Tirumala Chinese Fast Food Banned,తిరుమలలో భక్తులకు ఇకపై ఆ ఫుడ్ దొరకదు.. పూర్తిగా బ్యాన్, టీటీడీ కీలక నిర్ణయం – chinese fast food will banned in tirumala says ttd eo j syamala rao in dial your eo program

తిరుమలలోని శ్రీవారి పుష్కరిణి సరిగా శుభ్రం చేయడం లేదని భక్తులు ఫిర్యాదు చేశారని ఈవో శ్యామలరావు చెప్పారు. అలాగే, అద్దె గదుల్లోని బాత్రూమ్ లను సరిగా శుభ్రం చేయడం లేదని కూడా భక్తులు చెప్పారన్నారు. వెండి వాకిలి, బంగారు వాకిలి దగ్గర ఎక్కువ తోపులాట జరుగుతోందని భక్తులు ఫిర్యాదు చేసినట్లు ఆయన తెలిపారు. అద్దె గదులలో బాత్రూంలు కొన్ని సరిగా క్లీన్ చేయడం లేదని భక్తులు ఫిర్యాదు చేశారన్నారు. . శ్రీవారి ఆలయంలో వెండి వాకిలి, బంగారు వాకిలి దగ్గర ఎక్కువ తోపులాట జరుగుతోందని భక్తులు ఫిర్యాదు చేశారన్నారు. శ్రీవారి సేవలో సంస్కరణలు తీసుకువస్తున్నామని టీటీడీ ఈవో తెలిపారు. ముఖ్యమంత్రి తిరుమల పర్యటనలో కొన్ని సూచనలు చేశారని.. అనుభవమున్న శ్రీవారి సేవకులకు 50 శాతం, కొత్తవారికి 50 శాతం అవకాశం ఇస్తామని తెలిపారు. అర్హతను బట్టి శ్రీవారి సేవకులను వినియోగించుకుంటామని ఆయన స్పష్టం చేశారు.

తిరుమలను ప్రణాళికాబద్ధంగా అభివృద్ధి చేస్తామని ఈవో శ్యామలరావు అన్నారు. 100 బిగ్ క్యాంటీన్లు, 6 జనతా క్యాంటీన్ల కేటాయింపులో నిబంధనలు మారుస్తామని చెప్పారు. 163 ఫాస్ట్ ఫుడ్ సెంటర్ల నిర్వహణపై నిరంతర పర్యవేక్షణ ఉంటుందని ఆయన తెలిపారు. భక్తులకు సాంప్రదాయ వంటలు మాత్రమే అందించాలని ఆయన మరోసారి స్పష్టం చేశారు. తిరుమలలో చైనీస్ ఫాస్ట్ ఫుడ్‌ను పూ‌ర్తిగా నియంత్రిస్తామని ఆయన అన్నారు. టెక్నాలజీని ఉపయోగించి భక్తులకు మెరుగైన సేవలు అందిస్తామని ఈవో శ్యామలరావు అన్నారు. త్వరలో జీపీటీ చాట్ బోట్ అందుబాటులోకి తీసుకువస్తామని ఆయన చెప్పారు. వాట్సాప్ గవర్నెన్స్ ద్వారా 4 సర్వీసులను భక్తులకు అందుబాటులోకి తెచ్చామని, మరో 10 సేవలు ట్రయల్ రన్ లో ఉన్నాయని తెలియజేశారు. లడ్డూలకు కూడా కియోస్క్ మెషిన్ ద్వారా యూపీఐ పేమెంట్‌కు పరిశీలిస్తున్నామని ఆయన అన్నారు. ఏఐ బేస్డ్ సీసీ కెమెరాల ఏర్పాటుకు చర్యలు తీసుకుంటున్నట్లు ఆయన తెలిపారు.

గతంలో కూడా తిరుమలలోని హోట‌ళ్ల నిర్వాహ‌కులు, స్థానికులతో అద‌న‌పు ఈవో సీహెచ్ వెంకయ్య చౌదరి స‌మావేశం నిర్వ‌హించారు. తిరుమ‌ల శ్రీ‌వారి ద‌ర్శ‌నార్థం వ‌చ్చే భ‌క్తుల‌కు సాంప్రదాయ వంటకాలను అందించాలని కొన్ని సూచనలు చేశారు. దేశ, విదేశాల నుంచి వచ్చే భక్తులకు ఎలాంటి అసౌక‌ర్యం క‌ల‌గ‌కుండా హోట‌ళ్ల‌లో ప‌రిశుభ్ర‌త‌, నిర్వ‌హ‌ణ చ‌క్క‌గా ఉండేలా హోటల్ నిర్వాహ‌కులు జాగ్ర‌త్త‌లు తీసుకోవాల‌న్నారు. భ‌క్తుల ఆరోగ్యాన్ని దృష్టిలో ఉంచుకుని నాణ్య‌మైన ఆహార పదార్థాలను అందించాలన్నారు.

హోటల్ నిర్వాహకులు చేసే చిన్న పొరపాట్ల వల్ల భక్తులు చాలా అసంతృప్తితో వెళుతున్నారన్నారు అడిషనల్ ఈవో. అలాగే భక్తులకు చైనీస్ వంటకాలను పూర్తిగా నిలిపివేయాలని అప్పుడే కోరారు. అన్ని షాపుల్లో దుకాణాలలో ధరల పట్టికను ప్రదర్శించాలని.. హోటళ్ల లోని వ్యర్ధాలను ఎప్పటికప్పుడు తొలగించాలని సూచించారు.. పారిశుద్ధ్య చర్యలు చేపట్టాలన్నారు.