సర్.. నాకు అమ్మానాన్న కావాలి.. నన్ను వారు పట్టించుకోవడం లేదంటూ పోలీస్ స్టేషన్‌లో ఫిర్యాదు చేసిందో బాలిక. ఎనిమిదో తరగతి చదువుతున్న ఆ బాలిక.. తన తల్లిదండ్రులు తనను పట్టించుకోవడం లేదని కంప్లైంట్ చేసింది. పోలీసులు ఆ బాలిక బాధను అర్థం చేసుకుని అమ్మాయి తల్లిదండ్రులను పిలిపించారు. కౌన్సిలింగ్ ఇచ్చారు. ఇంత జరిగినా.. ఆ అమ్మాయిని తీసుకెళ్లడానికి తల్లిదండ్రులు అంగీకరించలేదు.. దీంతో పోలీసులే విస్తుపోయారు. ఈ ఘటన అనకాపల్లి జిల్లాలో చోటుచేసుకుంది.
తన బిడ్డను ముద్దాడుతుంది. అలాంటిది ఆ కన్నవారికి పేగుబంధం భారమైంది.. ఏం చేయాలో పాలుపోని స్థితిలో ఆ బాలిక పోలీస్ స్టేషన్ మెట్లెక్కింది. సమాజంలో రోజురోజుకూ దిగజారుతున్న మానవతా విలువలకు అద్దం పట్టే ఈ ఘటన అనకాపల్లి జిల్లాలో చోటుచేసుకుంది.
ఆడుతూ పాడుతూ చదువుకోవాల్సిన వయసులో ఆ బాలిక పోలీస్ స్టేషన్ మెట్లెక్కింది. తన తోటి వారందరూ తల్లిదండ్రులతో సంతోషంగా ఉంటే.. అమ్మ అనురాగం, నాన్న ప్రేమ కావాలంటూ ఖాకీలతో మొరపెట్టుకుంది. పేగు బంధాన్ని భారమని వదిలేసుకున్న తల్లిదండ్రుల కోసం.. కన్నవారికే కానిదానినైపోయానంటూ కన్నీరు కారుస్తోంది. అమ్మానాన్నలే తనను వద్దంటూ పట్టించుకోకపోతే ఎవరికి చెప్పుకోవాలో.. ఏం చేయాలో తెలియక విలవిలలాడిపోతోంది ఎనిమిదో తరగతి చదివే ఓ బాలిక.
దీనికి సంబంధించిన పూర్తి వివరాల్లోకి వెళ్తే.. విశాఖపట్నానికి చెందిన ఓ వ్యక్తికి, అనకాపల్లికి చెందిన మహిళకు వివాహమైంది. వీరికి ఇద్దరు కుమార్తెలు సంతానం. ఇద్దరిలో ఒకమ్మాయి ఎనిమిదో తరగతి చదువుతోంది.
రాత్రి వేళ గాఢనిద్రలో భర్త.. సలసలా కాగుతున్న వేడి నూనె పోసి, గోడదూకిన భార్య.!
అయితే భార్యాభర్తల మధ్య విభేదాలు తలెత్తడంతో ఇద్దరూ వేర్వేరుగా ఉంటున్నారు. ఎనిమిదో తరగతి చదువుతున్న అమ్మాయి తండ్రి దగ్గర ఉంటూ చదువుకుంటోంది. అయితే తనను తల్లిదండ్రులు పట్టించుకోవడం లేదంటూ మంగళవారం పోలీస్ స్టేషన్ను ఆశ్రయించిందీ ఆ బాలిక. తల్లిదండ్రులు తనను పట్టించుకోవడం లేదంటూ పోలీస్‌స్టేషన్‌లో ఫిర్యాదు చేసింది. దీంతో పోలీసులు తల్లిదండ్రులను పిలిపించి కౌన్సెలింగ్‌ ఇచ్చారు. అయితే కుమార్తెను తమతో తీసుకెళ్లడానికి తల్లిదండ్రులు ఇద్దరూ ఇష్టపడలేదు. దీంతో పోలీసులు విస్తుపోయారు. ఏం చేయాలో పాలుపోని స్థితిలో బాలిక బాధ్యతను తాత వరస అయే వ్యక్తికి అప్పగించారు. అలా అమ్మానాన్న ప్రేమకు దూరమైన ఆ చిన్నారి.. ఎప్పటికైనా తన తల్లిదండ్రులు తన కోసం రాకపోతారా, తనను తీసుకెళ్లకపోతారా అంటూ ఆశగా ఎదురుచూస్తోంది కన్నీళ్లు నిండిన కళ్లతో..
ఆ తల్లిదండ్రుల హృదయం కరిగేదెప్పుడో.. ఆ చిన్నారి ఆశ తీరెదెన్నడో..!
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
