క్రిస్పీ స్నాక్స్ ,ఫ్రైస్ : చాలా మంది వేయించిన ఆహారాన్ని ఎక్కువ ఇష్టపడుతారు. ముఖ్యంగా బంగాళ దుంప చిప్స్ చాలా మందికి ఇష్టం ఉంటుంది. అయితే బంగాళాదుంపలలోని సహజ చక్కెరలు అధిక ఉష్ణోగ్రతల వద్ద అమైనో ఆమ్లాలతో చర్య జరిపినప్పుడు అక్రిలామైడ్ ఏర్పడుతుంది. వేయించడం లేదా కాల్చడం వలన అక్రిలామైడ్ ఎక్కువగా ఉత్పన్నం అవుతుంది. ఆహార భద్రతా అధ్యయనాల ప్రకారం, బంగాళాదుంప చిప్స్‌లో అక్రిలామైడ్ స్థాయిలు 300 నుంచి 2000 µg/kg వరకు ఉండవచ్చు, ఫ్రెంచ్ ఫ్రైస్ 200 నుండి 700 µg/kg వరకు ఉండవచ్చు. ఉడకబెట్టడం లేదా గాలిలో వేయించడం, అధికంగా క్రిస్పింగ్ చేయడం తగ్గిస్తే క్యాన్సర్ కారక రసాయనం కూడా పూర్తిగా తగ్గుతుందంట.
టోస్ట్(కాల్చిన బ్రెడ్) : టోస్ట్ ఎంత ఎక్కువ గోధుమ రంగులో బాగా కాల్చి ఉంటుందో దానిలో అంత ఎక్కువ అక్రిలామైడ్ ఉంటుంది అని చెబుతున్నారు నిపుణులు. టోస్ట్ చేసిన బ్రెడ్లో అక్రిలామైడ్ స్థాయిలు అనేవి దాదాపు 50 నుండి 500 µg/kg వరకు ఉంటాయంట. వీటి రుచి అద్భుతంగా ఉండటంతో చాలా మంది దీనిని బ్రేక్ ఫాస్ట్ గా తినడానికి ఎక్కవ ఇంట్రెస్ట్ చూపిస్తారు కానీ ఇది ఆరోగ్యానికి మంచిది కాదు అని చెబుతున్నారు ౠరోగ్య నిపుణులు.
ప్యాక్ చేసిన బిస్కెట్లు : చాలా మంది ప్యాకింగ్ చేసిన బిస్కెట్స్, చిప్స్ తినడానికి ఎక్కువ ఇంట్రెస్ట్ చూపిస్తుంటారు. కానీ వీటిని ఎక్కువ ఉష్ణోగ్రత వద్ద వేడి చేయడం వలన ఇందులో క్యాన్సర్ కారక రసాయంన అక్రిలామైడ్ అనేది అధికంగా ఉంటుంది. అంతే కాకుండా చక్కెర కూడా అధిక మోతాదులో ఉంటుంది. అందుకే వీటికి చాలా దూరం ఉండాలని చెబుతున్నారు నిపుణులు. ప్యాకింట్ చేసిన బిస్కెట్స్ లో దాదాపు 160 నుంచి 1000 µg/kg వరకు అక్రిలామైడ్ రసాయం ఉంటుందంట. ఇది పదార్థాలను బేకింగ్ చేసే పద్ధతిని బట్టి ఉంటుందంటున్నారు పరిశోధకలు. అందుకే వీటిని తినకపోవడమే చాలా మంచిది.
కాఫీ:కాఫీ గింజలను వేయించేటప్పుడు , ముఖ్యంగా ప్రారంభ దశల్లో అక్రిలమైడ్ ఏర్పడుతుందంట. అందుకే వీటిని అధిక మొత్తంలో కాకుండా చాలా తక్కువ మోతాదులో తీసుకోవాలంట. అయితే బ్రూ చేసిన కాఫీలో 5 నుండి 20 µg/L అక్రిలమైడ్ రసాయనం ఉండగా,ఇన్‌స్టంట్ కాఫీలో పొడి రూపంలో 100 నుండి 400 µg/kg ఉంటుందంట.
ప్యాక్ చేసిన అల్పాహార తృణధాన్యాలు:మొక్కజొన్న రేకులు, గోధుమ క్రిస్ప్స్, ఇతర పఫ్డ్ తృణధాన్యాలను తరచుగా అధిక వేడి వద్ద కాల్చుతుంటారు. అయితే వీటిలో కూడా అక్రిలామైడ్ ఎక్కువగా ఉంటుందంట. ముఖ్యంగా ఎక్కువ మొత్తంలో చక్కెర, ఎక్కువగా గోధుమ రంగు వచ్చే వరకు వేయించిన తృణధాన్యాలలో క్యాన్సర్ కారక రసాయం ఎక్కువగా ఉంటుందంట. అంటే రసాయంన అనేది ప్రాసెసింగ్ చేసే పద్ధతిని బట్టి మారుతుందంట. అందుకే వీటికంటే అల్పాహారానికి ఓట్స్, పోహా లేదా దాలియా వంటి సాంప్రదాయ వండినవి ఉత్తమం.
