టెక్ హబ్ బెంగళూరులో ఇంటి యజమానుల ఆగడాలు మరోసారి వెలుగులోకి వచ్చాయి. అద్దెకు ఉంటున్న ఒక యువతి సెక్యూరిటీ డిపాజిట్ నుంచి ఏకంగా రూ.52,000 అన్యాయంగా కట్ చేసుకున్నారని ఆరోపిస్తూ సోషల్ మీడియాలో పోస్ట్ చేసిన వీడియో ప్రస్తుతం తీవ్ర దుమారం రేపుతోంది. యశవంత్పూర్లోని ‘ఆర్గే అర్బన్ బ్లూమ్’ అపార్ట్మెంట్లో ఈ ఘటన చోటుచేసుకుంది. బాధితురాలు ఒక 3BHK ఫ్లాట్లో అద్దెకు దిగే సమయంలో యజమానులకు రూ. 70,000 సెక్యూరిటీ డిపాజిట్ చెల్లించింది. ఇటీవల యజమానులు ఆ ఫ్లాట్ను అమ్మకానికి పెట్టడంతో ఆమెను ఖాళీ చేయమని కోరారు. ఆమె ఇల్లు ఖాళీ చేసిన తర్వాత, యజమానులు కేవలం రూ.18,000 మాత్రమే తిరిగి ఇచ్చారు. పెయింటింగ్, క్లీనింగ్ పేరుతో ఎలాంటి సరైన లెక్కలు చూపకుండానే ఏకంగా రూ.52,000 కట్ చేసుకున్నారని ఆమె ఆరోపిస్తోంది. ఈ అన్యాయంపై ఆమె ఇన్స్టాగ్రామ్లో ఒక వీడియో షేర్ చేసి తన ఆవేదనను వ్యక్తం చేసింది. ఇంటి యజమానుల తీరును వివరిస్తూ, తనలా మరెవరూ మోసపోకూడదని పేర్కొంది. ఈ వీడియోకు అనూహ్య స్పందన లభించింది. ఇప్పటివరకు 7 లక్షల మందికి పైగా వీక్షించారు. వేల సంఖ్యలో నెటిజన్లు ఆమెకు మద్దతుగా నిలుస్తున్నారు. బెంగళూరు సిటీ పోలీస్, ఉన్నతాధికారులను ట్యాగ్ చేస్తూ, ఈ విషయంపై విచారణ జరిపి తనకు న్యాయం చేయాలని ఆమె కోరింది. ఇలాంటి మోసాల బారిన పడకుండా ఉండాలంటే.. అద్దెకు దిగే ముందే పక్కాగా ‘రెంటల్ అగ్రిమెంట్’ చేసుకోవాలని నిపుణులు సూచిస్తున్నారు. అలాగే ఇంట్లోకి మారేటప్పుడు మరియు ఖాళీ చేసేటప్పుడు ఫ్లాట్ ఫోటోలు, వీడియోలు తీసుకోవడం ద్వారా యజమానుల అక్రమ కోతలను అడ్డుకోవచ్చని చెబుతున్నారు.
మరిన్ని వీడియోల కోసం ఇక్కడ క్లిక్ చేయండి
Also Watch:
ఆలయంలో నాగుపాము ప్రత్యక్షం: అమ్మవారి మహిమంటూ భక్తుల పూజలు
అవతార్ లో మనిషి భూమి మీద పుట్టాడురా.. ఏం జరిగిందో తెలిస్తే షాక్..
ప్రీ వెడ్డింగ్ షూట్ లో.. పిచ్చి పీక్స్కు.. నెట్టింట ట్రోల్ అవుతున్న వీడియో
