Ongole Cow Created Record In Milk: డాక్టర్ బీఆర్ అంబేద్కర్ కోనసీమ జిల్లాలో వేగుళ్ల మురళీకృష్ణ అనే రైతుకు చెందిన ఒంగోలు జాతి ఆవు ఒక రోజులో 20.56 లీటర్ల పాలు ఇచ్చి సరికొత్త రికార్డు సృష్టించింది. గతంలో ఈ ఆవు తాడేపల్లిగూడెంలో జరిగిన పాల పోటీలో కూడా మొదటి బహుమతి గెలుచుకుంది. ఆవుకు పోషకమైన దాణా ఇవ్వడం వల్లనే ఇంతటి దిగుబడి సాధ్యమైందని పశువైద్య అధికారులు తెలిపారు.
హైలైట్:
- ఒంగోలు ఆవు సరికొత్త రికార్డు సృష్టించింది
- పాలు ఇవ్వడంలో అరుదైన ఫీట్‌ సాధించింది
- కేంద్రీయ పశు నమోదు పథకంలో నమోదు
ఈ ఆవు సోమవారం వరకు రోజుకు 18 కిలోల పాలు (19 లీటర్ల వరకు) ఇచ్చేదని చెప్పారు. మంగళవారం 21.19 కిలోలు (20.56 లీటర్లు) పాలు ఇచ్చిందని.. వీటిలో ఉదయం 11.52 కిలోలు.. సాయంత్రం 9.67 కిలోల పాలు ఇచ్చిందని వివరించారు. ఐదేళ్ల వయసు ఉన్న ఆ ఒంగోలు జాతి ఆవుకు రెండేళ్ల క్రితం మరో బహుమతి దక్కింది. 2023లో తాడేపల్లిగూడెంలో నిర్వహించిన దేశీయ ఆవు పాల పోటీలో పూటకు 7.17 కిలోలు ఇచ్చి మొదటి బహుమతిని సాధించిన ఘనత కూడా ఉంది. పోషక విలువల దాణా ఇవ్వడంతో ఈ దిగుబడి సాధ్యమైందని పశువైద్య ఉన్నతాధికారి చెబుతున్నారు. ఈ మేరకు కేంద్రీయ పశు నమోదు అధికారి డి రాజేశ్వరరావు సమక్షంలో.. రైతు మురళీకృష్ణ తన ఆవు పాలు తీయగా పాలు వివరాలను నమోదు చేసి కేంద్రీయ పశు నమోదు సెంటర్‌కు పంపించారు.. ఆ తర్వాత రికార్డు గురించి ప్రకటించారు.
ఒంగోలు ఆవు సరికొత్త రికార్డు.. అమ్మో ఒక్కరోజులో అన్ని లీటర్ల పాలా?
తెలుగు రాష్ట్రాలతో పాటుగా దేశవ్యాప్తంగా ఒంగోలు జాతి ఆవులకు ప్రత్యేక గుర్తింపు ఉంది. అంతరించిపోతున్న ఈ జాతి ఆవుల్ని సంరక్షించేందుకు ఏపీ ప్రభుత్వం ప్రత్యేకంగా ఏర్పాట్లు చేసింది. రాష్ట్రంలో రెండుచోట్లు ఒంగోలు జాతి పశువుల సంరక్షణ కేంద్రాలను ఏర్పాటు చేసింది. అలాగే తెలుగు రాష్ట్రాల్లో రైతులు కూడా ఒంగోలు జాతి ఆవుల్ని పోషిస్తున్నారు.. అలాగే ఒంగోలు జాతి గిత్తల్ని కూడా సంరక్షిస్తున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
