Director Rajamouli: జక్కన్న ఖాతాలో మరో క్రేజీ రికార్డ్.. వీడియో గేమ్‌ ప్రపంచంలోకి రాజమౌళి..

డైరెక్టర్ రాజమౌళి సినిమాల గురించి ప్రత్యేకంగా చెప్పక్కర్లేదు. బాహుబలి, ఆర్ఆర్ఆర్ సినిమాలతో బాక్సాఫీస్ వద్ద చరిత్ర సృష్టించిన జక్కన్న.. ఇప్పుడు సూపర్ స్టార్ మహేష్ బాబు ప్రధాన పాత్రలో ఓ ప్రాజెక్ట్ చేస్తున్నారు. భారీ బడ్జెట్ తో అత్యంత ప్రతిష్టాత్మకంగా తెరకెక్కించనున్న ఈ సినిమా పై ఇప్పటికే భారీ హైప్ నెలకొంది. ఈ సినిమాలో మహేష్ బాబు సరికొత్త లుక్ లో కనిపించనున్నారు. కొన్ని నెలలుగా ఈ మూవీ షూటింగ్ వేగంగా జరుగుతుంది. ఇందులో గ్లోబల్ బ్యూటీ ప్రియాంక చోప్రా కథానాయికగా నటిస్తున్న సంగతి తెలిసిందే. త్వరలోనే ఈ సినిమాకు సంబంధించిన మరిన్ని వివరాలను ప్రకటించనున్నారు మేకర్స్. ఇదంతా పక్కన పెడితే.. ఇప్పుడు రాజమౌళి పేరు నెట్టింట మారుమోగుతుంది. ఓ జపనీస్ వీడియో గేమ్ లో కనిపించి భారతీయ నటీనటులకు ఎవరికీ సాధ్యం కానీ ఘనత సాధించారు.

జపాన్ లో తెలుగు సినిమాలకు స్పెషల్ ఫ్యాన్ బేస్ ఉన్న సంగతి తెలిసిందే. ఆర్ఆర్ఆర్ సినిమాను అక్కడ పెద్ద ఎత్తున ప్రమోట్ చేశారు జక్కన్న. ఆ దేశంలో ట్రిపుల్ ఆర్ సినిమాకు విపరీతమైన రెస్పాన్స్ వచ్చింది. ఇదిలా ఉంటే.. జపనీస్ వీడియో గేమ్ సృృష్టికర్త హిడియో కోజిమా అప్పట్లో రాజమౌళి కలవడం చర్చనీయాంశమైంది. దీంతో మహేష్ సినిమా కోసం ఆయనతో కలిసి పనిచేయబోతున్నాడా ? అనే సందేహాలు వ్యక్తమయ్యాయి. ఇక ఇప్పుడు కోజిమా సృష్టించిన డెత్ స్టాండింగ్ 2 వీడియో గేమ్ లో జక్కన్నతోపాటు ఆయన కొడుకు కార్తికేయ సైతం కనిపించారు. ఇది చూసి ఫ్యాన్స్ షాకవుతున్నారు. ఈ ఒక్క వీడియో గేమ్ లో కనిపించి పాన్ వరల్డ్ స్టార్ అయ్యారు జక్కన్న. ఇందులో కనిపించిన భారతీయ తొలి సెలబ్రెటీగా రికార్డ్ సృష్టించారు. ప్రస్తుతం ఈ వీడియో గేమ్ వీడియో సోషల్ మీడియాలో వైరలవుతుంది.

ఇక ఆర్ఆర్ఆర్ సినిమా తర్వాత కొన్నాళ్లు గ్యాప్ తీసుకున్న జక్కన్న ఇప్పుడు మహేష్ సినిమాతో ఫుల్ బిజీగా ఉన్నారు. ఈ చిత్రాన్ని పాన్ వరల్డ్ లెవల్లో రూపొందించనున్నారు. ఈ సినిమాపై ఇప్పటికే భారీగా అంచనాలు నెలకొన్నాయి. ఈ సినిమా కోసం హైదరాబాద్ లోనే వారణాసి సెట్ వేశారని.. ఇది సినీ చరిత్రలోనే అత్యంత ఖరీదైన సెట్ అని మాట్లాడుకుంటున్నారు.

#DeathStranding2 video game featuring SSR! 👍

pic.twitter.com/HsdS4wZh0N

— idlebrain jeevi (@idlebrainjeevi) June 24, 2025

ఇవి కూడా చదవండి : 

Telugu Cinema: టాలీవుడ్ ఇండస్ట్రీలో తోపు హీరోయిన్.. ఇప్పుడేం స్పెషల్ సాంగ్స్‏తో రచ్చ చేస్తుంది.. ఈ క్యూటీ ఎవరంటే..

చేసిన సినిమాలన్నీ అట్టర్ ప్లాప్.. అయినా ఒక్కో సినిమాకు రూ.11 కోట్లు.. తెలుగువారికి ఇష్టమైన హీరోయిన్..

Nuvvostanante Nenoddantana: ఫ్యాషన్ ప్రపంచంలో స్టార్ హీరోయిన్.. మహిళలకు రోల్ మోడల్‏.. ఇప్పుడేం చేస్తుందంటే..

Tollywood: సినిమాలు వదిలేసి సన్యాసిగా మారిన హీరోయిన్.. కారణం ఇదేనట..