సత్యసాయి జిల్లా కదిరిలోని ఖాద్రీ లక్ష్మీనరసింహస్వామి బ్రహ్మరథోత్సవంలో అపశ్రుతి చోటుచేసుకుంది. బ్రహ్మరథోత్సవంలో భాగంగా రథం కిందపడి ఓ వ్యక్తికి తీవ్రగాయాలయ్యాయి. అతన్ని కాపాడే క్రమంలో మరో ఐదుగురు భక్తులు గాయపడ్డారు. వీరందరినీ వెంటనే కదిరి గవర్నమెంట్ ఆస్పత్రికి తరలించారు. ప్రస్తుతం వీరికి చికిత్స అందిస్తున్నారు. కదిరి లక్ష్మీనరసింహస్వామి బ్రహ్మోత్సవాలలో భాగంగా మంగళవారం రోజున రథోత్సవం నిర్వహించారు.
వేలాదిమంది భక్తజన సందోహం మధ్యన వైభవంగా ఈ కార్యక్రమం జరిగింది. బ్రహ్మరథోత్సవంలో భాగంగా ఉదయం ఎనిమిది గంటల 40 నిమిషాలకు ఆలయ అర్చకులు స్వామివారికి నిత్యకైంకర్యాలు, పూజలు నిర్వహించారు. అనంతరం భక్తుల జయజయధ్వానాల నడుమ రథం ముందుకు కదిలింది. ఈ కార్యక్రమానికి పొరుగు రాష్ట్రాలైన కర్ణాటక, తమిళనాడు నుంచి భక్తులు తరలివచ్చారు.
రథోత్సవంలో భాగంగా స్వామివారు రథంలో విహరిస్తూ భక్తులకు దర్శనమిచ్చారు. ఈ సందర్భంగా భక్తులు దవనం, మిరియాలు చల్లి ముక్కులు చెల్లించుకున్నారు. రథంలో ఆసీనుడైన నరసింహస్వామిపై దవనం, మిరియాలు చల్లితే పాపాలు తొలగి అష్టఐశ్వర్యాలు, ఆయురారోగ్యాలు కలుగుతాయని భక్తుల విశ్వాసం. దీంతో అధిక సంఖ్యలో భక్తులు కదిరి బ్రహ్మరథోత్వానికి హాజరవుతుంటారు. ఈ కార్యక్రమం కోసం పోలీసులు గట్టి బందోబస్తు ఏర్పాట్లు చేశారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్గా పని చేస్తున్నారు. ఆయన ఆంధ్రప్రదేశ్కు సంబంధించిన తాజా వార్తలు, ప్రభుత్వ పథకాల సమాచారం, మౌలిక సదుపాయాల కల్పనకు సంబంధించిన కథనాలు, రాజకీయ వార్తలతోపాటు ప్రత్యేక కథనాలు అందిస్తుంటారు. ఏపీ అసెంబ్లీ ఎన్నికలకు సంబంధించి ఆయన ఆసక్తికర కథనాలు, స్పెషల్ ఆర్టికల్స్ రాశారు. గతంలో వీడియో టీమ్లో పని చేసిన వెంకటరమణకు స్పోర్ట్స్ న్యూస్ రాసిన అనుభవం కూడా ఉంది. జర్నలిజంలో 8 ఏళ్ల అనుభవం ఉన్న వెంకటరమణ గతంలో ప్రముఖ మీడియా సంస్థల్లో నేషనల్. ఇంటర్నేషనల్, స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు. ఉత్తమ పనితీరు కనబర్చినందుకు గానూ 2025, ఫిబ్రవరిలో వెంకటరమణ టైమ్స్ ఇంటర్నెట్ నుంచి వావ్ అవార్డును అందుకున్నారు.… ఇంకా చదవండి
