ఛైల్డ్ ఆర్టిస్టుగా ఓ సినిమాలో మెరిసిన విశ్వక్ సేన్ వెళ్లిపోమాకే సినిమాతో హీరోగా ఎంట్రీ ఇచ్చాడు. ఆ తర్వాత ఈ నగరానికి ఏమైంది సినిమాతో మంచి హిట్ కొట్టాడు. ఫలక్ నుమా దాస్, హిట్, అశోక వనంలో అర్జన కల్యాణ్ం, దాస్ కా దమ్కీ, గామీ, గ్యాంగ్స్ ఆఫ్ గోదావరి, మెకానిక్ రాఖీ సినిమాలతో టాలీవుడ్ క్రేజీ హీరోల్లో ఒకడిగా మారిపోయాడు విశ్వక్ సేన్. అయితే ఈ హీరో నటించిన చివరి చిత్రం లైలా. రామ్ నారాయణ్ తెరకెక్కించిన ఈ సినిమాలో ఆకాంక్ష శర్మ హీరోయిన్ గా నటించింది. రిలీజ్ కు ముందే ఈ సినిమా నుంచి రిలీజైన పోస్టర్స్, టీజర్స్, గ్లింప్స్, ట్రైలర్ సినిమాపై అంచనాలను అమాంతం పెంచేశాయి. దీనికి తోడు విశ్వక్ లేడీ గెటప్ లో కనిపించడంతో సినిమాపై హైప్ బాగా పెరిగిపోయింది. ఇక సినిమా ప్రీ రిలీజ్ ఈవెంట్ లో నటుడు పృథ్వీ చేసిన కాంట్రవర్సీ కామెంట్స్ కూడా ఈ సినిమాను వార్తల్లో నిలిచాయి. ఇలా అభిమానుల భారీ అంచనాల మధ్య ఈ ఏడాది ప్రేమికుల దినోత్సవం (ఫిబ్రవరి 14) కానుకగా విడుదలైన లైలా సినిమా మొదటి షో నుంచే పూర్తి నెగెటివ్ టాక్ తెచ్చుకుంది. విశ్వక్ సేన్ సినిమా కెరీర్ లోనే బిగ్గెస్ట్ డిజాస్టర్ గా నిలిచింది.
ఇవి కూడా చదవండి
లైలా దెబ్బకు విశ్వక్ సేన్ కూడా డీలా పడ్డాడు. సోషల్ మీడియా వేదికగా తన అభిమానులకు క్షమాపణలు చెప్పాడు. ఇకపై కథల ఎంపికల విషయంలో మరింత జాగ్రత్తగా ఉంటానని అభిమానులకు వివరణ ఇచ్చాడు. అయితే ఈ లైలా సినిమాకు హీరోగా విశ్వక్ సేన్ ఫస్ట్ ఛాయిస్ కాదట. అతని కంటే ముందు నలుగురు హీరోలకు ఈ కథను చెప్పారట మేకర్స్. అయితే సినిమాలో హీరో లేడీ క్యారెక్టర్ రోల్ లో కనిపించాల్సి ఉండడంతో సదరు హీరోలు సినిమాను రిజెక్ట్ చేశారట. సినిమా ప్రమోషన్లలో హీరో విశ్వక్ సేనే స్వయంగా ఈ విషయాన్ని బయట పెట్టాడు. అయితే ఆ హీరోల పేర్లు మాత్రం వెల్లడించలేదు.
లైలా సినిమాలో లేడీ గెటప్ రోల్ లో హీరో విశ్వక్ సేన్..
#Laila is now trending at #2 in India on @PrimeVideoIN!
A big thank you to the audience for all the love and support!
🔗: https://t.co/UFSuBN4ZZU#LailaOnPrime pic.twitter.com/dCi9BM9OhB
— VishwakSen (@VishwakSenActor) March 14, 2025
మరిన్ని సినిమా వార్తల కోసం ఇక్కడ క్లిక్ చేయండి..
