విశాఖపట్నంకు చెందిన వెంకట చరణ్ ఫ్రిక్షన్ వెల్డింగ్‌పై చేసిన పరిశోధనలకు అంతర్జాతీయంగా గుర్తింపు లభించింది. ఆయన ప్రతిభకు అమెరికా ఫిదా అయి ఈబీ-1 గ్రీన్ కార్డును జారీ చేసింది. గీతం కాలేజీలో ఇంజినీరింగ్ పూర్తి చేసిన చరణ్, ‘అచీవర్ ఓవర్సీస్ ఎడ్యుకేషనల్ సర్వీసెస్’ ద్వారా విద్యార్థులకు సహాయం చేస్తున్నారు. ప్రస్తుతం అమెరికాలోని ఒక ఎలక్ట్రిక్ సంస్థలో సీనియర్ డైరెక్టర్ ఆఫ్ క్వాలిటీగా పనిచేస్తున్నారు. ఆయన పరిశోధనలను 25 దేశాలు గుర్తించాయి.
హైలైట్:
- అంతర్జాతీయంగా విశాఖ యువకుడికి గుర్తింపు
- ప్రిక్షన్ వెల్డింగ్‌లో పరిశోధనలకు దక్కిన గౌరవం
- ప్రతిభావంతులకు ఇచ్చే గ్రీన్ కార్డు జారీచేసిన అమెరికా
చాలామంది చదువుకోవడానికి, ఉద్యోగాల కోసం విదేశాలకు వెళ్లాలనుకుంటారు. కానీ ఎలా వెళ్లాలో, ఎక్కడ చదవాలో, ఏం చేయాలో తెలియక కంగారు పడుతుంటారు. అలాంటి వారికి సహాయం చేయడానికి వెంకట చరణ్ ‘అచీవర్ ఓవర్సీస్ ఎడ్యుకేషనల్ సర్వీసెస్’ అనే సంస్థను స్థాపించారు. ఆయన తనలాగా ఎవరూ ఇబ్బంది పడకూడదని సలహాలు ఇస్తూ, కొత్తవారికి దారి చూపిస్తున్నారు.
ఏంటీ ఈబీ-1 గ్రీన్ కార్డు
ఈబీ-1 గ్రీన్ కార్డును అందరికీ ఇవ్వరు. ఆస్కార్ అవార్డులు, ఒలింపిక్స్ పతకాలు, నోబెల్ బహుమతులు గెలుచుకున్న వాళ్లకి ఇస్తారు. అలాగే, ఏదైనా రంగంలో చాలా గొప్పగా పనిచేసిన వాళ్లకి కూడా ఇస్తారు. వెంకట చరణ్ ఈ కార్డు కోసం దరఖాస్తు చేసుకున్నారు. చాలామంది పోటీ పడ్డారు. చాలా పరీక్షల తర్వాత ఆయనను ఎంపిక చేశారు. ఆయనకు అంతర్జాతీయంగా ఉన్న పేరును, ఆయన రాసిన పరిశోధన పత్రాలను చూసి ఈ కార్డు ఇచ్చారు. ఆయన రాసిన కొన్ని విషయాలను 25 దేశాల పరిశోధకులు 400 సార్లు ఉపయోగించారు. ఆయన ఫ్రిక్షన్ వెల్డింగ్‌పై చేసిన పరిశోధన కొత్తగా ఉండటంతో ఆయనకు కలిసొచ్చింది.
విశాఖ వాసికి అమెరికా అరుదైన గుర్తింపు.. ఈబీ-1 గ్రీన్ కార్డ్ జారీ.. ప్రత్యేకత ఏంటి?
విశాఖ వాసికి అమెరికా అరుదైన గుర్తింపు.. ఈబీ-1 గ్రీన్ కార్డ్ జారీ.. ప్రత్యేకత ఏంటి?
పరిశోధనలు అమోఘం
వెంకట చరణ్ తయారీ రంగంలో నాణ్యతను కాపాడే నిపుణుడిగా ఎదిగారు. 15 ఏళ్ల క్రితం అమెరికా వెళ్లి ఒక్కో మెట్టు ఎక్కారు. వస్తువుల నాణ్యతను గుర్తించి సర్టిఫికెట్ ఇచ్చే స్థాయికి చేరుకున్నారు. ఆయన పరిశోధనలు 20కి పైగా అంతర్జాతీయ జర్నల్స్‌లో ప్రచురితమయ్యాయి. కొంతమంది రచయితలతో కలిసి ఐదు పుస్తకాల్లో కొన్ని పాఠాలు రాశారు. కొన్ని అంతర్జాతీయ ప్రచురణలకు సమీక్షకుడిగా కూడా పని చేస్తున్నారు. వెంకట్ చరన్ చాలా సంవత్సరాలుగా అమెరికా సొసైటీ ఫర్ క్వాలిటీ (ASQ) సభ్యుడిగా ఉన్నారు. చాలా సంస్థల్లో గౌరవ పదవులు నిర్వహించారు. 85 దేశాలకు చెందిన ఇంజినీర్లున్న మెంబర్ ఆఫ్ సొసైటీ ఫర్ మానుఫ్యాక్చరింగ్ ఇంజినీర్స్ సభ్యుడిగానూ కొనసాగుతున్నారు. రెండేళ్ల క్రితం ఆ సంస్థ నుంచి ఉత్తమ యువ ఇంజినీర్ అవార్డును కూడా గెలుచుకోవడం విశేషం.
రచయిత గురించిఅప్పారావు జివిఎన్జీవీఎన్ అప్పారావు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ జాతీయ, అంతర్జాతీయ అంశాలకు సంబంధించిన తాజా వార్తలు, కథనాలు అందిస్తుంటారు. ఆయనకు జర్నలిజంలో 10 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో విద్య, జాతీయ రంగాలకు సంబంధించి వార్తలు రాశారు.… ఇంకా చదవండి
