కలబందలో అపారమైన పోషకాలు, యాంటీఆక్సిడెంట్లు, విటమిన్లు (A, C, E), ఖనిజాలు పుష్కలంగా ఉంటాయి. ఇవి శరీరానికి అవసరమైన పోషకాలను అందిస్తాయి. జీర్ణక్రియ మెరుగుపరచడం నుండి రోగనిరోధక వ్యవస్థను బలోపేతం చేయడం వరకు అనేక విధాలుగా ఇది ఉపయోగపడుతుంది.
పోషకాహార నిపుణులు చెప్పిన దాని ప్రకారం.. కలబంద రసంలో ఉండే మంటను తగ్గించే (యాంటీ ఇన్‌ఫ్లమేటరీ) గుణాలు శరీరంలోని మంటను గణనీయంగా తగ్గిస్తాయి. ఇది శరీరం రక్షణ వ్యవస్థను సమతుల్యం చేసి వ్యాధుల నుండి రక్షించడంలో సహాయపడుతుంది.
కలబందలో ఉండే బీటా కెరోటిన్, విటమిన్ సి, విటమిన్ ఇ వంటి యాంటీఆక్సిడెంట్లు శరీరాన్ని హానికరమైన ఫ్రీ రాడికల్స్ నుండి కాపాడతాయి. వీటితో పాటు కలబందలో ఉండే సహజ విటమిన్లు రోగనిరోధక శక్తిని పెంపొందించడంలో తోడ్పడతాయి.
పోషకాహార నిపుణులు సూచించిన విధంగా.. రోజుకు 50 మిల్లీలీటర్ల నుండి 120 మిల్లీలీటర్ల వరకు కలబంద రసం తాగవచ్చు. కొన్ని ప్రాథమిక పరిశోధనల ప్రకారం.. ఇది రక్తంలో షుగర్ స్థాయిలను అదుపులో ఉంచడానికి కూడా సహాయపడే అవకాశం ఉంది.
కలబంద రసం తాగడం వల్ల జీర్ణక్రియ మెరుగుపడుతుంది. గ్యాస్, మలబద్ధకం, పుల్లని తేన్పులు వంటి సమస్యలు తగ్గుతాయి. అంతేకాకుండా ఇది నోటి లోపల ఉండే గాయాలపై కూడా ప్రభావవంతంగా పనిచేస్తుంది. దీని మంటను తగ్గించే గుణాల వల్ల పళ్ల మధ్య నరాల ఆరోగ్యానికి ఇది ఉపయోగపడుతుంది.
కలబందలో ఉండే ప్రోటీయోలిటిక్ ఎంజైమ్స్ జుట్టు మూలాలను బలంగా చేసి కొత్త జుట్టు పెరగడానికి సహాయపడతాయి. ఇది తలకు రక్త ప్రసరణను మెరుగుపరుస్తుంది, జుట్టు రాలడాన్ని తగ్గిస్తుంది. కొత్త జుట్టు రావడానికి ఇది ఒక సహజ పరిష్కారం.
కేవలం చర్మానికి మాత్రమే కాదు.. కలబంద మీ జీర్ణక్రియ, రోగనిరోధక వ్యవస్థ, రక్తంలో షుగర్ నియంత్రణ, జుట్టు ఆరోగ్యం వంటి అనేక విషయాల్లో సహాయపడుతుంది. రోజూ దీన్ని తీసుకోవడం ద్వారా మీరు ఆరోగ్యాన్ని కాపాడుకోవచ్చు. అయితే ఎంత మోతాదులో తాగాలి, మీకు సరిపోతుందా లేదా అనే విషయాలపై నిపుణుల సలహా తీసుకోవడం మంచిది.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
