట్టారు. ఏకంగా రూ.16 కోట్లు అందేలా చేశారు. కర్నూలుకు చెందిన మరో బాలుడు కూడా పునర్వికలా అరుదైన వ్యాధితో బాధపడుతున్నాడు. ఆ బాలుడి ప్రాణాలు నిలబడాలంటే రూ.26 కోట్ల ఇంజెక్షన్ అవసరం. మధ్యతరగతి కుటుంబానికి అంత ఖర్చు చేయాలంటే ఆర్థిక పరిస్థితి సహకరించడం లేదు. అందుకే దాతల సాయం కోరుతున్నారు.
హైలైట్:
- కర్నూలుకు చెందిన అశ్వర్థ్ గురుదత్తాకు అరుదైన వ్యాధి
- ప్రాణాలు నిలబడాలంటే రూ.26 కోట్ల ఇంజెక్షన్ కావాలి
- దాతల సాయం కోరుతున్న అశ్వర్థ్ తల్లిదండ్రులు
అశ్వర్థ్ తండ్రి హరీశ్కుమార్ ప్రస్తుతం హైదరాబాద్లో ఓ ప్రైవేట్ ఉద్యోగం చేస్తున్నాడు. గతంలో ఉద్యోగం చేసిన తల్లి మానేసి పిల్లవాడి బాగోగులు చూసుకుంటోంది. మధ్యతరగతి కుటుంబం కావడంతో ఆర్థిక పరిస్థితి అంతంతమాత్రమే. అయితే ఆ ఇంజెక్షన్ కోసం దాతల కోసం కోరారు.. గతేడాది ఇంపాక్ట్ గురు సంస్థ సహకారంతో క్రౌడ్ ఫండింగ్ కోసం ప్రయత్నం చేశారు. అయితే ఇంపాక్ట్ గురు ‘హెల్ప్ అశ్వర్థ్ గురుదత్తా’ పేరుతో విస్తృతంగా ప్రచారం చేస్తే 9 నెలల్లో రూ.40.67 కోట్లు మాత్రం విరాళాల రూపంలో వచ్చాయి. అయితే గత ఏడాది నుంచి బాలుడి ఆరోగ్యం క్షీణిస్తోందని తల్లిదండ్రులు చెబుతున్నారు. బాలుడు మంచానికి పరిమితం అయ్యే పరిస్థితి ఉందంటున్నారు. బాలుడికి అవసరమైన స్టెరాయిడ్లు, విటమిన్ ట్యాబ్లెట్లు, ఇతర మందులు ఇస్తున్నారు.
కర్నూలు జిల్లాకే చెందినచిన్నారి పునర్వికఎస్ఎంఏ టైప్-1 అనే అరుదైన వ్యాధితో బాధపడుతూ ఇంపాక్ట్ గురు ద్వారా క్రౌడ్ ఫండింగ్ చేశారు.. సోషల్ మీడియా, తెలుగ ప్రజల సాయంతో ఏకంగా రూ.10 కోట్లు సమకూరాయి. మంత్రి లోకేష్ మిగిలిన రూ.6 కోట్లకు హామీ ఇచ్చారు. పునర్వికకు ప్రస్తుతం ఆస్పత్రిలో ట్రీట్మెంట్ కొనసాగుతోంది. పునర్వికలాగే తమ బిడ్డ ప్రాణాలు కాపాడాలని అశ్వర్థ్ గురుదత్తా తల్లిదండ్రులు కోరుతున్నారు. బాలుడి తండ్రి ఏపీ మంత్రి టీజీ భరత్ను కలిసి తన కుమారుడి ఆరోగ్య సమస్యను వివరించారు. కేంద్ర, రాష్ట్ర ప్రభుత్వాల నుంచి కొంత సాయం అందేలా చూస్తానని మంత్రి భరత్ చెప్పారు. అశ్వర్థ్ గురుదత్త తండ్రి హరీశ్కుమార్ మొబైల్ నంబర్లు 9700365341, 9490992981. దాతలు ఎవరైనా సాయం చేయాలనుకుంటే.. బ్యాంకు అకౌంట్ వివరాలు ఇలా ఉన్నాయి.. ఈడిగ హరీష్కుమార్ గౌడ్, అకౌంట్ నంబర్-2346000100134082, IFSC Code- PUNB0234600
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్గా పని చేస్తున్నారు. ఆయన ఆంధ్రప్రదేశ్కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
