India
oi-Bomma Shivakumar
భారత్ లో ఎన్నో పర్యటక ప్రాంతాలు ఉన్నాయి. కొండలు, కోనలు, చారిత్రక కట్టడాలు, జలపాతాలు, అడవులు, నేషనల్ పార్కులు, హిమాలయ పర్వతాల నుంచి కన్యాకుమారి వరకు అలాగే రాజస్థాన్ అడవుల నుంచి కేరళ అందాల వరకూ ఇలా చెప్పుకుంటే పోతే ఎన్నో ప్రకృతి రమణీయమైన ప్రదేశాలు మన దేశంలో ఉన్నాయి. అందుకే మన దేశాన్ని సందర్శించేందుకు ప్రపంచ దేశాల నుంచి టూరిస్టులు క్యూ కడుతుంటారు. ఇక్కడి ఆచారాలు, సంప్రదాయాలు చూసి ఆశ్చర్యపోతుంటారు.
అయితే మనదేశంలో కొన్ని అటవీ ప్రాంతాల్లో సందర్శిస్తే మనసుకు హాయిగా అనిపిస్తుంది. ఇక్కడి ప్రకృతి అందాలు ఎన్ని టెన్షన్లు ఉన్నా ఇట్టే మరిచిపోయేలా చేయిస్తుంది. మరి ఆ పర్యటక ప్రాంతాలు ఎక్కడ ఉన్నాయి. వాటి వివరాలు ఇక్కడ చూద్దాం.. ఇందులో ప్రముఖంగా చెప్పుకోవాల్సింది కేరళలోని నీలగిరి పార్కు. దీన్ని సైలెంట్ వ్యాలీ నేషనల్ పార్క్ అని పిలుస్తుంటారు.
ఇక్కడ దట్టమైన అడవి, ఆకాశాన్ని తాకేలా చెట్లు ఉండి భూమికి కవచంలా కనిపిస్తుంటాయి. ఈ అడవి అందమైన అరుదైన మొక్కలకు నిలయంగా ఉంటుంది. ముఖ్యంగా ఇక్కడ లయన్ టెయిల్డ్ మకాక్ లు చాలా ఫేమస్.. ఇవి ఇక్కడ తప్ప దేశంలో మరెక్కడా కనిపించవు. అందుకే వీటి సంరక్షణ ఇక్కడ చాలా ప్రాధాన్యం. ఇక ఈ అడవిని 1984లో జాతీయ ఉద్యానవనంగా ప్రకటించారు. ఆ తర్వాత 1985 నుంచి పర్యాటకులను సందర్శనకు అనుమతిస్తున్నారు. ఈ అందమైన అడవి మధ్య నేచర్ వాక్ అద్భుతమైన అనుభూతిని కలగిస్తుంది.
అలాగే బుక్సా టైగర్ రిజర్వ్ దేశంలో చాలా పేరుగాంచింది. ఇది పశ్చిమ బెంగాల్ లో ఉంటుంది. ఈ అటవీ దిగువ ప్రాంతంలో సాల్ చెట్లు విస్తారంగా ఉండి పర్యటకులను కనువిందు చేస్తుంటాయి. అలాగే అటవీ ఎగువ ప్రాంతంలో దట్టమైన చెట్లతో నిండి చీకటిగా ఉంటుంది. ఇక ఈ అడవిలో ఏనుగులు, పులులు, చిరుతలు, హార్న్ బిల్ లు, అలాగే అనేక రకాల సీతాకోక చిలుకలు కనిపిస్తుంటాయి. ఇక్కడ ట్రెక్కింగ్ చేసేందుకు పర్యటకులు ఎక్కువగా ఆసక్తి చూపిస్తుంటారు. ఈ అడవిలో ట్రెక్కింగ్ ఓ అద్భుతమైన ఫీలింగ్ ను కలిగిస్తుంది.
ఇక చివరగా కర్ణాటకలోని దండేలీ- అన్షీ టైగర్ రిజర్వ్ కు చాలా ప్రాముఖ్యత ఉంది. ఇక్కడి అటవీ ప్రాంతంలో చెట్లు నిత్యం పచ్చగా ఉండి పర్యటకులకు మరచిపోలేని అనుభూతిని కలిగిస్తుంటాయి. ఆ సమయంలో ఇక్కడకు వెళ్లినప్పుడు అద్భుతమైన ఫీల్ కలుగుతుంది. ఇక్కడ హార్న్ బిల్ లు, భారీ కుందేళ్లు, అరుదైన బ్లాక్ పాంథర్ జంతువులు పర్యటకులను కనువిందు చేస్తుంటాయి. అలాగే ట్రెక్కింగ్, ప్రకృతి పర్యటనలను ఇష్టపడేవారికి ఈ అడవులు మంచి అనుభూతిని కలిగిస్తాయి.
