బాత్రూంలో పేరుకుపోయే సబ్బు మరకలు, జుట్టు మరియు ఇతర సేంద్రియ వ్యర్థాలు ఈ కీటకాలకు ప్రధాన ఆహారం. పైపుల లోపల ఏర్పడే జిగట పొరలో ఇవి తమ సంతానాన్ని పెంచుకుంటాయి. మరి ఆ సంతానోత్పత్తి స్థలాలను ఎలా నాశనం చేయాలి? వెనిగర్, బేకింగ్ సోడా మరుగుతున్న నీటిని సరైన పద్ధతిలో ఎలా వాడాలి? అనే ఆసక్తికరమైన అంశాలను ఇప్పుడు వివరంగా తెలుసుకుందాం..
వెనిగర్, బేకింగ్ సోడా ప్రయోగం:
ఇది అత్యంత ప్రభావవంతమైన పద్ధతి. బేకింగ్ సోడా డ్రెయిన్ లోని మురికిని విచ్ఛిన్నం చేస్తే, వెనిగర్ బ్యాక్టీరియాను చంపుతుంది.
ఎలా చేయాలి?
అర కప్పు బేకింగ్ సోడాను డ్రెయిన్ లో పోసి, దానిపై ఒక కప్పు తెల్ల వెనిగర్ పోయండి. వచ్చే నురుగును 20 నిమిషాల పాటు అలాగే ఉంచి, ఆపై వేడి నీటితో కడిగేయండి.
పైపుల లోపల లోతుగా దాగి ఉన్న గుడ్లను లార్వాలను నాశనం చేయడానికి మరుగుతున్న నీరు అద్భుతంగా పనిచేస్తుంది. రోజుకు రెండుసార్లు మరుగుతున్న నీటిని డ్రెయిన్ లో పోయడం వల్ల పైపుల లోపల ఉన్న జిడ్డు వదులుతుంది.
ఈ కీటకాలు తేమ ఉన్న చోటే పెరుగుతాయి. కాబట్టి బాత్రూమ్ వాడిన తర్వాత నేలను తుడవడం, ఎగ్జాస్ట్ ఫ్యాన్ వేయడం ద్వారా తేమను తగ్గించవచ్చు.
భవిష్యత్తులో ఈగలు రాకుండా ఉండాలంటే?
వారానికోసారి క్లీనింగ్: డ్రెయిన్ బ్రష్ లేదా పైప్ క్లీనర్తో పైపుల అంచులను శుభ్రం చేయండి.
నీరు నిలవకుండా చూడండి: టాయిలెట్ లేదా సింక్ లో నీరు నిలిచిపోకుండా చూసుకోవడం చాలా ముఖ్యం.
రాత్రి పడుకునే ముందు డ్రెయిన్ లో వెనిగర్ మిశ్రమాన్ని పోసి, రాత్రంతా అలాగే వదిలేస్తే ఈగలు త్వరగా అంతమవుతాయి.
గమనిక: ఇది కేవలం సమాచారం మాత్రమే. సంస్థ దీనికి బాధ్యత వహించదు. పైపులు పాతవి అయితే, మరుగుతున్న నీటిని పోసేటప్పుడు జాగ్రత్త వహించండి.
