AP Tourism Rapido Driver Cum Guide: ఆంధ్రప్రదేశ్ ప్రభుత్వం రాష్ట్రానికి వచ్చే పర్యాటకుల కోసం సరికొత్త ఆలోచన చేసింది. దేశంలోనే తొలిసారి డ్రైవర్ కమ్ గైడ్ విధానాన్ని అమలు చేయనున్నారు. ఈ మేరకు రాష్ట్రానికి వచ్చే పర్యాటకుల్ని.. వారు కోరుకునే ప్రాంతాలకు కారు, ఆటోల్లో వీరే తీసుకెళ్లి చూపించి ప్రత్యేకతలు వివరిస్తారు. ఏపీ పర్యాటకశాఖ, ర్యాపిడో కలిసి ఈ డ్రైవర్ కమ్ గైడ్ కార్యక్రమాన్ని విజయవాడలో ప్రయోగాత్మకంగా త్వరలో అమలు చేయనున్నారు.
హైలైట్:
- ఏపీలో సరికొత్తగా డ్రైవర్ కమ్ గైడ్
- దేశంలోనే తొలిసారి కొత్త విధానం
- విజయవాడలో ప్రయోగాత్మకంగా
పర్యాటకులు ర్యాపిడో యాప్ ఓపెన్ చేయగానే ఆ చుట్టుపక్కల ఉన్న దాదాపు 20 వరకు పర్యాటక ప్రాంతాలు కనిపిస్తాయి. టూరిస్టులు వాటిని ఎంపిక చేసుకుంటే.. ర్యాపిడోలో గుర్తింపు పొందిన గైడ్ కమ్ డ్రైర్లు పర్యాటకుల్ని కార్లు, ఆటోళ్లు తీసుకెళతారు. ఆయా ప్రాంతాల ప్రత్యేకత, విశిష్టత, చరిత్ర వంటి అంశాలను వారికి వివరిస్తారు. ఈ టూర్ ప్యాకేజీకి సంబంధించిన ధరల్ని పర్యాటకశాఖ, రాపిడో కలిసి నిర్ణయించి, త్వరలోనే ప్రకటిస్తారు. ముందుగా విజయవాడలో డ్రైవర్ కమ్ గైడ్ విధానాన్ని ప్రారంభిస్తున్నారు. ఆ సమీపంలో భవానీ ఐలాడ్, కొండపల్లి బొమ్మలు, కూచిపూడి, పవిత్ర సంగమం, మంగినపూడి బీచ్, సూర్యలంక బీచ్, ఉండవల్లి గుహలు, అమరావతి స్థూపం, కొండపల్లి కోట వంటి ఎన్నో సందర్శనీయ ప్రాంతాలు ఉన్నాయి. ఈ ప్రాంతాలకు డ్రైవర్ కమ్ గైడ్ తీసుకెళతారు.
పర్యాటకులకు ఆయా ప్రాంతాలు, సందర్శనీయ ప్రదేశాల చరిత్ర, విశిష్టతను, ప్రత్యేకతల్ని ఎలా వివరించాలనే అంశాలపై స్క్రీన్ పైన వేసి అవగాహన కల్పిస్తున్నారు. అంతేకాదు విదేశాల నుంచి వచ్చే టూరిస్టులతో గూగుల్ ట్రాన్స్లేట్, లాంగ్వేజ్ యాప్ వంటివి ఎలా ఉపయోగించాలో కూడా శిక్షణలో భాగంగా అవగాహన కల్పిస్తున్నారు. అయితే విజయవాడకు సంబంధించి ప్రస్తుతం శిక్షణ పొందుతున్న 280 మందిలో ఆటోలు నడిపేవారు 248 మంది ఉన్నారు.. క్యాబ్ డ్రైవర్లు 32 మంది ఉన్నారు. మరి ప్రభుత్వం తీసుకొస్తున్న ఈ డ్రైవర్ కమ్ గైడ్ ఆలోచన ఎంత వరకు సక్సెస్ అవుతుందో చూడాలి.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్గా పని చేస్తున్నారు. ఆయన ఆంధ్రప్రదేశ్కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
