తమిళ్ టాలెంటెడ్ హీరో కార్తీ ఫ్యాన్ బేస్ గురించి ప్రత్యేకంగా చెప్పాల్సిన అవసరం లేదు.. తమిళ్ ఆడియన్స్ కంటే తెలుగు ప్రేక్షకులే కార్తీని ఎక్కువ అభిమానిస్తారు. ఆయన నటించిన సినిమాలన్నీ తెలుగులోకి డబ్ అవుతూ ఉంటాయి. ముఖ్యంగా యుగానికొక్కడు సినిమాకు తెలుగు ప్రేక్షకులు ఫిదా అయ్యారు. ఈ సినిమాలో కార్తీ నటన చాల సహజంగా ఉంటుంది. ఆతర్వాత ఆవారా సినిమాతో అమ్మాయిల మనసు దోచేశాడు. ఇక హిట్లు ఫ్లాప్స్ తో సంబంధం లేకుండా వరుసగా సినిమాలు చేస్తున్న కార్తీ త్వరలోనే నాని ప్రొడక్షన్ లో సినిమా చేయనున్నాడు. నాని నిర్మిస్తున్న హిట్ ఫ్రాంచెజ్ లో భాగంగా హిట్ 4 సినిమాలో కార్తీ హీరోగా నటిస్తున్నాడు. ఇటీవల విడుదలైన హిట్ 3 ఎండ్ ఓ కార్తీ హిట్ 4లో హీరో అని అనౌన్స్ చేశారు.
ఈ సినిమాతో పాటు లోకేష్ కనగరాజ్ దర్శకత్వంలో ఖైదీ2 సినిమా చేస్తున్నాడు. గతంలో వచ్చిన ఖైదీ సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు.. తెలుగు, తమిళ్ భాషల్లో విడుదలైన ఈ సినిమా సూపర్ హిట్ అయ్యింది. ఇక ఇప్పుడు ఈ సినిమాకు సీక్వెల్ తెరకెక్కిస్తున్నాడు లోకేష్ కానగరాజ్. త్వరలోనే ఈ సినిమా షూటింగ్ మొదలు పెట్టనున్నాడు. అయితే ఖైదీ సినిమాలో హీరోయిన్ లేదు.. పాటలు లేవు.. ఓన్లీ హీరో మీదే సినిమాను నడిపించాడు లోకేష్..
కానీ ఖైదీ 2లో మాత్రం ఓ స్టార్ హీరోయిన్ నటిస్తుందని తెలుస్తుంది. ఓ స్టార్ హీరోయిన్ ను లోకేష్ ఖైదీ 2కోసం సంప్రదిస్తున్నట్టు వార్తలు వినిపిస్తున్నాయి. ఆమె ఎవరో కాదు అందాల భామ అనుష్క శెట్టి.. ఖైదీ 2లో అనుష్క కీలక పాత్రలో నటిస్తుందని కోలీవుడ్ లో టాక్ వినిపిస్తుంది. త్వరలోనే దీని పై క్లారిటీ ఇవ్వనున్నారు. ప్రస్తతం అనుష్క ఘాటీ అనే సినిమాలో నటిస్తుంది. ఈ సినిమా త్వరలోనే ప్రేక్షకుల ముందుకు రానుంది.
మరిన్ని సినిమా వార్తల కోసం ఇక్కడ క్లిక్ చేయండి
