Nadikudi Srikalahasti Railway Line Works Speed Up: ఏపీలో మరో కొత్త రైలు మార్గం పనులు స్పీడ్ అందుకున్నాయి. ఈ మేరకు అధికారులు ఈ పనుల్ని పరిశీలించి వేగవంతం చేయాలని ఆదేశించారు. రాష్ట్రంలో నడికుడి నుంచి శ్రీకాళహస్తికి కొత్త రైలు మార్గం ఏర్పాటు చేస్తున్నారు. ఈ మేరకు పొదిలి వరకు దాదాపుగా పనులు పూర్తి కావొచ్చాయి.. రైళ్లతో ట్రయల్ రన్ కూడా నిర్వహిస్తున్న సంగతి తెలిసిందే. ఆ వివరాలు ఇలా ఉన్నాయి.
హైలైట్:
- ఆంధ్రప్రదేశ్‌లో మరో కొత్త రైలు మార్గం
- నడికుడి నుంచి శ్రీకాళహస్తికి నిర్మాణం
- పనుల్ని పరిశీలించిన రైల్వే అధికారులు
మరోవైపు ఎన్టీఆర్ జిల్లా కలెక్టర్ లక్ష్మీశ రైల్వేతో ముడిపడిన ప్రాజెక్టు పనుల పురోగతిపై సమీక్షించారు. జిల్లాలో వివిధ ప్రాజెక్టుల ప్రగతిపై అధికారులు సమన్వయంతో ఉండాలని.. దీనికో కోసం ప్రత్యేకంగా చొరవ చూపాలని సూచించారు. ఈ మేరకు విజయవాడలోని కలెక్టరేట్‌లో రైల్వే, జాతీయ రహదారుల సంస్థ, రెవెన్యూ, వీఎంసీ, పీఆర్, ఆర్‌డబ్ల్యూఎస్‌, జలవనరులు, ఇతర శాఖల అధికారులు సమావేశం నిర్వహించారు. ఈ మేరకు వివిధ పనులకు సంబంధించిన డీపీఆర్‌లు త్వరగా రూపొందించాలి అన్నారు. అమృత్‌ భారత్‌ పథకం కింద నిధులు మంజూరు, రైల్వే లైన్లు అంశాలపై అధికారులకు దిశానిర్దేశం చేశారు. విజయవాడ నగరంలోని అజిత్‌సింగ్‌నగర్, మధురానగర్‌, గుణదల రైల్వే పైవంతెనలు.. అలాగే వాంబే కాలనీ వద్ద రైల్వే కింది వంతెనపై కలెక్టర్ రైల్వే అధికారులతో చర్చించారు. అంతేకాదు రెండు రోజుల క్రితం దర్శి వరకు ప్యాసింజర్ రైలుతో ట్రయల్ రన్ నిర్వహించగా సక్సెస్ అయ్యింది. కొంతకాలంగా ఈ కొత్త రైల్వే లైన్‌లో రైళ్లతో అధికారులు ట్రయల్ రన్ నిర్వహిస్తున్నారు. అలాగే తమ ప్రాంతానికి తొలిసారి రైలు వచ్చిందనే ఆనందంలో ఉన్నారు దర్శి, పొదిలి ప్రాంతంలోని ప్రజలు.. ఆ రైళ్లకు ఘన స్వాగతం పలుకుతున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
