Tirumala Srivani Ticket Counter Near Annamayya Bhavan: తిరుమల శ్రీవారి భక్తులకు శుభవార్త! శ్రీవాణి టికెట్ల జారీ కేంద్రం మారనుంది, ఇకపై మరింత సౌకర్యవంతంగా దర్శనం చేసుకోవచ్చు. రద్దీని తగ్గించేందుకు టీటీడీ ఈ నిర్ణయం తీసుకుంది. అంతేకాదు, ఉచిత దర్శనం టోకెన్ల కోసం ఎదురుచూసే భక్తులకు కూడా మెరుగైన వసతులు కల్పించారు. వేసవి రద్దీలోనూ భక్తులకు ఎలాంటి ఇబ్బంది లేకుండా టీటీడీ చర్యలు తీసుకుంటోంది. మీ సందేహాలు తీర్చుకోవడానికి ‘డయల్ యువర్ ఈవో’ కార్యక్రమం కూడా ఉంది. మరిన్ని వివరాల కోసం చదవండి!
హైలైట్:
- తిరుమలలో దర్శన టికెట్ల కౌంటర్ మార్పు
- కీలక నిర్ణయం తీసుకున్న టీటీడీ అధికారులు
- మరో వారంలో కేంద్రాన్ని ప్రారంభించనున్నారు
తిరుపతిలో భూదేవి కాంప్లెక్స్, శ్రీనివాసం, మాధవం భక్తుల వసతి సముదాయం, విష్ణు నివాసంలో ఉచిత సర్వదర్శనం టోకెన్లు ఇస్తున్నారు. గతంలో భూదేవి కాంప్లెక్స్ వద్ద టోకెన్ల కోసం వచ్చిన భక్తులు తోపులాటలో ఇబ్బంది పడేవారు. ఇప్పుడు నారాయణగిరి తరహాలో శాశ్వత క్యూలైన్ షెడ్లు ఏర్పాటు చేశారు. దీనివల్ల ఎండ, వాన నుంచి భక్తులకు ఉపశమనం కలుగుతుంది. తిరుమల నారాయణగిరి తరహాలో శాశ్వత క్యూలైన్ షెడ్లు ఏర్పాటు చేసి ఎండ, వాన నుంచి ఉపశమనం కల్పించారు. తిరుమలలో ఉన్న నారాయణగిరి క్యూలైన్ల మాదిరిగానే ఇక్కడ కూడా ఏర్పాటు చేశారు.
‘వేసవి రద్దీ నేపథ్యంలో తిరుమలలో గత వారం రోజులుగా భక్తుల తాకిడి పెరిగింది. సాధారణంగా గురువారం ఉదయం తిరుప్పావడ సేవ, సాయంత్రం పూలంగి సేవ ఉన్న కారణంగా భక్తులకు దర్శన సాధారణంగా రెండు మూడు గంటలు పైగా తగ్గుతుంది. గురువారం నాడు సాధారణంగా కేవలం 62 నుండి 63 వేల మంది భక్తులు మాత్రమే శ్రీవారిని దర్శించుకుంటారు. అయితే అదనపు ఈవో శ్రీ సిహెచ్ వెంకయ్య చౌదరి నేతృత్వంలో, తిరుమలలోని అన్ని విభాగాలను ఎప్పటికప్పుడు సమన్వయపరుస్తూ, దాదాపు పదివేల మందికి పైగా భక్తులకు దర్శనం ఇవ్వడం జరిగింది. ఈ కారణంగా తొలిసారి గురువారం నాడు 72,579 మంది శ్రీవారిని దర్శించుకున్నారు. ఇందుకు అదనపు ఈవో విశేష కృషి చేసిన అన్ని విభాగాల సిబ్బందిని అభినందించారు’ అని టీటీడీ ఒక ప్రకటనలో తెలిపింది.
తిరుమల శ్రీవారి భక్తులకు శుభవార్త.. ఇకపై అక్కడ దర్శన టికెట్లు జారీ, కౌంటర్ ఏర్పాటు
టీటీడీ ఇవాళ ‘డయల్ యువర్ ఈవో’ కార్యక్రమాన్ని నిర్వహిస్తోంది. నేడు ఉదయం 9 నుండి 10 గంటల వరకు తిరుమలలోని అన్నమయ్య భవనంలో జరగనుంది. ఈ కార్యక్రమాన్ని శ్రీ వేంకటేశ్వర భక్తి ఛానల్ ప్రత్యక్ష ప్రసారం చేస్తుంది. భక్తులు తమ సందేహాలను, సూచనలను టీటీడీ ఈవో జే శ్యామలరావుకు ఫోన్ చేసి నేరుగా మాట్లాడి తెలియజేయొచ్చు. భక్తులు సంప్రదించవలసిన నెంబరు 0877-2263261.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
