Pita Naga Mohan Krishna Repalle Ysrcp In Charge,టీడీపీ కంచుకోటలో వ్యూహం మార్చిన వైసీపీ.. ‘హ్యాట్రిక్ రికార్డ్’ మంత్రి నియోజకవర్గానికి కొత్త ఇంఛార్జ్ – pita naga mohan krishna appointed as repalle constituency ysrcp in charge

రేపల్లె నియోజకవర్గంలో వైఎస్సార్‌సీపీ ఇప్పటి వరకు ఒక్కసారి కూడా గెలవలేదు.. వరుసగా మూడు ఎన్నికల్లో ఓడిపోయింది. 2014 ఎన్నికల్లో మాజీ మంత్రి మోపిదేవి వెంకటరమణ పోటీచేసి అనగాని సత్యప్రసాద్ చేతిలో ఓడిపోయారు. మళ్లీ 2019 ఎన్నికల్లోనూ మోపిదేవికి వైఎస్ జగన్ అవకాశం ఇచ్చారు.. రాష్ట్రమంతా వైఎస్సార్‌సీపీ గాలి వీచినా రేపల్లెలో మాత్రం ఓటమి ఎదురైంది. 2019 ఎన్నికల ఫలితాల తర్వాత రేపల్లెలో ఓడిపోయిన మోపిదేవికి వైఎస్ జగన్ ఎమ్మెల్సీగా అవకాశం ఇచ్చి మంత్రిని చేశారు. కానీ 2020లో రాజకీయ పరిణామాలు మారడంతో వెంకటరమణ మంత్రి పదవికి, ఎమ్మెల్సీ పదవికి రాజీనామా చేయగా.. ఆ వెంటనే రాజ్యసభ ఎంపీగా అవకాశం దక్కింది.

2024 ఎన్నికలకు ముందు మోపిదేవి వెంకటరమణను కాదని రేపల్లెలో వైఎస్సార్‌‌‌సీపీ అభ్యర్థిని మార్చేసింది. డాక్టర్ ఈవూరు గణేష్‌కు టికెట్ ఇవ్వగా.. మోపిదేవి ఆయనకు మద్దతు తెలిపారు. అయినా సరే 2024లోనూ అనగాని సత్యప్రసాద్ చేతిలో గణేష్ ఓడిపోయారు. ఇలా వరుసగా మూడుసార్లు వైఎస్సార్‌సీపీకి ఓటమి ఎదురుకగా.. ఇంతలో రేపల్లెలో పార్టీకి పెద్ద దిక్కుగా ఉన్న మోపిదేవి వెంకట రమణ ఊహించని ట్విస్ట్ ఇచ్చారు. వైఎస్సార్‌సీపీకి, రాజ్యసభ ఎంపీ పదవికి రాజీనామా చేసి టీడీపీలో చేరారు. ఈవూరు గణేష్ కూడా నియోజకవర్గానికి కాస్త దూరంగా ఉన్నారనే టాక్ ఉంది. దీంతో రేపల్లెలో వైఎస్సార్‌సీపీ వ్యూహం మార్చింది.. పీటా నాగ మోహన్ కృష్ణవైపు మొగ్గు చూపింది. ఆయన రేపల్లె నియోజకవర్గంలో వైఎస్సార్‌సీపీ బలోపేతంపై ఫోకస్ పెట్టారు. మరి కొత్త ఇంఛార్జ్‌తోనైనా రేపల్లెలో లక్ మారుతుందుమో చూడాలి.