Neelima Denies 12 Marriages: కోనసీమ జిల్లాకు చెందిన నీలిమ అనే యువతి తనకు 12 పెళ్లిళ్లు జరిగాయంటూ జరుగుతున్న ప్రచారంపై ఆవేదన వ్యక్తం చేసింది. తనకు ఒక్క వివాహమే జరిగిందని, ఆరోపణలు నిరూపించాలని సవాల్ చేసింది. మోసం చేసిన పాస్టర్ బెర్నేష్, అతని కుటుంబ సభ్యులే తప్పుడు ప్రచారం చేస్తున్నారని ఆమె ఆరోపించింది. బెర్నేష్‌కు గతంలోనే వివాహం అయి ఇద్దరు పిల్లలు ఉన్నారని, ఈ విషయమై పోలీసులకు ఫిర్యాదు చేశానని నీలిమ తెలిపింది. పోలీసులు కేసు నమోదు చేశారు.
హైలైట్:
- కోనసీమ యువతి 12 పెళ్లిళ్లు చేసుకుందని ఆరోపణలు
- ఆ ఆరోపణల్ని నిరూపించాలని సవాల్ చేసిన యువతి
- పాస్టర్ తనపై తప్పుడు ప్రచారం చేయిస్తున్నారని ఆవేదన
ఈ 12 పెళ్లిళ్ల ఆరోపణలపై రామచంద్రపురం పోలీసులు కూడా స్పందించారు. యువతి 12 పెళ్లిళ్ల వ్యవహారంపై ఇప్పటి వరకు స్పష్టమైన ఆధారాలు లేవని చెప్పారు. అమలాపురం ఎస్పీ కార్యాలయంలో రాజేశ్వరి అనే మహిళ నీలిమతో పాటుగా ఆమె కుటుంబసభ్యులపై ఫిర్యాదు చేశారన్నారు. ఈ రెండు కుటుంబాల మధ్య గతంలో గొడవలు జరిగాయని.. కోర్టులో కేసులు విచారణ దశలో ఉన్నాయన్నారు. ఆర్థికపరమైన లావాదేవీల విషయంలో నీలిమపై ఎస్పీ కార్యాలయంలో ఫిర్యాదు చేసినట్లు తెలుస్తోందన్నారు. మరి ఈ పెళ్లిళ్ల ఆరోపణల వివాదానికి పోలీసులు ఎలా చెక్ పెడతారో చూడాలి.
నేను 12 పెళ్లిళ్లు చేసుకోలేదు, నిరూపిస్తారా.. ఇదంతా ఆ పాస్టర్ చేయిస్తున్నాడు: నీలిమ ఆవేదన
కాకినాడ కుర్రాడి అద్భుత సృష్టి.. రూ.2.5 లక్షలకే జీపు, ప్రత్యేకతలివే.. మనోడి టాలెంట్‌కు హ్యాట్సాఫ్. ఈ నెయ్యి తింటే నేరుగా ఆస్పత్రి బెడ్ ఎక్కడమే.. జాగ్రత్తగా ఉండండి, ఈ విషయం తెలుసుకోండి.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
