AP Rajya Sabha Mp Election Schedule: ఆంధ్రప్రదేశ్‌లో రాజ్యసభ ఉప ఎన్నికకు కేంద్ర ఎన్నికల సంఘం షెడ్యూల్ విడుదల చేసింది. వైఎస్సార్‌సీపీ ఎంపీ విజయసాయిరెడ్డి రాజీనామాతో ఏర్పడిన ఖాళీని భర్తీ చేయనున్నారు. మే 9న ఎన్నిక జరగనుండగా, ఈనెల 29 వరకు నామినేషన్లు స్వీకరిస్తారు. కూటమికి దక్కనున్న ఈ స్థానం ఎవరికి కేటాయిస్తారనేది ఆసక్తికరంగా మారింది. మరోవైపు, మద్యం కుంభకోణం కేసులో సిట్ విజయసాయిరెడ్డికి నోటీసులు జారీ చేసింది.
హైలైట్:
- ఏపీలో రాజ్యసభ ఉప ఎన్నికకు ఈసీ షెడ్యూల్
- ఈ నెల 29 వరకు నామినేసన్లు స్వీకరిస్తారు
- మే 9న ఎన్నికల పోలింగ్.. అదే రోజు రిజల్ట్
‘బ్రెజిల్’ ఆరోపణలపై చంద్రబాబుకు విజయసాయిరెడ్డి కౌంటర్-
మరోవైపు విజయసాయిరెడ్డికి గత ప్రభుత్వ హయాంలో జరిగిన మద్యం కుంభకోణంలో సిట్ నోటీసులు జారీ చేసింది. హైదరాబాద్‌ జూబ్లీహిల్స్‌లోని విజయసాయిరెడ్డి నివాసానికి వెళ్లి సిట్ టీమే.. ఈ నెల 18న ఉదయం 10 గంటలకు విజయవాడ సిటీ పోలీసు కమిషనరేట్‌లోని సిట్ కార్యాలయంలో విచారణకు హాజరుకావాలని నోటీసుల్లో పేర్కొన్నారు. అయితే విజయసాయిరెడ్డి ఈ నెల 17వ తేదీనే విచారణకు వస్తానని చెప్పారట.. అందుకు తగిన విధంగా సిట్ ఏర్పాట్లు చేసుకుంటోందట. ఈ మద్యం కుంభకోణంలో బీఎన్‌ఎస్‌ఎస్‌లోని సెక్షన్‌ 179 ప్రకారం సాక్షిగా ఆయనను విచారణకు పిలిచినట్లు తెలుస్తోంది. గతంలో కూడా విజయసాయిరెడ్డి మద్యం కుంభకోణంపై సంచలన వ్యాఖ్యలు చేశారు. ఈ స్కాంలో కర్త, కర్మ, క్రియ రాజ్‌ కసిరెడ్డేనని అన్నారు.. త్వరలోనే మరిన్ని వివరాలను వెల్లడిస్తానన్నారు. ఈ క్రమంలో సిట్ విచారణకు రావాలని విజయసాయిరెడ్డికి నోటీసులు ఇవ్వడం చర్చనీయాంశంగా మారింది. మరి సిట్ విచారణలో విజయసాయిరెడ్డి ఎలాంటి విషయాలు ప్రస్తావిస్తారన్నది ఆసక్తికరంగా మారింది.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
