Kadapa Electric Scooty Blast Woman Death: కడప జిల్లా ఎర్రగుంట్ల మండలం పోట్లదుర్తిలో గురువారం రాత్రి జరిగిన విషాద ఘటనలో ఎలక్ట్రిక్ స్కూటీ పేలి వెంకట లక్ష్మమ్మ (62) అనే మహిళ మృతి చెందారు. స్కూటీ ఛార్జింగ్ చేస్తుండగా పేలుడు సంభవించింది. పోలీసులు కేసు నమోదు చేసి దర్యాప్తు చేస్తున్నారు. బ్యాటరీ సమస్య లేదా ఛార్జింగ్ సాకెట్ లో లోపం కారణమై ఉండొచ్చని అనుమానిస్తున్నారు. ప్రమాదం జరిగిన సమయంలో ఆమె పక్కనే నిద్రిస్తుండటంతో మంటల్లో కాలిపోయి అక్కడికక్కడే మరణించారు. ఈ ఘటన స్థానికంగా తీవ్ర విషాదాన్ని నింపింది.
హైలైట్:
- కడప జిల్లాలో విషాద ఘటన
- స్కూటీ పేలి మహిళ మరణం
- ఇంట్లో వ్యాపించిన మంటలు
అయితే, స్కూటీ కొని రెండున్నరేళ్లు అవుతుందని మృతురాలి బంధువులు చెబుతున్నారు. కానీ, ఇప్పటి వరకు ఎలాంటి ఇబ్బంది రాలేదని.. అయితే, ఇలా ఒక్కసారిగా పేలుతుందని కలలో కూడా ఊహించలేదని అంటున్నారు. విషయం తెలుసుకున్న పోలీసులు కేసు దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం ప్రొద్దుటూరు ప్రభుత్వాసుపత్రికి తరలించారు. ఊహించని ఘటనతో ఆ కుటుంబసభ్యులు కన్నీరుమున్నీరవుతున్నారు.
ఇటీవల కాలంలో ప్రజలు పెట్రోల్ బైక్‌లు, స్కూటీలు పక్కనపెట్టి కొంతకాలంగా ఎలక్ట్రిక్ వాహనాల వైపు మొగ్గు చూపుతున్నారు. ఈ మేరకు ప్రభుత్వాలు కూడా ఎలక్ట్రిక్ బైకుల వాడకాన్ని ప్రోత్సహిస్తున్నాయి.. పొల్యూషన్ నుంచి బయటపడొచ్చంటున్నారు. ఇటీవల కాలంలో ఎలక్ట్రిక్ వాహనాల కొనుగోలుపై ప్రజలు ఆసక్తి చూపిస్తున్నారు. అలాగే ఈ వాహనాలు కొనుగోలు చేసే వారి సంఖ్య కూడా రోజురోజుకు పెరుగుతోంది. అయితే తెలుగు రాష్ట్రాల్లో ఎలక్ట్రిక్ స్కూటర్లు పేలిన ఘటనల్లో పలువురు ప్రాణాలు కోల్పోగా.. చాలామంది గాయపడ్డారు. ఇటీవల కాలంలో పలు రాష్ట్రాల్లో ఎలక్ట్రిక్ వాహనాలు పేలడం ఆందోళన కలిగిస్తోంది.
కడప: ఎలక్ట్రిక్ స్కూటీ పేలి మహిళ మృతి.. ఆ చిన్న తప్పుతో, అయ్యో ఎంత ఘోరం
కొన్ని సందర్భాల్లో స్కూటీ, బైక్‌ల బ్యాటరీలు పేలిన సందర్భాల ఉన్నాయి. అలాగే కొందరు ఎక్కువసేపు ఛార్జింగ్ పెట్టిన కారణంగా వేడెక్కి పేలే అవకాశం ఉందంటున్నారు. అంతేకాదు ఛార్జర్‌ల విషయంలో కూడా జాగ్రత్తలు అవసరమంటున్నారు. ఈ ఎలక్ట్రిక్ స్కూటీలను, బైక్‌లను వేడిగా ఉండే ప్రదేశాల్లో, ఎండలో ఉంచకూడదంటున్నారు. బ్యాటరీ వేడెక్కి పేలుడు జరిగే అవకాశం ఉంటుందంటున్నారు. ఎలక్ట్రిక్ బైక్‌లు, స్కూటీలు ఉన్నవారు కొన్ని జాగ్రత్తలు తీసుకోవడం మంచిదని సూచిస్తున్నారు. ముఖ్యంగా ఛార్జింగ్ పెట్టే సమయంలో ఛార్జర్‌, బ్యాటరీలను చెక్ చేసుకోవాలంటున్నారు. అలా ఛార్జింగ్ పెట్టి వదిలేయకుండా.. ఎప్పటికప్పుడు ఛార్జింగ్ అవుతుందో , లేదో గమనించాలని.. ఛార్జింగ్ పూర్తి కాగానే బైక్‌ను పక్కకు తీయాలి అంటున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
