Andhra Pradesh Fee Reimbursement Money Committee: ఫీజు రీయింబర్స్మెంట్ విషయంలో ఆంధ్రప్రదేశ్ ప్రభుత్వం కీలక నిర్ణయం తీసుకుంది. పాత బకాయిల చెల్లింపునకు ఒక కమిటీని ఏర్పాటు చేసింది. ఈ కమిటీ త్వరలో నివేదికను అందించనుంది. 2024-25 విద్యా సంవత్సరం నుంచి ఫేషియల్ రికగ్నిషన్ ద్వారా హాజరును పరిగణలోకి తీసుకుని నేరుగా కాలేజీల ఖాతాల్లోనే డబ్బులు జమ చేయనున్నారు. గతంలో తల్లుల ఖాతాల్లో జమ చేసే విధానంలో సమస్యలు తలెత్తడంతో ఈ మార్పు చేశారు. ఈ కొత్త విధానం విద్యార్థులకు, కాలేజీలకు మేలు చేస్తుందని ప్రభుత్వం భావిస్తోంది.
హైలైట్:
- ఏపీ ఫీజు రీయింబర్స్‌మెంట్‌పై కీలక నిర్ణయం
- పెండింగ్ బకాయిలపై కమిటిని నియమించారు
- పది రోజుల్లో ప్రభుత్వానికి నివేదిక ఇవ్వాలి
గతంలో ఫీజు రీయింబర్స్మెంట్ సకాలంలో జమ చేయకపోవడంతో రాష్ట్రవ్యాప్తంగా కాలేజీల యాజమాన్యాలు విద్యార్థుల నుండి ఫీజులు వసూలు చేశాయి. కొన్నిసార్లు ప్రభుత్వం డబ్బులు జమ చేసినా.. వివిధ కారణాల వల్ల తల్లుల బ్యాంక్ ఖాతాల్లోకి చేరలేదు. ఈ సమస్యలను పరిష్కరించడానికి, పాత బకాయిలను చెల్లించడానికి ఒక పారదర్శకమైన విధానాన్ని సూచించేందుకు ప్రభుత్వం కమిటీని ప్రభుత్వం నియమించింది. ఈ కమిటీకి సాంఘిక సంక్షేమ శాఖ డైరెక్టర్ ఈ కమిటీకి ఛైర్‌పర్సన్‌గా ఉంటారు. బీసీ, గిరిజన, కళాశాల విద్య, సాంకేతిక విద్యాశాఖ డైరెక్టర్లు సభ్యులుగా ఉంటారు. ఈ కమిటీ 10 రోజుల్లో ప్రభుత్వానికి నివేదికను సమర్పించాలని ప్రభుత్వం ఉత్తర్వుల్లో తెలిపింది.
ఏపీలో కాలేజీ విద్యార్థులకు తీపికబురు.. ఫీజు రీయింబర్స్మెంట్ డబ్బుల చెల్లింపుపై కీలక ఆదేశాలు
గత ప్రభుత్వ హయాంలో ఫీజు రీయింబర్స్మెంట్ డబ్బుల్ని విద్యార్థుల తల్లుల బ్యాంక్ ఖాతాల్లో జమ చేసే విధానంతో ఇబ్బందులు ఎదురయ్యాయి. అందుకే ఇప్పుడు నేరుగా కాలేజీల బ్యాంక్ ఖాతాల్లోనే డబ్బులు జమ చేస్తున్నారు. దీనివల్ల విద్యార్థులకు, కాలేజీలకు ఇబ్బంది లేకుండా పోతుందని చెబుతోంది ప్రభుత్వం. ప్రభుత్వం పారదర్శకంగా వ్యవహరించడానికి ఈ చర్యలు తీసుకుంటోంది.. అందుకే కమిటీని నియమించింది. ఉమ్మడి రాష్ట్రంలో ఫీజు రీయింబర్స్మెంట్ విధానాన్ని అమలు చేస్తున్నారు.. అప్పటి నుంచి ఈ డబ్బుల్ని విద్యార్థికి సంబంధం లేకుండా నేరుగా కాలేజీలకు ప్రభుత్వం చెల్లిస్తోంది. కానీ గత ప్రభుత్వం ఈ విధానంలో మార్పు చేసింది.. ఫీజు రీయింబర్స్మెంట్ డబ్బుల్ని విద్యార్థుల తల్లుల అకౌంట్‌లలోకి జమ చేస్తోంది. అయితే ఈ విధానంలో కొన్ని సమస్యలు ఉండటంతో విద్యార్థులు ఇబ్బందులు పడ్డారు. అందుకే కూటమి ప్రభుత్వం అధికారంలోకి వచ్చిన తర్వాత కాలేజీ యాజమాన్యాల అకౌంట్‌లకు ఫీజు రీయింబర్స్మెంట్ డబ్బులు జమ చేస్తోంది. ఈ విధానంతో తమకు ఇబ్బందులు తొలగిపోయాయని విద్యార్థులు అంటున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
