Close Menu
ఆంధ్రప్రదేశ్

Vijayawada Durgamma Rs 10 Lakhs Gold Necklace,విజయవాడ దుర్గమ్మకు భక్తుడి ఖరీదైన కానుక.. ఆ బంగారు హారం విలువ ఎంతో తెలుసా! – devotee donates gold necklace to vijayawada durgamma

.By .No Comments0 Views
Vijayawada Durgamma Rs 10 Lakhs Gold Necklace,విజయవాడ దుర్గమ్మకు భక్తుడి ఖరీదైన కానుక.. ఆ బంగారు హారం విలువ ఎంతో తెలుసా! – devotee donates gold necklace to vijayawada durgamma


Vijayawada Durgamma Devotee Donates Gold Necklace: విజయవాడ ఇంద్రకీలాద్రిపై కొలువై ఉన్న కనకదుర్గమ్మకు విద్యాధరపురానికి చెందిన భక్తుడు శ్రీనివాసరావు రూ.12 లక్షల విలువైన బంగారు హారాన్ని సమర్పించారు. భక్తులకు దుర్గమ్మ సేవ చేసుకునే అవకాశం కల్పిస్తూ రాజగోపుర ప్రాంగణంలో కార్యాలయాన్ని ఏర్పాటు చేయనున్నట్లు ఈవో శీనానాయక్ తెలిపారు. అంతేకాకుండా, ఆలయ పరిపాలన సక్రమంగా జరిగేందుకు ఏఈవోలు, సూపరింటెండెంట్ల బదిలీలు జరిగాయి. ఎవరికి ఏ బాధ్యతలు అప్పగించారో కూడా తెలియజేశారు.

హైలైట్:

  • విజయవాడ దుర్గమ్మకు ఖరీదైన కానుక
  • 105 గ్రాముల హారాన్ని అందజేశారు
  • దుర్గమ్మకు బంగారు హారాన్ని కానుకగా
విజయవాడ దుర్గమ్మకు రూ.12 లక్షల హారం
విజయవాడ దుర్గమ్మకు రూ.12 లక్షల హారం (ఫోటోలు– Samayam Telugu)
విజయవాడ ఇంద్రకీలాద్రిపై కొలువై ఉన్న కనకదుర్గమ్మకు భక్తులు ఖరీదైన కానుకల్ని అందజేశారు. విద్యాధరపురానికి చెందిన భక్తుడు శ్రీనివాసరావు రూ.12 లక్షల విలువైన బంగారు హారాన్ని సమర్పించారు. 105 గ్రాముల బరువున్న ఈ హారాన్ని మొదట అమ్మవారి సన్నిధిలో పూజ చేయించారు. అనంతరం ఈవో శీనానాయక్‌కు అందజేశారు. దుర్గమ్మకు బంగారు హారాన్ని కానుకగా ఇవ్వడం ఆనందంగా ఉందన్నారు. శ్రీనివాసరావు కుటుంబానికి దేవస్థానం సిబ్బంది ఆలయ మర్యాదలతో దర్శనం చేయించారు.. అనంతరం వేదపండితులు వారిని ఆశీర్వదించారు. అలాగే అమ్మవారి చిత్రపటం, శేషవస్త్రాలు, ప్రసాదాలు కూడా అందజేశారు. ఈవో శీనానాయక్ వారికి విరాళం రసీదు అందజేశారు.మరోవైపు తిరుమల శ్రీవారి సేవకుల మాదిరిగానే విజయవాడ దుర్గమ్మ గుడిలో సేవ చేయాలనుకునే భక్తులకు తీపికబురు చెప్పారు ఆలయ ఈవో శీనానాయక్ . దుర్గమ్మ సేవకులుగా తమ పేర్లను నమోదు చేసుకోవడానికి రాజగోపుర ప్రాంగణంలో ఒక కార్యాలయాన్ని ఏర్పాటు చేస్తామన్నారు. అంత్వరలో ఆన్‌లైన్‌లో కూడా రిజిస్ట్రేషన్ చేసుకునే అవకాశం కల్పిస్తున్నట్లు తెలిపారు. దుర్గమ్మ సేవకులు గుడిలో భక్తులకు అన్నప్రసాదం, క్యూలైన్లు, సామాన్లు భద్రపరిచే గదులు వంటి వాటి దగ్గర సేవ చేసే అవకాశం ఉంది. ఆర్జిత సేవలు, ఉచిత బస్సు, పార్కింగ్, సమాచార కేంద్రం, ప్రసాదాల కౌంటర్ల వద్ద కూడా సేవకులుగా విధుల్లో ఉంటారు. ఈ సేవలో పాల్గొనే భక్తులకు దర్శనం, వసతి, భోజన సదుపాయాలు గుడి నియమాల ప్రకారం ఉంటాయి. ఆసక్తి ఉన్న భక్తులు.. మరిన్ని వివరాల కోసం టోల్‌ ఫ్రీ నంబరు 1800 425 9099కు ఫోన్ చేయవచ్చు అని అధికారులు తెలిపారు.

విజయవాడ దుర్గమ్మకు భక్తుడి ఖరీదైన కానుక.. ఆ బంగారు హారం విలువ ఎంతో తెలుసా!

మరోవైపు విజయవాడ దుర్గగుడిలో పనిచేసే ఏఈవోలు, సూపరింటెండెంట్ల బదిలీలు జరిగాయి. పరిపాలన సక్రమంగా జరగడానికి ఈ బదిలీలు చేశామని.. ఎవరికి ఏ బాధ్యతలు అప్పగించారో కూడా తెలియజేశారు. ‘ఏఈవో బి.వి.రెడ్డికి అన్నదానం, వేద పాఠశాల, సత్రాల బాధ్యతలు ఇచ్చారు. ఎన్‌.రమేష్‌ బాబుకు మెయిన్‌ టెంపుల్, ప్రొవిజన్‌ స్టోర్సు, పూజలు, ట్రస్టు బోర్డు, ఉపాలయాల బాధ్యతలు అప్పగించారు. పి.చంద్రశేఖర్‌కు ఎస్టాబ్లిష్‌మెంట్, సెక్యూరిటీ, శానిటేషన్ బాధ్యతలు ఇచ్చారు. అసిస్టెంట్ కమిషనర్ రంగారావుకు సీవీరెడ్డి ఛారిటీస్, ల్యాండ్స్, లీగల్, ఆర్టీఐ యాక్టు బాధ్యతలు అప్పగించారు. కె.గంగాధర్‌కు కనకదుర్గప్రభ, పౌర సంబంధాలు, గవర్నమెంట్‌ స్కీమ్స్‌ కోఆర్డినేషన్‌ బాధ్యతలు ఇచ్చారు ఎం.తిరుమలరావుకు కేశఖండనశాల, దత్త దేవాలయాలు, దుర్గాఘాట్, హారతుల బాధ్యతలు అప్పగించారు. పి.సుధారాణికి ఆడిట్, చీరలు, ప్రథమ చికిత్సా కేంద్రం బాధ్యతలు అప్పగించారు. ఎం.ఎస్‌.ఎల్‌.శ్రీనివాస్‌కు అకౌంట్స్, ప్రసాదాల తయారీ బాధ్యతలు ఇచ్చారు’ అని తెలిపారు. సూపరింటెండెంట్లు కూడా బదిలీ అయ్యారు.. వారికి కూడా ఆలయంలో ఆయా బాధ్యతల్ని అప్పగించారు.

తిరుమల బాబు

రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి



Source link

Share.
.

Related Posts

Leave A Reply