Guntur To Guntakal Doubling Railway Line: రాయలసీమ వాసులకు శుభవార్త! గుంటూరు-గుంతకల్లు రైలు మార్గం డబ్లింగ్ పనులు శరవేగంగా జరుగుతున్నాయి. నల్లమల అటవీ ప్రాంతంలో చిక్కుముడులు వీడటంతో ఏళ్ల తరబడి నిలిచిన పనులు మళ్ళీ మొదలయ్యాయి. సొరంగాలు, వంతెనల నిర్మాణం పూర్తయితే రైళ్ల రాకపోకలు సులువు అవుతాయి. ప్రయాణికులకు మరింత సౌకర్యవంతంగా ఉంటుంది. ఈ మార్గంలో వందే భారత్ రైళ్లు కూడా పరుగులు తీసే అవకాశం ఉంది అంటున్నారు.
హైలైట్:
- ఏపీలో మరో రైల్వే లైన్ డబ్లింగ్ పనులు
- నల్లమల అటవీ ప్రాంతంలో వేగవంతం
- రెండు భారీ సొరంగాలు నిర్మించనున్నారు
ఏపీలో కొత్తగా రెండో రైల్వే లైన్.. ఈ రూట్‌లో రూ.3,631 కోట్లతో, ఈ రెండు జిల్లాలకు మహర్దశ
ఈ రూట్‌లోని నంద్యాల-దొనకొండ మధ్య అటవీ ప్రాంతంలో పనులు ప్రారంభించాల్సి ఉంది. అటవీ శాఖ అనుమతులు రావడంతో ప్రకాశం జిల్లా, నంద్యాల జిల్లాల్లో పనుల్ని మరో మూడు నెలల్లో పూర్తి చేయాలని రైల్వే అధికారులు భావిస్తున్నారు. ఈ గుంటూరు-గుంతకల్లు రైల్వే లైన్‌లో నల్లమల అడవిలో ఉన్న దిగువమెట్ట-నంద్యాల మధ్య జరిగే డబ్లింగ్ పనులే ముఖ్యం అంటున్నారు. ఈ ప్రాంతంలోని అభయారణ్యంలో పులులు ఉంటాయి.. మొత్తం 28 కి.మీ. పొడవునా డబ్లింగ్ పనులు చేయాలి.. రెండు సొరంగాలు నిర్మించాల్సి ఉంది. అందుకే ప్రత్యేక నిపుణుల పర్యవేక్షణలో ఈ సొరంగాల నిర్మాణం చేపట్టారు. ఈ మేరకు ఈ పనుల కోసం జంబో డ్రిల్లింగ్ యంత్రం వెళ్లేందుకు కొండను యంత్రాలతో తొలచి చదును చేశారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
