ఆంధ్రప్రదేశ్‌లో ఏర్పాటు చేయనున్న రిలయన్స్ పరిశ్రమకు కూటమి ప్రభుత్వం.. తాజాగా భూమిని కేటాయించింది. రిలయన్స్ కంపెనీ రూ.1622 కోట్ల పెట్టుబడి పెట్టనుంది. ఈ కంపెనీతో ప్రత్యక్షంగా, పరోక్షంగా వేలాది మందికి ఉద్యోగాలు లభిస్తాయని సంబంధిత వర్గాలు పేర్కొన్నాయి. తాజాగా సీఎం అధ్యక్షతన జరిగిన సమావేశంలో ఈ రిలయన్స్ ప్రాజెక్టు కోసం 80 ఎకరాల భూమిని కేటాయించారు. వచ్చే ఏడాది డిసెంబర్‌లోగా ఉత్పత్తి ప్రారంభించాలని రిలయన్స్‌ను ప్రభుత్వం ఆదేశించింది.
ఈ ప్రాజెక్టు ద్వారా ప్రత్యక్షంగా 1200 మందికి.. పరోక్షంగా మరో 3 వేల మందికి ఉద్యోగాలు లభిస్తాయని అంచనా వేస్తున్నారు. తాజాగా ముఖ్యమంత్రి నారా చంద్రబాబు నాయుడు అధ్యక్షతన జరిగిన ఎస్‌ఐపీబీ సమావేశంలో ఆమోదం కల్పించిన ఈ ప్రాజెక్టుకు ఏపీ సర్కార్ 80 ఎకరాల భూమిని కేటాయించారు. వచ్చే ఏడాది డిసెంబర్‌లోగా ఈ రిలయన్స్ కంపెనీలో ఉత్పత్తిని మొదలు పెట్టాలని ఆ సంస్థకు ప్రభుత్వం తెలిపింది. ఈ ప్రాజెక్ట్ రిలయన్స్ కన్స్యూమర్ ప్రొడక్ట్స్ లిమిటెడ్, రిలయన్స్ రిటైల్ వెంచర్స్ లిమిటెడ్ అనుబంధ సంస్థ కింది రానుంది.
రెండు దశల్లో ఈ ప్రాజెక్ట్ పూర్తి అయితే.. ప్రత్యక్షంగా, పరోక్షంగా సుమారు 5,200 మందికి ఉపాధి లభిస్తుందని రిలయన్స్ తన డీపీఆర్‌లో అంచనా వేసింది. ఈ ప్రతిపాదనలకు ఈనెల 19వ తేదీన సీఎం చంద్రబాబు అధ్యక్షతన జరిగిన ఎస్‌ఐపీబీ సమావేశంలో ఆమోదం తెలిపింది. కర్నూలు సమీపంలోని ఓర్వకల్లులో ఎపీఐఐసీ ల్యాండ్ బ్యాంక్‌లో ఈ పరిశ్రమను ఏర్పాటు చేయడానికి ప్రభుత్వం అనుమతించింది. ప్లాంట్ కోసం ఎకరాకు రూ.30 లక్షల చొప్పున 80 ఎకరాల భూమిని కేటాయిస్తున్నట్లు ప్రభుత్వం తెలిపింది. ఈ ప్లాంట్‌లో బాట్లింగ్ లైన్, వేర్‌హౌసింగ్, వాటర్ ట్రీట్‌మెంట్ సౌకర్యాలు, అడ్మినిస్ట్రేటివ్ భవనాలు ఉంటాయని రిలయన్స్ సంస్థ పేర్కొంది.
ఏపీ ఫుడ్ ప్రాసెసింగ్ పాలసీ 4.0 ప్రకారం ఈ పరిశ్రమకు అవసరమైన ప్రోత్సాహకాలు సైతం అందించనున్నట్లు ప్రభుత్వం స్పష్టం చేసింది. వచ్చే ఏడాది డిసెంబర్‌లోగా పరిశ్రమలో ఉత్పత్తి ప్రారంభించాలని ఉత్తర్వుల్లో రిలయన్స్ సంస్థను ప్రభుత్వం ఆదేశించింది. ఈ మేరకు తదుపరి చర్యలు తీసుకోవాలని ఏపీఐఐసీ చైర్మన్, ఎండీని ఆదేశిస్తూ పరిశ్రమలు, వాణిజ్య విభాగం కార్యదర్శి చిరంజీవి చౌదరి ఉత్తర్వులు జారీ చేశారు. రిలయన్స్ ఇప్పటికే ఆంధ్రప్రదేశ్‌లో రూ. 65 వేల కోట్ల పెట్టుబడితో 500 కంప్రెస్డ్ బయోగాస్ యూనిట్లను ఏర్పాటు చేయడానికి ఒప్పందం కుదుర్చుకుంది. ఈ తాజా పెట్టుబడి రాష్ట్ర ఆర్థిక వ్యవస్థకు మరింత బలాన్ని చేకూర్చనుంది.
రచయిత గురించిశివరామచారి తాటికొండశివరామచారి తాటికొండ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 4 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
